IND U19 vs SA U19: India Under-19 Score 300 in First Youth ODI
బెనోని వేదికగా దక్షిణాఫ్రికా అండర్ 19 జట్టుతో జరుగుతున్న తొలి యూత్ వన్డేలో భారత అండర్ 19 జట్టు బ్యాటర్లు అదరగొట్టారు. టాస్ ఓడి తొలుత బ్యాటింగ్కు దిగిన భారత యువజట్టు నిర్ణీత 50 ఓవర్లలో 300 పరుగులు చేసి ఆలౌటైంది.
టాప్ ఆర్డర్లో కెప్టెన్ వైభవ్ సూర్యవంశీ 11 పరుగులు, వైస్ కెప్టెన్ ఆరోన్ వర్గీస్ 11 పరుగులు, వేదాంత్ త్రివేది 21 పరుగులు మాత్రమే చేసి నిరాశపరిచారు. అయితే టాప్ ఆర్డర్ వైఫల్యాన్ని మిడిల్ ఆర్డర్, లోయర్ ఆర్డర్ బ్యాటర్లు అద్భుతంగా కవర్ చేశారు.
ఈ మ్యాచ్లో 19 ఏళ్ల హర్వంశ్ సింగ్ పంగాలియా అసాధారణ పోరాటంతో ఆకట్టుకున్నాడు. కష్ట సమయంలో క్రీజులోకి వచ్చిన హర్వంశ్, ఆర్ ఎస్ అంబరీష్తో కలిసి ఐదో వికెట్కు 140 పరుగుల భారీ భాగస్వామ్యాన్ని నెలకొల్పాడు. హర్వంశ్ 95 బంతుల్లో ఏడు ఫోర్లు, రెండు సిక్సర్లతో 93 పరుగులు చేసి సెంచరీకి చేరువయ్యాడు.
అతనికి తోడుగా అంబరీష్ 65 పరుగులతో కీలక ఇన్నింగ్స్ ఆడగా, కనిష్క్ చౌహాన్ 32 పరుగులు, ఖిలన్ పటేల్ 26 పరుగులతో జట్టుకు ఉపయోగపడే స్కోరు అందించారు.
దక్షిణాఫ్రికా బౌలర్లలో జె జె బాసన్ నాలుగు వికెట్లు తీసి మెరుపులు మెరిపించాడు. నితాండో సోని, బండిల్ మబాతా చెరో ఒక వికెట్ సాధించారు.
ఈ యూత్ వన్డే సిరీస్ అండర్ 19 ప్రపంచకప్ సన్నాహకాలలో భాగంగా జరుగుతోంది. ఈ సిరీస్కు రెగ్యులర్ కెప్టెన్ ఆయుష్ మాత్రే దూరమవడంతో వైభవ్ సూర్యవంశీకి జట్టు పగ్గాలు అప్పగించారు. అయితే కెప్టెన్గా తన తొలి మ్యాచ్లో వైభవ్ బ్యాటింగ్లో ఆశించిన స్థాయిలో రాణించలేకపోయాడు.
తుది జట్లు
భారత్ అండర్ 19 జట్టు
వైభవ్ సూర్యవంశీ కెప్టెన్, ఆరోన్ వర్గీస్, వేదాంత్ త్రివేది, అభిజ్ఞాన్ కుందు వికెట్ కీపర్, హర్వంశ్ పంగాలియా, ఆర్ ఎస్ అంబరీష్, కనిష్క్ చౌహాన్, మహమ్మద్ ఎనాన్, ఖిలన్ పటేల్, దీపేష్ దేవేంద్రన్, హెనిల్ పటేల్
దక్షిణాఫ్రికా అండర్ 19 జట్టు
మొహమ్మద్ బుల్బులియా కెప్టెన్, జోరిచ్ వాన్ షాల్క్వైక్, అద్నాన్ లగాడియన్, జేసన్ రౌల్స్, అర్మాన్ మనక్, పాల్ జేమ్స్, బండిల్ మబాతా, లెతాబో పహ్లామోహ్లాకా వికెట్ కీపర్, జె జె బాసన్, బయండా మజోలా, నితాండో సోని
మరిన్నివార్తలుచదవండి: BCCI సంచలన ఆదేశం: KKR నుంచి ముస్తాఫిజుర్ రెహ్మాన్ విడుదల!