Hardik Pandya Stuns Fans With On-Field Selfie; Baroda Chase 223 in Style
టీమిండియా ఆల్రౌండర్ హార్దిక్ పాండ్య ఏం చేసినా అతని స్టైల్నే ప్రత్యేకం. సహచర ఆటగాళ్లందరికన్నా భిన్నంగా ప్రవర్తిస్తూ తనదైన మార్క్ చూపిస్తాడు. తాజాగా అలాంటి మరో సంఘటన చోటుచేసుకొని సోషల్ మీడియాలో దుమ్మురేపుతోంది.
సయ్యద్ ముస్తాక్ అలీ ట్రోఫీలో భాగంగా మంగళవారం (డిసెంబర్ 2) హైదరాబాద్లోని రాజీవ్ గాంధీ అంతర్జాతీయ స్టేడియంలో పంజాబ్–బరోడా మధ్య మ్యాచ్ జరిగింది. రెండు జట్లలో స్టార్ ఆటగాళ్లు ఉండటంతో అభిమానులు పెద్ద సంఖ్యలో స్టేడియానికి తరలివచ్చారు.
దాదాపు మూడు నెలల విరామం తర్వాత హార్దిక్ పాండ్య మైదానంలో అడుగుపెట్టాడు. అతడి ఆట చూడాలనే ఉత్సాహంతో ఫ్యాన్స్ భారీగా హాజరయ్యారు. పాండ్య బౌలింగ్ చేస్తున్న సమయంలో, ఒక్కసారిగా ఒక అభిమాని సెక్యూరిటీని దాటి గ్రౌండ్లోకి పరిగెత్తుకుంటూ వచ్చాడు. వెంటనే సెక్యూరిటీ సిబ్బంది అతడిని బయటికి పంపేందుకు పరుగెత్తారు.
Hyderabad is OFF the charts for Hardik Pandya! 🤯 During SMAT, a fan literally broke all barriers to touch his feet 🙌 The love & respect for #HardikPandya is next level! 🔥🔥
— The sports (@the_sports_x) December 2, 2025
pic.twitter.com/WybnphXKWt
అయితే ఈ సమయంలో హార్దిక్ తన గొప్ప మనసును చూపించాడు. సెక్యూరిటీని ఆపి, ఆ యువకుడితో స్వయంగా సెల్ఫీ దిగాడు. ఆ క్షణం అక్కడున్న ప్రేక్షకులందరినీ ఆకట్టుకుంది. సెల్ఫీ తీసుకున్న తర్వాత ఆ అభిమాని ఆనందంగా గ్రౌండ్ను విడిచి వెళ్లిపోయాడు.
మ్యాచ్ విషయానికి వస్తే… పాండ్య బౌలింగ్లో పూర్తిగా విఫలమయ్యాడు. తన నాలుగు ఓవర్లలో 52 పరుగులు ఖర్చు చేశాడు. సౌతాఫ్రికాతో జరగబోయే టీ20 సిరీస్ ముందుగా అతడి బౌలింగ్ ఫామ్ ఆందోళన కలిగిస్తోంది. అయితే బ్యాటింగ్లో మాత్రం హార్దిక్ పూర్తి స్థాయిలో రాణించాడు. నాలుగో స్థానంలో వచ్చిన అతడు 42 బంతుల్లో 77 పరుగులు బాదాడు. అతడి ఇన్నింగ్స్లో 7 ఫోర్లు, 4 సిక్సర్లు ఉన్నాయి.
పంజాబ్ వేసిన 223 పరుగుల భారీ లక్ష్యాన్ని బరోడా హార్దిక్ దుమ్ములేపిన బ్యాటింగ్ తో మరో ఐదు బంతులు మిగిలుండగానే ఛేజ్ చేసి, 7 వికెట్ల తేడాతో ఘనవిజయం సాధించింది.
మరిన్ని వార్తలు చదవండి: సయ్యద్ ముస్తాక్ అలీ ట్రోఫీలో అభిషేక్ శర్మ దుమ్మురేపాడు – రెండు మ్యాచ్ల్లో రెండు హాఫ్ సెంచరీలు!