Devdutt Padikkal Shines in Vijay Hazare Trophy with Four Centuries
దేశవాళీ క్రికెట్లో రాయల్ ఛాలెంజర్స్ బెంగళూరు బ్యాటర్ దేవదత్ పడిక్కల్ అద్భుతమైన ఫామ్లో దూసుకుపోతున్నాడు. ప్రతిష్టాత్మక దేశవాళీ వన్డే టోర్నీ విజయ్ హజారే ట్రోఫీలో కర్ణాటక తరపున ఆడుతున్న పడిక్కల్ వరుసగా ఐదు ఇన్నింగ్స్ల్లో నాలుగు శతకాలు నమోదు చేసి అందరి దృష్టిని ఆకర్షిస్తున్నాడు.
ఎలైట్ గ్రూప్ ఏలో భాగంగా శనివారం అహ్మదాబాద్ వేదికగా జరిగిన త్రిపురతో మ్యాచ్లో పడిక్కల్ మరోసారి తన బ్యాట్తో చెలరేగాడు. ఓపెనర్గా బరిలోకి దిగిన అతడు 120 బంతుల్లో 8 ఫోర్లు, 3 సిక్స్లతో 108 పరుగులు చేసి కర్ణాటక ఇన్నింగ్స్కు బలమైన పునాది వేశాడు. లిస్ట్ ఏ క్రికెట్లో పడిక్కల్కు ఇది 13వ శతకం కావడం విశేషం.
పడిక్కల్ శతకానికి తోడుగా రచిచంద్రన్ సమరణ్ 60 పరుగులు, అభినవ్ హనోహర్ 79 పరుగులతో కీలక ఇన్నింగ్స్లు ఆడారు. వీరి సహకారంతో కర్ణాటక జట్టు నిర్ణీత 50 ఓవర్లలో 7 వికెట్ల నష్టానికి 332 పరుగుల భారీ స్కోరు నమోదు చేసింది. అయితే టీమిండియా స్టార్ బ్యాటర్ కేఎల్ రాహుల్ 35 పరుగులకే ఔటై అభిమానులను నిరాశపరిచాడు.
ఇదిలా ఉండగా, న్యూజిలాండ్తో జరగనున్న మూడు వన్డేల సిరీస్కు భారత జట్టును ఈ రోజు ప్రకటించనున్నట్లు బీసీసీఐ కార్యదర్శి దేవజిత్ సైకియా వెల్లడించారు. జనవరి 11 నుంచి ప్రారంభమయ్యే ఈ సిరీస్ కోసం సెలక్షన్ కమిటీతో శనివారం మధ్యాహ్నం సమావేశం జరగనుందని, ఆ సమావేశం అనంతరం జట్టును ప్రకటిస్తామని ఆయన తెలిపారు.
ప్రస్తుతం అద్భుతమైన ఫామ్లో ఉన్న దేవదత్ పడిక్కల్కు ఈ వన్డే సిరీస్ జట్టులో అవకాశం దక్కుతుందా లేదా అన్నది ఇప్పుడు క్రికెట్ అభిమానుల్లో ఆసక్తిగా మారింది.
మరిన్నివార్తలుచదవండి: బంగ్లాదేశ్ పర్యటనపై నీలినీడలు, టీమిండియా టూర్ను నిలిపివేసిన బీసీసీఐ