Ashes 2025: Travis Head & Starc Shine as Australia Win First Tes
ఆస్ట్రేలియా అద్భుత ప్రదర్శన చేసి, పర్థ్లోని ఆప్టస్ స్టేడియంలో జరిగిన యాషెస్ 2025 తొలి టెస్ట్లో ఇంగ్లాండ్పై 8 వికెట్ల తేడాతో గెలుపొందింది. ఈ మ్యాచ్లో ట్రావిస్ హెడ్, మిచెల్ స్టార్క్ ఇద్దరూ ఆస్ట్రేలియా విజయంలో ప్రధాన పాత్ర పోషించారు. హెడ్ కేవలం 83 బంతుల్లో దూకుడుగా 123 పరుగులతో సెంచరీ చేయగా, స్టార్క్ మ్యాచ్ మొత్తం మీద 10 వికెట్లు తీయడంతో చరిత్ర సృష్టించాడు. వీరి కమ్బినేషన్తో ఆస్ట్రేలియా 205 పరుగుల లక్ష్యాన్ని సులభంగా చేరుకుంది.
టాస్ గెలిచిన ఇంగ్లాండ్ ముందుగా బ్యాటింగ్ ఎంచుకున్నా, ఆస్ట్రేలియా పేసర్ల ముందు వారి బ్యాటర్లు నిలబడలేకపోయారు. స్టార్క్ మొదటి నుంచే దూకుడు చూపించి జో రూట్ను డక్కు ఔట్ చేశాడు. డాగెట్, బోలాండ్ కూడా కీలక సందర్భాల్లో వికెట్లు తీసి ఒత్తిడి పెంచారు. చివరకు ఇంగ్లాండ్ 172 పరుగులకే ఆలౌట్ అయింది. హ్యారీ బ్రూక్ (52), జేమీ స్మిత్ (33) మాత్రమే కొద్దిపాటి పోరాటం చూపారు.
ఆస్ట్రేలియా మొదటి ఇన్నింగ్స్ కూడా అంత బాగాలేదు. మొత్తం 132 పరుగులకే ఔట్ కావడంతో 40 పరుగుల వెనుకబడ్డారు. కొత్త ఓపెనర్ జేక్ వెదరాల్డ్ ఖాతా తెరవకుండానే ఔట్ అయ్యాడు. లబుషేన్, స్మిత్, ఖవాజా వంటి సీనియర్లు కూడా పెద్ద స్కోరు చేయలేకపోయారు. కెమెరాన్ గ్రీన్ 24, ట్రావిస్ హెడ్ 21 పరుగులు చేసినా ఇంగ్లాండ్ బౌలర్లు బెన్ స్టోక్స్, బ్రైడన్ కార్స్, జోఫ్రా ఆర్చర్ మంచి ఒత్తిడిని కొనసాగించారు.
205 పరుగుల టార్గెట్ చేజ్లో హెడ్, లబుషేన్ మాస్టర్క్లాస్
తర్వాతి ఇన్నింగ్స్లో ఇంగ్లాండ్ పెద్ద ఆధిక్యం సాధించాలని భావించింది. కానీ మరోసారి వారి బ్యాటింగ్ పూర్తిగా కుప్పకూలిపోయింది. స్టార్క్, బోలాండ్ ఇద్దరూ అద్భుత లైన్-లెంగ్త్తో వికెట్లు పడగొట్టారు. స్టార్క్ ఈ ఇన్నింగ్స్లో కూడా స్టోక్స్, రూట్ను చవతెగించి తన 10 వికెట్ల మైలురాయిని పూర్తి చేశాడు. 1990/91 తర్వాత యాషెస్లో ఒక ఆస్ట్రేలియా ఫాస్ట్ బౌలర్ ఈ రికార్డు సాధించడం ఇదే మొదటి సారి. బోలాండ్ కూడా నాలుగు వికెట్లు తీసి అద్భుతంగా సహకరించాడు. ఇంగ్లాండ్ 164 పరుగులకే ఆల్ ఔట్ అయింది, దీంతో ఆస్ట్రేలియాకు 205 పరుగుల టార్గెట్ వచ్చింద.
ఆస్ట్రేలియా ఛేజ్ను జేక్ వెదరాల్డ్ (23) మంచి ఆరంభం ఇచ్చాడు. అతను ఔట్ అయిన తర్వాత ట్రావిస్ హెడ్, లబుషేన్ ఇద్దరూ మ్యాచ్ను తమ నియంత్రణలోకి తెచ్చుకున్నారు. హెడ్ మరోసారి దూకుడుగా ఆడి 123 పరుగులు, లబుషేన్ 49 బంతుల్లో 51 పరుగులు రావడంతో ఇంగ్లాండ్ పూర్తిగా మ్యాచ్లోంచి బయటపడిపోయింది.
హెడ్ ఔట్ అయిన తర్వాత చివరి 13 పరుగులు మిగిలి ఉండగా స్టీవ్ స్మిత్ క్రీజ్లోకి వచ్చాడు. అతను, లబుషేన్ కలిసి టార్గెట్ను సులభంగా పూర్తి చేశారు. ఈ విజయం తర్వాత ఆస్ట్రేలియా ఐదు మ్యాచ్ల సిరీస్లో 1-0 ఆధిక్యం సాధించింది. రెండో టెస్ట్ డిసెంబర్ 4 నుండి 8 వరకు బ్రిస్బేన్లోని గబ్బాలో జరుగుతుంది.
మరిన్ని వార్తలు చదవండి: IPL 2026: మొత్తం 10 జట్లు అధికారిక రిటెన్షన్ మరియు రిలీజ్ లిస్ట్ & పర్స్ వివరాలు