Ashes 2025–26: Huge Blow for Australia Ahead of 2nd Test – Usman Khawaja Ruled Out, Josh Inglis Set to Get a Chance

ఆషెస్ సిరీస్‌లో ఇంగ్లండ్‌తో రెండో టెస్టుకు ముందు ఆస్ట్రేలియా జట్టుకు మరో షాక్. ఓపెనర్ ఉస్మాన్ ఖవాజా వెన్నునొప్పి కారణంగా ఈ మ్యాచ్‌కు దూరమయ్యాడు. డిసెంబర్ 4 నుంచి గబ్బాలో జరగబోయే ఈ పింక్ బాల్ (డే-నైట్) టెస్టుకు ఖవాజా అందుబాటులో లేకపోవడంతో జట్టు ఆలస్యంగా అయినా ఒక మార్పు చేయాల్సి వచ్చింది.

తాజా వార్తల ప్రకారం... ఖవాజా స్థానంలో వికెట్ కీపర్-బ్యాటర్ జాష్ ఇంగ్లిస్‌ను ఆడించే అవకాశం ఉంది. సొంత మైదానంలో ఇంగ్లిస్‌కు ఇది తొలి టెస్టు అవకాశం కావడం విశేషం. మిడిల్ ఆర్డర్‌లో ఇంగ్లిస్ బ్యాటింగ్ చేయగా, ట్రావిస్ హెడ్ ఓపెనింగ్‌లోనే కొనసాగుతాడని తెలుస్తోంది. బుధవారం కెప్టెన్ స్టీవ్ స్మిత్ ప్రెస్ మీట్‌లో జట్టు మార్పులపై అధికారిక ప్రకటన వస్తుంది.

మంగళవారం 30 నిమిషాలు నెట్స్‌లో ప్రాక్టీస్ చేశాడు ఖవాజా... కానీ వెన్నునొప్పి మళ్లీ వచ్చేసరికి జట్టు నిర్వాహకులు వెంటనే అతన్ని మ్యాచ్ నుంచి తప్పించేశారు. ఇప్పటికే ప్యాట్ కమిన్స్, జాష్ హాజిల్‌వుడ్ గాయాలతో బయట పడ్డ నేపథ్యంలో ఖవాజా కూడా జాబితాలో చేరడంతో ఆసీస్ బౌలింగ్-బ్యాటింగ్ రెండూ గట్టి పరీక్షే ఎదుర్కొనున్నాయి. అంతే కాదు, స్లిప్ ఫీల్డింగ్‌లో ఖవాజా కీలక పాత్ర పోవడం కూడా జట్టుకు మైనస్.

ఖవాజా స్థానంలో బ్యూ వెబ్‌స్టర్‌ను కూడా పరిశీలించారట... కానీ స్లిప్ కార్డన్‌లో ప్రత్యేకంగా సన్నాహకం చేసిన ఇంగ్లిస్‌కే పైచేయి దక్కినట్టు కనిపిస్తోంది. బ్యాటింగ్‌తో పాటు క్లోజ్-ఇన్ ఫీల్డింగ్ బాధ్యతలు కూడా ఇంగ్లిస్‌కే అప్పగిస్తారని సమాచారం.

సీనియర్లు ఒకరొకరుగా గాయాల పాలవుతుండటంతో ఆషెస్‌లో ముందుకు సాగాలంటే ఆస్ట్రేలియాకు ఇది పెద్ద సవాలే. అయినా ఇంగ్లిస్ రూపంలో కొత్త జోష్ వచ్చింది. రెడ్ బాల్ క్రికెట్‌లో తన సత్తా చాటే అవకాశం అతనికి దొరికింది. 

ఆషెస్ రెండో టెస్టుకు ఆస్ట్రేలియా జట్టు

ప్లేయర్ పేరు	పాత్ర
స్టీవ్ స్మిత్ (కెప్టెన్)	టాప్ ఆర్డర్ బ్యాటర్
స్కాట్ బోలాండ్	పేసర్
అలెక్స్ కేరీ	వికెట్ కీపర్-బ్యాటర్
బ్రెండాన్ డాగెట్	పేసర్
కామరాన్ గ్రీన్	ఆల్‌రౌండర్
ట్రావిస్ హెడ్	ఓపెనర్ బ్యాటర్
జాష్ ఇంగ్లిస్	వికెట్ కీపర్-బ్యాటర్
మార్నస్ లాబుషాంనే	మిడిల్ ఆర్డర్ బ్యాటర్
నాథన్ లయాన్	స్పిన్నర్
మైఖేల్ నెసర్	ఆల్‌రౌండర్
మిచెల్ స్టార్క్	పేసర్
జేక్ వెదరాల్డ్	ఓపెనర్ బ్యాటర్
బ్యూ వెబ్‌స్టర్	మిడిల్ ఆర్డర్ బ్యాటర్