2026 టీ20 ప్రపంచకప్ కోసం భారత జట్టులో టీమిండియా టెస్ట్, వన్డే కెప్టెన్ శుభ్మాన్ గిల్ను తొలగించిన విషయం మీద దిగ్గజ క్రికెటర్ సునీల్ గవాస్కర్ కీలక వ్యాఖ్యలు చేశారు. గిల్ను పక్కన పెట్టడం బీసీసీఐ తీసుకున్న సాహసోపేత నిర్ణయం అని, ఇది తీవ్ర ఆశ్చర్యానికి గురి చేసినట్టు ఆయన పేర్కొన్నారు.
టీ20 ఫార్మాట్లో గిల్ ఇటీవల ఫామ్లో లేకపోయినా, అతడి క్లాస్ శాశ్వతమని గవాస్కర్ చెప్పినారు. చాలా కాలం పాటు గిల్ టీ20 క్రికెట్కి దూరంగా ఉండడం వల్ల అతడు లయ కోల్పోయాడని ఆయన అభిప్రాయం వ్యక్తం చేశారు.
దక్షిణాఫ్రికాతో జరిగిన టీ20 సిరీస్లో ఫామ్ లేక ఇబ్బంది పడ్డప్పటికీ, గిల్ ఒక క్లాసిక్ ప్లేయర్ అని గవాస్కర్ కొనియాడారు. టెస్ట్, వన్డే ఫార్మాట్స్పై ఎక్కువగా దృష్టి పెట్టడం కారణంగా గిల్ టీ20ల్లో దూకుడుగా ఆడలేకపోయాడని, కానీ ఇది తాత్కాలిక సమస్య మాత్రమే అని చెప్పారు. ఐపీఎల్లో గిల్ ఆటను చూశామని, టీ20 ఫార్మాట్ అతనికి కొత్తది కాకుండా, కేవలం ఫామ్ సమస్య మాత్రమే కారణమని ఆయన పేర్కొన్నారు.
2026 టీ20 వరల్డ్ కప్ కోసం భారత జట్టును బీసీసీఐ శనివారం (డిసెంబర్ 20) ప్రకటించింది. 15 మంది సభ్యులతో కూడిన జట్టులో యువ ఓపెనర్ శుభ్మాన్ గిల్కు చోటు దక్కలేదు. ఫామ్ సమస్య కారణంగా మరియు కొన్ని ఇబ్బందుల కారణంగా అతడిపై సెలక్టర్లు వేటు వేసారు.
ఆసియా కప్ 2025 నుంచి గిల్ను బలవంతంగా ఓపెనర్గా కొనసాగించారంటే, ఆ తర్వాత ఆస్ట్రేలియా మరియు సౌతాఫ్రికా సిరీస్లలో విఫలమైనప్పటికీ అతడికి వరుస ఛాన్స్లు ఇవ్వబడ్డాయి. శాంసన్ వంటి ఆటగాడిని తప్పించి గిల్ను జట్టులో కొనసాగించడంపై విమర్శలు వచ్చినందున, చివరికి బీసీసీఐ గిల్ను జట్టులోంచి తీసేసి సంజూ శాంసన్ను ఎంపిక చేసింది.
2026 టీ20 వరల్డ్ కప్ కోసం భారత జట్టు:
సూర్యకుమార్ యాదవ్ (కెప్టెన్), అక్షర్ పటేల్ (వైస్ కెప్టెన్), సంజూ శాంసన్ (వికెట్ కీపర్), ఇషాన్ కిషన్ (వికెట్ కీపర్), సూర్యకుమార్ యాదవ్, అభిషేక్ శర్మ, తిలక్ వర్మ, హార్దిక్ పాండ్యా, శివమ్ దూబే, రింకూ సింగ్, వరుణ్ చక్రవర్తి, వాషింగ్టన్ సుందర్, కుల్దీప్ యాదవ్, అర్షదీప్ సింగ్, హర్షిత్ రానా, జస్ప్రీత్ బుమ్రా.
మరిన్ని వార్తలు చదవండి: విజయ్ హజారే ట్రోఫీ 2025: ఢిల్లీ జట్టులో విరాట్ కోహ్లి, కెప్టెన్గా రిషభ్ పంత్