ICC ODI Rankings: Kohli–Rohit Battle Intensifies for Top Position

ఐసీసీ వన్డే బ్యాటింగ్ ర్యాంకింగ్స్‌లో టీమిండియా స్టార్ బ్యాటర్ విరాట్ కోహ్లి మరోసారి నంబర్ వన్ స్థానాన్ని లక్ష్యంగా పెట్టుకుని వేగంగా ముందుకు సాగుతున్నాడు. అంతర్జాతీయ క్రికెట్ కౌన్సిల్ తాజాగా విడుదల చేసిన తాజా ర్యాంకింగ్స్‌లో, కోహ్లి భారత వన్డే కెప్టెన్ శుభ్‌మన్ గిల్‌ను వెనక్కు నెట్టి నాలుగో స్థానానికి చేరుకున్నాడు.

రాంచీలో జరిగిన వన్డేలో శతకం జోడించిన కోహ్లి, 751 రేటింగ్ పాయింట్లతో తన రేటింగ్‌ను గణనీయంగా మెరుగుపరుచుకున్నాడు. అతని ముందు ఇబ్రహీం జద్రాన్ (764), డార్లే మిచెల్ (766) మరియు అగ్రస్థానంలో రోహిత్ శర్మ (783) ఉన్నారు. రోహిత్‌ను అధిగమించేందుకు కోహ్లికి ఇంకా కేవలం 33 రేటింగ్ పాయింట్లు మాత్రమే అవసరం.

ప్రస్తుతం రాయ్‌పూర్‌లో జరుగుతున్న రెండో వన్డేలో కోహ్లి మరో భారీ ఇన్నింగ్స్ ఆడితే, రోహిత్‌ను డిథ్రోన్ చేయడం ఖాయమని నిపుణులు. ముఖ్యంగా ఈ మ్యాచ్‌లో రోహిత్ కేవలం 14 పరుగులకే ఔటవడంతో, కోహ్లికి అవకాశాలు మరింత పెరిగాయి.

వన్డేల్లో కోహ్లి 2018 నుంచి 2021 వరకు దాదాపు మూడు సంవత్సరాల పాటు వరుసగా ప్రపంచ నంబర్ వన్ బ్యాటర్‌గా రాజ్యం చేయడం తెలిసిందే. ఆ తరువాత పాక్ స్టార్ బాబర్ ఆజం అతని స్థానాన్ని చేపట్టాడు. అప్పటి నుంచి ఇప్పటి వరకు వన్డే ర్యాంకింగ్స్‌లో కోహ్లి తిరిగి అగ్రస్థానాన్ని సొంతం చేసుకోలేకపోయాడు.

ఇప్పటికే టీ20లు, టెస్టులకు రిటైర్మెంట్ ప్రకటించిన కోహ్లి, ప్రస్తుతం వన్డే ఫార్మాట్‌కే పరిమితమై, 2027 వన్డే వరల్డ్ కప్‌ని లక్ష్యంగా పెట్టుకుని ముందుకు సాగుతున్నాడు.

మరిన్ని వార్తలు చదవండి: 15 ఏళ్ల తర్వాత విరాట్ కోహ్లీ డొమెస్టిక్ క్రికెట్‌కు రీ-ఎంట్రీ: విజయ్ హజారే ట్రోఫీలో డిల్లీ తరఫున ఆడనున్నాడు