India vs New Zealand 2026: Complete Fixtures, Venues and Match Dates Revealed
భారత్ పర్యటనకు సంబంధించిన పూర్తి షెడ్యూల్ను న్యూజిలాండ్ క్రికెట్ ప్రకటించింది. 2026-27 స్వదేశీ సీజన్లో భారత జట్టు పర్యటననే ప్రధాన ఆకర్షణగా పేర్కొంది. అక్టోబర్, నవంబర్ నెలల్లో జరిగే ఈ భారీ పర్యటనలో ఇరు జట్లు ఐదు టీ20లు, ఐదు వన్డేలు, రెండు టెస్టుల్లో తలపడనున్నాయి. ఇటీవలి కాలంలో ఈ రెండు దేశాల మధ్య జరగనున్న అత్యంత విస్తృత ద్వైపాక్షిక సిరీస్లలో ఇది ఒకటిగా నిలవనుంది.
శుభ్మన్ గిల్ నాయకత్వంలోని భారత జట్టుకు ఈ పర్యటన ప్రత్యేక ప్రాధాన్యం సంతరించుకుంది. న్యూజిలాండ్ గడ్డపై తమ రికార్డును పాటు, ముఖ్యంగా టెస్టు క్రికెట్లో గత నిరాశలకు ప్రతీకారం తీర్చుకునే అవకాశం భారత జట్టుకు లభించనుంది. మూడు ఫార్మాట్లలోనూ సవాళ్లతో కూడిన పరిస్థితుల్లో తమ సత్తా చాటేందుకు గిల్ సేన సిద్ధమవుతోంది.
అక్టోబర్లో ఐదు మ్యాచ్ల టీ20 సిరీస్తో ఈ పర్యటన ప్రారంభం కానుంది. ఇటీవల 2026 టీ20 ప్రపంచకప్ ఫైనల్లో ఈ రెండు జట్లు తలపడగా, భారత్ విజ
మెరుగుపరుచుకోవడంతో యం సాధించి రెండో ప్రపంచకప్ టైటిల్ను కైవసం చేసుకుంది. దీంతో రాబోయే టీ20 సిరీస్పై అభిమానుల్లో భారీ ఆసక్తి నెలకొంది.
2027 ప్రపంచకప్కు కీలకంగా మారనున్న వన్డే సిరీస్
టీ20 సిరీస్ అనంతరం నవంబర్లో ఐదు వన్డేల సిరీస్ జరగనుంది. 2027 వన్డే ప్రపంచకప్ సమీపిస్తున్న నేపథ్యంలో ఈ సిరీస్ ఇరు జట్లకు కీలక సన్నాహక వేదికగా మారనుంది. ప్రపంచకప్కు ముందు తుది జట్టు కూర్పులను ఖరారు చేసుకోవడంతో పాటు ఆటగాళ్ల సామర్థ్యాలను అంచనా వేసేందుకు ఈ మ్యాచ్లు ఉపయోగపడనున్నాయి.
వన్డే సిరీస్ నవంబర్ 4న ఆక్లాండ్లో ప్రారంభమై, అనంతరం వెల్లింగ్టన్, హామిల్టన్, మౌంట్ మౌంగనుయ్ వేదికలపై కొనసాగనుంది. ప్రపంచకప్ చక్రాన్ని దృష్టిలో పెట్టుకుని 50 ఓవర్ల క్రికెట్కు ఇరు బోర్డులు ఇస్తున్న ప్రాధాన్యాన్ని ఈ సుదీర్ఘ సిరీస్ ప్రతిబింబిస్తోంది.
ఎర్రబంతి క్రికెట్ విభాగంలో రెండు టెస్టులు నిర్వహించనున్నారు. తొలి టెస్టు నవంబర్ 19 నుంచి 23 వరకు బేసిన్ రిజర్వ్లో జరుగుతుంది. రెండో టెస్టు నవంబర్ 27 నుంచి డిసెంబర్ 1 వరకు హాగ్లే ఓవల్లో నిర్వహించనున్నారు. ప్రపంచ టెస్టు ఛాంపియన్షిప్ చక్రంలో ఈ మ్యాచ్లు ఇరు జట్లకు అత్యంత కీలకంగా మారనున్నాయి.
మొత్తం 12 మ్యాచ్ల ఈ భారీ పర్యటన క్రైస్ట్చర్చ్, వెల్లింగ్టన్, ఆక్లాండ్, హామిల్టన్, మౌంట్ మౌంగనుయ్ అనే ఐదు ప్రధాన నగరాల్లో జరుగుతుంది. మ్యాచ్ల సంఖ్య పరంగా తమ చరిత్రలో ఇదే అతిపెద్ద అంతర్జాతీయ పర్యటన అని న్యూజిలాండ్ క్రికెట్ వెల్లడించింది.
భారత్ పర్యటన అనంతరం 2027 జనవరి, ఫిబ్రవరిలో శ్రీలంక జట్టు న్యూజిలాండ్లో పర్యటించనుంది. ఆ సిరీస్లో మూడు వన్డేలు, మూడు టీ20లు, రెండు టెస్టులు నిర్వహించనున్నారు. దీంతో బ్లాక్ క్యాప్స్కు స్వదేశంలో అత్యంత రద్దీ సీజన్గా మారనుంది.
ఇక న్యూజిలాండ్ మహిళల జట్టు వైట్ ఫెర్న్స్ 2026 డిసెంబర్లో బంగ్లాదేశ్ మహిళల జట్టుకు ఆతిథ్యం ఇవ్వనుంది. ఈ పర్యటనలో మూడు వన్డేలు, మూడు టీ20లు ఉండనున్నాయి.
భారత్ పర్యటనపై న్యూజిలాండ్ క్రికెట్ ప్రధాన కార్యనిర్వాహక అధికారి గ్లెన్ క్రిచ్లే స్పందిస్తూ, భారత జట్టుకు ఆతిథ్యం ఇవ్వడం కంటే పెద్ద క్రికెట్ సందర్భాలు చాలా అరుదుగా ఉంటాయని అన్నారు. భారత క్రికెట్కు ప్రపంచవ్యాప్తంగా ఉన్న అభిమాన మద్దతు అసాధారణమని పేర్కొన్నారు. విరాట్ కోహ్లీ, జస్ప్రీత్ బుమ్రా వంటి స్టార్ ఆటగాళ్లు భారీ సంఖ్యలో ప్రేక్షకులను ఆకర్షిస్తారని చెప్పారు. న్యూజిలాండ్ క్రికెట్ చరిత్రలోనే అత్యంత పెద్ద పర్యటనల్లో ఒకటిగా నిలిచే ఈ సిరీస్ కోసం దేశం మొత్తం ఆసక్తిగా ఎదురుచూస్తోందని ఆయన వెల్లడించారు.
న్యూజిలాండ్ పర్యటన 2026 – టీ20 సిరీస్
| నం. | మ్యాచ్ | తేదీ | సమయం (IST) | వేదిక | నగరం |
|---|---|---|---|---|---|
| 1 | 1వ టీ20 | 22 అక్టోబర్ 2026 | మధ్యాహ్నం 1:30 | హాగ్లీ ఓవల్ | క్రైస్ట్చర్చ్ |
| 2 | 2వ టీ20 | 24 అక్టోబర్ 2026 | మధ్యాహ్నం 1:30 | హాగ్లీ ఓవల్ | క్రైస్ట్చర్చ్ |
| 3 | 3వ టీ20 | 27 అక్టోబర్ 2026 | మధ్యాహ్నం 1:30 | హెచ్ఎన్ఆర్వై స్టేడియం | వెల్లింగ్టన్ |
| 4 | 4వ టీ20 | 30 అక్టోబర్ 2026 | మధ్యాహ్నం 1:30 | ఈడెన్ పార్క్ | ఆక్లాండ్ |
| 5 | 5వ టీ20 | 1 నవంబర్ 2026 | మధ్యాహ్నం 1:30 | సెడ్డన్ పార్క్ | హామిల్టన్ |
న్యూజిలాండ్ పర్యటన 2026 – వన్డే సిరీస్
| నం. | మ్యాచ్ | తేదీ | సమయం (IST) | వేదిక | నగరం |
|---|---|---|---|---|---|
| 1 | 1వ వన్డే | 4 నవంబర్ 2026 | ఉదయం 8:30 | ఈడెన్ పార్క్ | ఆక్లాండ్ |
| 2 | 2వ వన్డే | 7 నవంబర్ 2026 | ఉదయం 8:30 | హెచ్ఎన్ఆర్వై స్టేడియం | వెల్లింగ్టన్ |
| 3 | 3వ వన్డే | 10 నవంబర్ 2026 | ఉదయం 8:30 | సెడ్డన్ పార్క్ | హామిల్టన్ |
| 4 | 4వ వన్డే | 13 నవంబర్ 2026 | ఉదయం 8:30 | బే ఓవల్ | మౌంట్ మౌంగనుయి |
| 5 | 5వ వన్డే | 15 నవంబర్ 2026 | ఉదయం 8:30 | బే ఓవల్ | మౌంట్ మౌంగనుయి |
న్యూజిలాండ్ పర్యటన 2026 – టెస్ట్ సిరీస్
| నం. | మ్యాచ్ | తేదీలు | ప్రారంభ సమయం (IST) | వేదిక | నగరం |
|---|---|---|---|---|---|
| 1 | 1వ టెస్ట్ | 19–23 నవంబర్ 2026 | ఉదయం 4:30 | బేసిన్ రిజర్వ్ | వెల్లింగ్టన్ |
| 2 | 2వ టెస్ట్ | 27 నవంబర్ – 1 డిసెంబర్ 2026 | ఉదయం 4:30 | హాగ్లీ ఓవల్ | క్రైస్ట్చర్చ్ |