విజయ్ హజారే ట్రోఫీ 2025-26లో మొత్తం 38 దేశీయ జట్లు టైటిల్ కోసం పోటీపడుతున్నాయి. ఇందులో 6 జట్లు ప్లేట్ గ్రూప్లో, మిగతా 32 జట్లు ఎలైట్ లీగ్లో పాల్గొంటున్నాయి. డిసెంబర్ 24న ప్రారంభమైన ఈ వన్డే టోర్నీ అభిమానులకు ఉత్కంఠభరితమైన మ్యాచ్లతో వినోదాన్ని అందిస్తోంది.
ఈ సీజన్లో పలువురు బ్యాట్స్మెన్ అద్భుత ప్రదర్శనలు చేశారు. ఇప్పుడు ఈ ఎడిషన్లో నమోదైన అత్యధిక వ్యక్తిగత స్కోర్లు ఇవీ.
విజయ్ హజారే ట్రోఫీ 2025-26: అత్యధిక వ్యక్తిగత స్కోర్లు
1. స్వాసిక్ సమల్ – 212 (ఒడిశా vs సౌరాష్ట్ర)
ఒడిశా ఓపెనర్ స్వాసిక్ సమల్ సౌరాష్ట్రపై 169 బంతుల్లో 212 పరుగులు చేసి ఈ జాబితాలో అగ్రస్థానంలో నిలిచాడు. 21 ఫోర్లు, 8 సిక్సులతో ఈ సీజన్లో తొలి డబుల్ సెంచరీ నమోదు చేశాడు. అయితే సౌరాష్ట్ర 346 లక్ష్యాన్ని చేధించడంతో ఒడిశాకు విజయం దక్కలేదు.
2. అమన్ రావ్ – 200 (హైదరాబాద్ vs బెంగాల్)*
జనవరి 6న రాజ్కోట్లో అమన్ రావ్ బెంగాల్పై అజేయంగా 200 పరుగులు చేశాడు. 154 బంతుల్లో 12 ఫోర్లు, 13 సిక్సులతో హైదరాబాద్ను 352/5 స్కోరుకు చేర్చి మ్యాచ్ను 107 పరుగుల తేడాతో గెలిపించాడు.
3. వైభవ్ సూర్యవంశీ – 190 (బీహార్ vs అరుణాచల్ ప్రదేశ్)
బీహార్ తరఫున ఆడిన యువ సంచలనం వైభవ్ సూర్యవంశీ 84 బంతుల్లో 190 పరుగులు చేసి సంచలనం సృష్టించాడు. 16 ఫోర్లు, 15 సిక్సులతో బీహార్ను టోర్నమెంట్ చరిత్రలోనే అత్యధిక స్కోరు 574/6కి తీసుకెళ్లాడు.
4. డేగా నిశ్చల్ – 182 (నాగాలాండ్ vs మిజోరం)
డిసెంబర్ 29న రాంచీలో జరిగిన మ్యాచ్లో నాగాలాండ్ ఆటగాడు డేగా నిశ్చల్ 182 పరుగులు చేశాడు. 130 బంతుల్లో 23 ఫోర్లు, 3 సిక్సులతో జట్టును 399/4 స్కోరుకు చేర్చి 177 పరుగుల తేడాతో విజయం సాధింపజేశాడు.
5. యశ్వర్ధన్ దలాల్ – 164 (హర్యానా vs సౌరాష్ట్ర)*
హర్యానా బ్యాట్స్మన్ యశ్వర్ధన్ దలాల్ సౌరాష్ట్రపై అజేయంగా 164 పరుగులు చేసి ఐదో స్థానంలో నిలిచాడు. 135 బంతుల్లో 20 ఫోర్లు, 5 సిక్సులతో జట్టును 6 వికెట్ల తేడాతో గెలిపించాడు.
మరిన్ని వార్తలు చదవండి: డబ్ల్యూపీఎల్ 2026 పూర్తి షెడ్యూల్ మ్యాచ్లు తేదీలు వేదికలు లైవ్ స్ట్రీమింగ్ వివరాలు