ICC Men’s T20 World Cup 2026: Full Commentators List & Live Telecast Details

ఐసీసీ మెన్స్ టీ20 వరల్డ్ కప్ 2026 రేపటినుంచి ఘనంగా ప్రారంభం కానుంది. ఫిబ్రవరి 7 నుంచి మార్చి 8 వరకు భారత్, శ్రీలంక వేదికలుగా ఈ మెగా టోర్నీ జరగనుంది. మొత్తం 20 దేశాలు పాల్గొనే ఈ ప్రపంచకప్‌లో 55 ఉత్కంఠభరిత మ్యాచ్‌లు అభిమానులను అలరించనున్నాయి. డిఫెండింగ్ ఛాంపియన్‌గా బరిలోకి దిగుతున్న టీమిండియా మరోసారి టైటిల్‌ను నిలబెట్టుకోవాలనే లక్ష్యంతో బరిలోకి దిగుతోంది. టోర్నీ ఫైనల్ అహ్మదాబాద్ వేదికగా జరగనుండగా, విజేత ఎవరో అన్న ఉత్కంఠ ఇప్పటికే మొదలైంది.

ఉపఖండం మొత్తం ఈ వరల్డ్ కప్ హీట్‌ను అనుభవించబోతోంది. మ్యాచ్‌లతో పాటు, స్టార్‌లతో నిండిన కామెంటేటర్ల బృందం కూడా ఈ టోర్నీకి ప్రత్యేక ఆకర్షణగా నిలవనుంది. భారత్‌లో ప్రసార హక్కులు కలిగిన స్టార్ స్పోర్ట్స్ ఇప్పటికే బహుభాషా కామెంట్రీ స్టార్‌కాస్ట్‌ను ప్రకటించగా, ఐసీసీ కూడా భారీ స్థాయిలో కామెంటేటర్లు, ప్రెజెంటర్ల ప్యానెల్‌ను వెల్లడించింది.

ఈ వరల్డ్ కప్‌తో లెగ్ స్పిన్నర్ యుజ్వేంద్ర చహల్ తొలిసారి ప్రపంచకప్ కామెంట్రీలో అడుగుపెడుతున్నాడు. జియోస్టార్ వేదికగా 2007 టీ20 ప్రపంచకప్ విజేతలు ఇర్ఫాన్ పఠాన్, హర్భజన్ సింగ్, వీరేంద్ర సెహ్వాగ్, దినేష్ కార్తీక్, రాబిన్ ఉతప్ప, పియూష్ చావ్లాలతో కలిసి చహల్ కామెంట్రీ చేయనున్నాడు.
భారత్ తరఫున తొలి టీ20 ప్రపంచకప్ శతకం చేసిన సురేశ్ రైనా కూడా ఈ ప్యానెల్‌లో చోటు దక్కించుకున్నాడు. అతనితో పాటు మాజీ హెడ్ కోచ్ అనిల్ కుంబ్లే, అసిస్టెంట్ కోచ్ అభిషేక్ నాయర్, బ్యాటింగ్ కోచ్ సంజయ్ బంగార్ కూడా కామెంట్రీ బాక్స్‌లో కనిపించనున్నారు.

ఇంగ్లిష్ కామెంటేటర్లు

రవి శాస్త్రి, నాసర్ హుస్సేన్, ఇయాన్ స్మిత్, ఇయాన్ బిషప్, ఆరన్ ఫించ్, దినేష్ కార్తీక్, కుమార్ సంగక్కర, శామ్యూల్ బాడ్రీ, రాబిన్ ఉతప్ప, కార్లోస్ బ్రాత్‌వైట్, ఈయాన్ మోర్గన్, వసీం అక్రమ్, సునీల్ గవాస్కర్, మాథ్యూ హేడెన్, రమీజ్ రాజా, డేల్ స్టెయిన్, మైఖేల్ అథర్టన్, వకార్ యూనిస్, షాన్ పొలాక్, హర్ష భోగ్లే తదితరులు ఇంగ్లిష్ కామెంట్రీలో అలరించనున్నారు.

టీ20 వరల్డ్ కప్ ప్రెజెంటర్లు (అన్ని భాషల్లో)

జతిన్ సప్రు, అనంత్ త్యాగి, అభినవ్ ముకుంద్, మయంతి లాంగర్ బిన్నీ, సంజనా గణేశన్, ఎరిన్ హోలాండ్, లారా మెక్‌గోల్డ్రిక్ సహా పలువురు ప్రెజెంటర్లు టోర్నీని మరింత ఆకర్షణీయంగా మారుస్తారు.

హిందీ కామెంటేటర్లు

వీరేంద్ర సెహ్వాగ్, ఇర్ఫాన్ పఠాన్, హర్భజన్ సింగ్, పియూష్ చావ్లా, యుజ్వేంద్ర చహల్, సురేశ్ రైనా, అనిల్ కుంబ్లే, నవజ్యోత్ సింగ్ సిద్ధూ, ఆకాష్ చోప్రా, చేతేశ్వర్ పుజారా, మహమ్మద్ కైఫ్, పార్థివ్ పటేల్, సంజయ్ బంగార్ తదితరులు హిందీ కామెంట్రీ అందించనున్నారు.

కన్నడ కామెంటేటర్లు

వినయ్ కుమార్, విజయ్ భరద్వాజ్, కే గౌతమ్, వేదా కృష్ణమూర్తి, భారత్ చిప్లి, పావన్ దేశ్‌పాండే, కిరణ్ శ్రీనివాస తదితరులు.
కన్నడ ప్రెజెంటర్లు: శశాంక్ సురేష్, రూపేష్ షెట్టి, రీనా డిసౌజా.

తమిళ కామెంటేటర్లు

క్రిస్ శ్రీకాంత్, మురళీ విజయ్, లక్ష్మీపతి బాలాజీ, ఎస్ బద్రినాథ్, అభినవ్ ముకుంద్, సదగోపన్ రమేష్, యో మహేష్ తదితరులు.
తమిళ ప్రెజెంటర్లు: పీ ముత్తుకుమార్, అశ్వత్ బోబో, భవన బాలకృష్ణన్.

తెలుగు కామెంటేటర్లు

హనుమ విహారి, వేణుగోపాల్ రావు, ఎంఎస్‌కే ప్రసాద్, టీ సుమన్, ఆశిష్ రెడ్డి, కల్యాణ్ కృష్ణ, జ్ఞానేశ్వర్ రావు, రవి తేజ.
తెలుగు ప్రెజెంటర్లు: ఎన్‌సీ కౌశిక్, కల్యాణ్ కొల్లారం, వింధ్య విశాఖ, ప్రత్యూష సాధు.

ఇతర భాషల కామెంటేటర్లు

భోజ్‌పురి, హర్యాన్వి, బెంగాలీ, మరాఠీ భాషల్లో కూడా ప్రత్యేక కామెంట్రీ బృందాలు టోర్నీని కవర్ చేయనున్నాయి.

టీ20 వరల్డ్ కప్ 2026 లైవ్ టెలికాస్ట్ & స్ట్రీమింగ్

టీమిండియా తన ప్రపంచకప్ ప్రయాణాన్ని ఫిబ్రవరి 7న ముంబై వేదికగా యుఎస్‌ఏతో ప్రారంభించనుంది. ఆ తర్వాత నమీబియా (ఫిబ్రవరి 12), పాకిస్తాన్ (ఫిబ్రవరి 15), నెదర్లాండ్స్ (ఫిబ్రవరి 18)తో మ్యాచ్‌లు ఆడనుంది.
ఈ అన్ని మ్యాచ్‌లు స్టార్ స్పోర్ట్స్ నెట్‌వర్క్‌లో ప్రత్యక్ష ప్రసారం కాగా, జియో హాట్‌స్టార్ యాప్ మరియు వెబ్‌సైట్‌లో లైవ్ స్ట్రీమింగ్ అందుబాటులో ఉంటుంది.