Aman Khan Record in Vijay Hazare Trophy, Puducherry Team Wins
దేశవాళీ వన్డే టోర్నీ విజయ్ హజారే ట్రోఫీలో పుదుచ్చేరి జట్టు కెప్టెన్, ఆల్రౌండర్ అమాన్ ఖాన్ ఓ అరుదైన ప్రపంచ రికార్డును నమోదు చేశాడు. అయితే ఇది గర్వంగా చెప్పుకునే రికార్డు కాకుండా, ఎవరికీ కావాల్సిన అవసరం లేని అవమానకరమైన రికార్డు కావడం విశేషం.
జార్ఖండ్తో సోమవారం జరిగిన మ్యాచ్లో అమాన్ ఖాన్ తన 10 ఓవర్ల కోటాలో ఏకంగా 123 పరుగులు సమర్పించాడు. లిస్ట్-ఏ క్రికెట్లో (దేశవాళీ మరియు అంతర్జాతీయ వన్డేలు కలిపి) ఒకే మ్యాచ్లో ఓ బౌలర్ ఇచ్చిన అత్యధిక పరుగులుగా ఇది కొత్త ప్రపంచ రికార్డుగా నిలిచింది.
ఇదివరకు ఇదే విజయ్ హజారే ట్రోఫీలో ఈ నెల 24న బిహార్తో జరిగిన మ్యాచ్లో అరుణాచల్ ప్రదేశ్ బౌలర్ మిబోమ్ మోసూ 9 ఓవర్లలో 116 పరుగులు ఇచ్చిన రికార్డు ఉండేది. తాజాగా అమాన్ ఖాన్ ప్రదర్శనతో ఆ రికార్డు చెరిపివేయబడింది.
ఐపీఎల్లో ఇప్పటివరకు రెండు సీజన్లలో కోల్కతా నైట్ రైడర్స్, ఢిల్లీ క్యాపిటల్స్ జట్లకు కలిపి 12 మ్యాచ్లు ఆడిన అమాన్ ఖాన్కు బౌలింగ్ చేసే అవకాశాలు మాత్రం దాదాపు లేవనే చెప్పాలి.
ఈ మ్యాచ్లలో అతడికి కేవలం ఒక్క ఓవర్ మాత్రమే బౌలింగ్ చేసే అవకాశం దక్కింది. అయినప్పటికీ, తాజాగా జరిగిన ఐపీఎల్ 2026 వేలంలో చెన్నై సూపర్ కింగ్స్ అమాన్ ఖాన్ను రూ.40 లక్షలకు సొంతం చేసుకోవడం గమనార్హం.
ఈ మ్యాచ్లో తొలుత బ్యాటింగ్ చేసిన జార్ఖండ్ జట్టు 50 ఓవర్లలో 7 వికెట్లు కోల్పోయి భారీగా 368 పరుగులు చేసింది. అనంతరం లక్ష్య ఛేదనకు దిగిన పుదుచ్చేరి జట్టు 235 పరుగులకే ఆలౌట్ కావడంతో, జార్ఖండ్ 133 పరుగుల తేడాతో ఘన విజయం సాధించింది.
మరిన్నివార్తలుచదవండి: డబ్ల్యూపీఎల్ 2026కు ముందే ఆర్సీబీ, ఢిల్లీ క్యాపిటల్స్కు భారీ షాక్