Abhishek Sharma Hits Fifty in 14 Balls Creates Record
గువహటి వేదికగా ఆదివారం న్యూజిలాండ్తో జరిగిన మూడో టీ20 అంతర్జాతీయ మ్యాచ్లో భారత ఓపెనర్ అభిషేక్ శర్మ అద్భుత ప్రదర్శనతో అభిమానులను ఉర్రూతలూగించాడు. కేవలం 14 బంతుల్లోనే అర్ధ శతకాన్ని పూర్తి చేసి సంచలనం సృష్టించాడు. అతడి దూకుడు బ్యాటింగ్తో భారత్ లక్ష్యాన్ని అతి వేగంగా చేధించింది.
ఈ ఇన్నింగ్స్తో అభిషేక్ శర్మ టీ20 అంతర్జాతీయ క్రికెట్లో ఒక భారతీయ ఆటగాడు సాధించిన రెండవ వేగవంతమైన అర్ధ శతక రికార్డును తన ఖాతాలో వేసుకున్నాడు. పవర్ హిట్టింగ్తో బౌలర్లపై ఆధిపత్యం చెలాయిస్తూ మ్యాచ్ను ఏకపక్షంగా మార్చేశాడు.
ఈ జాబితాలో ఇప్పటికీ అగ్రస్థానంలో టీమ్ ఇండియా మాజీ స్టార్ బ్యాటర్ యువరాజ్ సింగ్ నిలిచాడు. 2007 టీ20 ప్రపంచకప్లో ఇంగ్లాండ్తో జరిగిన మ్యాచ్లో యువరాజ్ సింగ్ కేవలం 12 బంతుల్లోనే అర్ధ శతకం సాధించాడు. అదే మ్యాచ్లో స్టువర్ట్ బ్రాడ్ వేసిన ఒక ఓవర్లో వరుసగా ఆరు సిక్సర్లు బాది క్రికెట్ చరిత్రలో చిరస్థాయిగా నిలిచిపోయాడు.
ఇప్పుడు అభిషేక్ శర్మ 14 బంతుల్లో అర్ధ శతకం సాధించడం ద్వారా యువరాజ్ తర్వాత అత్యంత వేగంగా ఫిఫ్టీ చేసిన రెండవ భారత ఆటగాడిగా గుర్తింపు పొందాడు. అతడి ఈ ప్రదర్శన భారత క్రికెట్ అభిమానులకు మరింత ఉత్సాహాన్ని తీసుకొచ్చింది.
మరిన్నివార్తలుచదవండి: టీ20 వరల్డ్ కప్ 2026పై పాకిస్తాన్కు ఐసీసీ హెచ్చరిక, బహిష్కరణ చేస్తే కఠిన ఆంక్షలు