HCA Corruption Scandal: Arrests and Internal Turmoil in Hyderabad Cricket Association
హైదరాబాద్ క్రికెట్ అసోసియేషన్ (HCA) ఒకప్పుడు అంతర్జాతీయ క్రికెట్కు కేంద్రంగా ఉన్నప్పటికీ, ఇప్పుడు అవినీతి ఆరోపణలు, అంతర్గత గొడవలు, కేసులు, అరెస్టులు అన్నీ కలిసి HCAను వివాదాస్పద కేంద్రంగా మార్చాయి. HCA ప్రెసిడెంట్గా ఉన్న జగన్మోహన్రావు సహా సెక్రెటరీ దేవరాజ్, ట్రెజరర్ శ్రీనివాసరావు అరెస్ట్ అయ్యారు. పలు కేసుల్లో జైలు శిక్ష పొందిన వీరు ప్రస్తుతం బెయిల్పై బయటకు ఉన్నారు. దేశవ్యాప్తంగా HCA పరువు బజారుపడినప్పటికీ, అసోసియేషన్ తీరు మార్చలేదు.
జగన్మోహన్ అరెస్ట్ అయిన తర్వాత దల్జీత్ సింగ్ తనను తాను ప్రెసిడెంట్గా ప్రకటించి, అవినీతి రాజకీయాలను ప్రారంభించారు. తాజాగా HCAలో జరుగుతున్న అవినీతి మరల బయటకు వచ్చింది.
HCA ఆధ్వర్యంలో నిర్వహించిన అండర్ 14 సెలక్షన్స్కి 3,000 మందికి పైగా క్రీడాకారులు హాజరయ్యారు. జూనియర్ క్రికెటర్లు జింఖానా గ్రౌండ్స్లో గంటల తరబడి క్యూలో నిలిచి, గుక్కెడు మంచినీళ్లు కూడా లేకుండా తీవ్ర కష్టాలను అనుభవించారు. అసలు "అండర్ 14 సెలక్షన్స్" అనే పదం BCCI డిక్షనరీలో కూడా లేదు. Telangana Cricket Association (TCA) పేర్కొన్నట్టే, ఇది ఒక రకమైన డబ్బుల కొల్లత కార్యక్రమం అని ఫిర్యాదు చేశారు, అలాగే BCCIకు కూడా ఈ విషయం సమాచారం అందించారు.
ఇక తాజాగా మంత్రి వివేక్, తన తండ్రి జి. వెంకటస్వామి పేరుతో తెలంగాణ వ్యాప్తంగా డిస్ట్రిక్ట్ టీ20 క్రికెట్ లీగ్ను నిర్వహిస్తున్నారు. HCA భాగస్వామిగా ఉంది. మంత్రి వివేక్ రూ.1.70 కోట్ల స్పాన్సర్షిప్ చేస్తున్నట్లు ప్రకటించారు. అయితే, క్రికెట్ అడ్మినిస్ట్రేషన్లో మంత్రుల జోక్యం ఉండకూడదని ఉన్న నిబంధనలు బేఖాతర్ అవుతున్నాయి.
ఇప్పటికే HCAపై ACB, CID కేసుల కారణంగా బ్యాంక్ అకౌంట్లు అన్ని బ్లాక్లో ఉన్నాయి. ఇలాంటి సందర్భంలో మంత్రి వివేక్ ఇచ్చిన రూ.1.70 లక్షలు ఎక్కడికి వెళ్ళాయన్నదే ప్రధాన ప్రశ్న. TCA మరియు ఇతర క్రికెట్ సంఘాలు ఆందోళన వ్యక్తం చేస్తున్నారు. BCCI ఆదేశాల ప్రకారం, తెలంగాణలో TCAకి సంబంధం లేకుండా ఎలాంటి డిస్ట్రిక్ట్ టోర్నీలు నిర్వహించరాదు, కానీ HCA సీనియర్ల ఆచారం బేఖాతర్గా కొనసాగుతూనే ఉంది.
కొందరు సహచర సభ్యులు అవినీతి, అక్రమాలకు పాల్పడి జైలు శిక్ష పొందినప్పటికీ, HCA పెద్దల తీరు మారడం లేదు. అప్పనంగా వచ్చిన నిధులను వేర్వేరు ఖాతాల్లో మోసి తమ వ్యక్తిగత లాభం కోసం ఉపయోగించడం HCAలో కొనసాగుతున్న ప్రధాన సమస్యగా ఉంది.
మరిన్ని వార్తలు చదవండి: బెట్టింగ్ యాప్స్ కేసు: యువరాజ్ సింగ్, రాబిన్ ఉతప్ప, సోను సూద్ మరియు ఇతరుల ఆస్తులు ఈడీ అటాచ్