Ashes 2025-26: Controversial Labuschagne Dismissal in Boxing Day Test
యాషెస్ సిరీస్ 2025-26లో భాగంగా మెల్బోర్న్ వేదికగా జరిగిన బాక్సింగ్ డే టెస్టులో ఇంగ్లండ్ 4 వికెట్ల తేడాతో విజయం సాధించింది. 174 పరుగుల లక్ష్యాన్ని 6 వికెట్లు కోల్పోయి ఇంగ్లండ్ సాధించగా, ఇది ఆస్ట్రేలియా భూమిపై ఇంగ్లిష్ జట్టుకు 15 ఏళ్ల తర్వాత వచ్చిన తొలి టెస్టు విజయం.
కానీ ఈ మ్యాచ్లో ఆసీస్ ఆటగాడు లబుషేన్ ఔట్ కావడంపై థర్డ్ అంపైర్ తీసుకున్న నిర్ణయం చర్చనీయమైంది.
ముగ్గురు అంపైర్ల వ్యవహారాన్ని పరిశీలిద్దాం:
ఆసీస్ రెండో ఇన్నింగ్స్లో 18వ ఓవర్లో ఇంగ్లండ్ పేసర్ జోష్ టంగ్ గుడ్ లెంగ్త్ డెలివరీ వేస్తాడు. లబుషేన్ దానిని డిఫెండ్ చేసేందుకు ప్రయత్నించగా, బంతి బ్యాట్ ఎడ్జ్ని తాకి స్లిప్ ఫీల్డ్ వైపుకు వెళ్ళింది. ఫస్ట్ స్లిప్లో ఉన్న జో రూట్ ఆ బంతిని అందుకున్నాడు.
ఇంగ్లండ్ ఆటగాళ్లు వెంటనే సెలబ్రేట్ చేసుకోగా, లబుషేన్ బంతి నేలకి తాకి రూట్ చేతికి వచ్చింది లేదా నేరుగా రూట్ అందుకున్నదా అని సందేహంతో క్రీజులో నిలిచాడు. దీంతో ఫీల్డ్ అంపైర్లు థర్డ్ అంపైర్ను రిఫర్ చేశారు.
What did you make of this catch? Out or not out?#Ashes | #DRSChallenge | @Westpac pic.twitter.com/pnWo2qt6qc
— cricket.com.au (@cricketcomau) December 27, 2025
థర్డ్ అంపైర్ పలు కోణాల్లో రీప్లేలను పరిశీలించిన తర్వాత, బంతి రూట్ చేతిలోకి వెళ్ళినప్పుడు నేల తాకిందని స్పష్టంగా నిర్ధారించలేకపోవడంతో, లబుషేన్ను ఔట్గా ప్రకటించాడు. ఈ నిర్ణయం ఆసీస్ ఆటగాళ్లలో షాక్ను సృష్టించింది. కొంత కోణంలో బంతి నేల తాకినట్లు కనిపించినప్పటికీ, థర్డ్ అంపైర్ నిర్ణయం కచ్చితంగా ఔట్ అని ప్రకటించాడు. లబుషేన్ అసహనంతో మైదానాన్ని వీడాడు.
ఈ ఘటనా వీడియో ప్రస్తుతం సోషల్ మీడియాలో వైరల్గా మారింది. ప్రేక్షకులు, నెటిజన్లు దీనిని స్పష్టంగా “నాట్ ఔట్” అని వ్యాఖ్యానిస్తున్నారు. ఇప్పటికే మూడో టెస్టులో స్నికర్ లోపాలపై వచ్చిన విమర్శలు కూడా గుర్తుంచుకోవలసినవి.
మరిన్నివార్తలుచదవండి: గిల్ షాకింగ్ కాల్! రోహిత్, కోహ్లీ చేసినదే ఇప్పుడు శుభ్మన్ కూడా