Complete Player List for WPL 2026 Officially Released
మహిళల ప్రీమియర్ లీగ్ (WPL) 2026 కోసం ప్లేయర్ల జాబితా అధికారికంగా విడుదలైంది. ఈసారి మొత్తం 277 మంది క్రికెటర్లు హామర్ కిందకు రానున్నారు. కానీ, అందులో 73 మందికే జట్లు దక్కనున్నాయి. నవంబర్ 27న న్యూ ఢిల్లీలో జరగనున్న ఈ వేలం కోసం గత ఏడాదితో పోల్చితే పెద్ద ఎత్తున నమోదు జరిగింది. 2025లో కేవలం 120 మంది మాత్రమే రిజిస్టర్ కాగా, ఇప్పుడు సంఖ్య దాదాపు రెట్టింపుకంటే ఎక్కువ కావడం లీగ్ ఎంత వేగంగా పెరుగుతోందో స్పష్టంగా చూపిస్తోంది.
ఈసారీ జాబితాలో 194 మంది భారత ఆటగాళ్లు ఉన్నారు. అందులో 52 మంది ఇప్పటికే అంతర్జాతీయ క్రికెట్ ఆడిన (క్యాప్డ్) వారు, 142 మంది తొలి అవకాశాన్ని ఎదురు చూస్తున్న (అన్క్యాప్డ్) క్రికెటర్లు. ఐదు ఫ్రాంచైజీలలో మొత్తం 50 స్థానాల కోసం వీరంతా పోటీ పడుతున్నారు. విదేశీ విభాగంలో 66 మంది క్యాప్డ్, 17 మంది అన్క్యాప్డ్ ప్లేయర్లు ఉన్నారు. వీరి మధ్యే మిగిలిన 23 స్థానాల కోసం పోటీ ఉండనుంది.
జట్లు ఎక్కువగా తమ కీలక ఆటగాళ్లను గత సీజన్ నుంచే రిటైన్ చేసుకున్నాయి. అందుకే ఈ వేలం ద్వారా స్క్వాడ్లలో ఉన్న లోటుపాట్లను పూడ్చుకోవడం, బ్యాలెన్స్ మార్చడం, బెంచ్ స్ట్రెంగ్త్ పెంచుకోవడం వంటి వ్యూహాత్మక నిర్ణయాలు తీసుకునే అవకాశం ఉంది. టాప్ జట్లు తమ కాంబినేషన్లను మరింత మెరుగుపరుచుకునే ప్రయత్నం చేస్తే, కిందిస్థానాల్లో ఉన్న టీంలు మ్యాచ్ గతిని మార్చగల ఇంపాక్ట్ ప్లేయర్ల కోసం చూస్తాయి.
భారత స్టార్లపై దృష్టి
బేస్ ప్రైస్ దృష్ట్యా చూస్తే, 19 మంది ప్లేయర్లు టాప్ స్లాబ్ అయిన 50 లక్షల విభాగంలో ఉన్నారు. 40 లక్షల క్యాటగిరీలో 11 మంది, 30 లక్షల బ్రాకెట్లో 88 మంది ఉన్నారు. ఇందులో మధ్యస్థాయి బేస్ ప్రైస్ ఉన్న ప్లేయర్లపై బిడ్డింగ్ వార్ జరుగే అవకాశం ఎక్కువగా కనిపిస్తోంది.
వేలం మధ్యాహ్నం 3:30 గంటలకు ప్రారంభమవుతుంది. ముందుగా ఎనిమిది మంది ప్రపంచ ప్రఖ్యాత మహిళా క్రికెటర్లతో మార్క్వీ సెట్ ప్రారంభమవుతుంది. అందులో భారత ఆల్రౌండర్ దీప్తి శర్మ, పేసర్ రెణుకా సింగ్, న్యూజిలాండ్ స్టార్లు సోఫీ డివైన్, అమీలియా కెర్, ఇంగ్లండ్ స్పిన్నర్ సోఫీ ఎక్ల్స్టోన్, ఆస్ట్రేలియా దిగ్గజాలు అలీసా హీలీ, మేగ్ లానింగ్, దక్షిణాఫ్రికా బ్యాటర్ లారా వోల్వార్ట్లు ఉన్నాయి. ఇంతటి ప్రతిభావంతులైన ప్లేయర్లతో పాటు టీంలు 2026 సీజన్ కోసం తమ బలాన్ని మరింత పెంచుకోవాలనే ఉద్దేశంతో రంగంలోకి దిగుతున్నందున, ఈసారి WPL వేలం రసవత్తర పోటీలు, టఫ్ బిడ్డింగ్, కొత్త స్ట్రాటజీలతో నిండిపోయే అవకాశముంది.
అఖ్షన్కి నమోదు చేసుకున్నాప్లేయర్ల పూర్తి జాబితాను డౌన్లోడ్ చేయడానికి ఇక్కడ క్లిక్ చేయండి