CSK Fast Bowler Ramakrishna Ghosh Takes 7 Wickets in Vijay Hazare Trophy

జైపూర్‌లోని సవాయ్ మాన్ సింగ్ స్టేడియంలో హిమాచల్ ప్రదేశ్‌తో జరిగిన మ్యాచ్‌లో మహారాష్ట్ర ఆల్‌రౌండర్ రామకృష్ణ ఘోష్ తన బౌలింగ్‌తో మ్యాజిక్ చూపించారు. కేవలం 9.4 ఓవర్లలో 42 పరుగులకే 7 వికెట్లు పడగొట్టడం ద్వారా రామకృష్ణ ఘోష్ విజేతగా నిలిచాడు. ఈ అద్భుత ప్రదర్శనతో, మహారాష్ట్ర తరఫున విజయ్ హజారే ట్రోఫీలో అత్యుత్తమ గణాంకాలు నమోదు చేసిన బౌలర్‌గా రామకృష్ణ రికార్డు సృష్టించారు.

ఇంతకు ముందే 2014లో డొమినిక్ ముత్తుస్వామి 6 వికెట్లు సాధించగా, రామకృష్ణ ఘోష్ ఈ రికార్డును సులభంగా చెరిపివేశారు. అతని స్పెల్ ధాటికి హిమాచల్ ప్రదేశ్ జట్టు 270 పరుగులకే కుప్పకూలింది.

విజయ్ హజారే ట్రోఫీ చరిత్రలో ఒకే మ్యాచ్‌లో 7 లేదా అంతకంటే ఎక్కువ వికెట్లు సాధించిన బౌలర్ల జాబితా చాలా చిన్నది. రామకృష్ణ ఘోష్ ఈ ఘనత సాధించిన 12వ బౌలర్గా నిలిచారు. షాబాజ్ నదీమ్, అర్పిత్ గులేరియా (8 వికెట్లు) వంటి దిగ్గజాలకోసం ఇప్పుడు రామకృష్ణ పేరు కూడా జోడించబడింది. హిమాచల్ ఇన్నింగ్స్ ప్రారంభంలోనే టాప్-4 బ్యాటర్లను పెవిలియన్‌కు పంపి జట్టు వెన్నుముక విరిచాడు.

రామకృష్ణ కేవలం బౌలర్ మాత్రమే కాదు, నిజమైన ఆల్‌రౌండర్ అని కూడా నిరూపించారు. అదే టోర్నీలో పంజాబ్‌తో జరిగిన మొదటి మ్యాచ్‌లో బ్యాట్‌తో మెరుపులు మెరిపించి 73 పరుగులు సాధించారు. ఫస్ట్-క్లాస్ క్రికెట్‌లోనూ అతనికి రెండు హాఫ్-సెంచరీలు ఉన్నాయి.

అయితే టీ20 ఫార్మాట్‌లో ఇప్పటివరకు గణాంకాలు అంత గొప్పగా లేకపోయినా, ఈ సమయపు ఫామ్ చూస్తే ఐపీఎల్ 2026లో చెన్నై సూపర్ కింగ్స్ తరఫున అతనికి తుది జట్టులో చోటు ఖాయమని సూచిస్తోంది.

చెన్నై సూపర్ కింగ్స్ ఎప్పుడూ యువ ప్రతిభను ప్రోత్సహిస్తుంది. 2025లో 30 లక్షల రకంలో కొనుగోలు చేసినప్పటికీ, అతనికి ఒక ఛాన్స్ కూడా ఇవ్వలేదు. కానీ అతనిలోని టాలెంట్‌ను గుర్తించి వదులుకోలేదు. రామకృష్ణ ఘోష్ ప్రస్తుతం సాధిస్తున్న రికార్డులు చూస్తుంటే, ఫ్యాన్స్ సోషల్ మీడియాలో “చెన్నైకి మరో శార్దూల్ ఠాకూర్ దొరికాడు” అని కామెంట్స్ చేస్తున్నారు.

మరిన్నివార్తలుచదవండి: అభిషేక్ శర్మ సిక్సర్ల సునామీ: 45 సిక్సర్లతో భయోత్పాతం