India vs New Zealand 2026: Full Schedule, Squads & Key Updates

టీ20 వరల్డ్ కప్ 2026తో పాటు న్యూజిలాండ్‌తో జరగనున్న హోమ్ సిరీస్‌కు భారత జట్టును బీసీసీఐ అధికారికంగా ప్రకటించింది. వచ్చే ఏడాది జనవరిలో న్యూజిలాండ్ పురుషుల క్రికెట్ జట్టు భారత్ పర్యటనకు రానుంది. ఈ టూర్‌లో మూడు వన్డేలు, ఐదు టీ20 మ్యాచ్‌ల సిరీస్‌లు నిర్వహించనున్నారు. టీ20 వరల్డ్ కప్‌కు ముందు జరుగుతున్న ఈ సిరీస్ ఇరు జట్లకు ఎంతో కీలకంగా మారనుంది.

అయితే, ఈ పర్యటనకు సంబంధించి ఒక కీలక విషయం వెలుగులోకి వచ్చింది. న్యూజిలాండ్ స్టార్ బ్యాట్స్‌మన్ కేన్ విలియమ్సన్ భారత్‌తో జరగనున్న వన్డే సిరీస్‌కు దూరంగా ఉండాలని నిర్ణయించుకున్నాడు.

దక్షిణాఫ్రికాలో జరుగుతున్న టీ20 లీగ్‌లో పాల్గొనేందుకు డర్బన్ సూపర్ జెయింట్స్ జట్టుతో అతడు ఒప్పందం కుదుర్చుకున్నాడు. ఈ కారణంగానే భారత వన్డే సిరీస్‌కు అందుబాటులో ఉండడం లేదని న్యూజిలాండ్ క్రికెట్ వర్గాలు తెలిపాయి.

భారత టీ20 జట్టు:

సూర్యకుమార్ యాదవ్ (కెప్టెన్), అభిషేక్ శర్మ, తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్ (వైస్ కెప్టెన్), జస్ప్రీత్ బుమ్రా, అర్ష్‌దీప్ సింగ్, వరుణ్ చక్రవర్తి, కుల్దీప్ యాదవ్, హర్షిత్ రాణా, సంజు శాంసన్ (వికెట్ కీపర్), వాషింగ్టన్ సుందర్, ఇషాన్ కిషన్, రింకూ సింగ్.

భారత్ vs న్యూజిలాండ్ 2026 – మ్యాచ్‌ల షెడ్యూల్ (IST)

భారత్ వేదికగా జనవరి 2026లో ఈ సిరీస్ జరగనుంది.

తేదీ	మ్యాచ్	వేదిక	సమయం (IST)
జనవరి 11	1వ వన్డే	వడోదర	మధ్యాహ్నం 1:30
జనవరి 14	2వ వన్డే	రాజ్‌కోట్	మధ్యాహ్నం 1:30
జనవరి 18	3వ వన్డే	ఇండోర్	మధ్యాహ్నం 1:30
జనవరి 21	1వ టీ20	నాగ్‌పూర్	రాత్రి 7:00
జనవరి 23	2వ టీ20	రాయ్‌పూర్	రాత్రి 7:00
జనవరి 25	3వ టీ20	గువాహటి	రాత్రి 7:00
జనవరి 28	4వ టీ20	విశాఖపట్నం	రాత్రి 7:00
జనవరి 31	5వ టీ20	తిరువనంతపురం	రాత్రి 7:00

టీ20 వరల్డ్ కప్ 2026 నేపథ్యంలో ఈ సిరీస్ ఇరు జట్లకు తమ కాంబినేషన్లను పరీక్షించుకునేందుకు మంచి అవకాశం ఇవ్వనుంది. ముఖ్యంగా టీమిండియాకు యువ ఆటగాళ్ల ఫామ్‌, బౌలింగ్ కాంబినేషన్లను అంచనా వేసుకునే కీలక వేదికగా ఈ సిరీస్ నిలవనుంది.

మరిన్ని వార్తలు చదవండి: మహిళా క్రికెటర్లకు బీసీసీఐ బంపర్ గుడ్ న్యూస్.. మ్యాచ్ ఫీజులు 2.5 రెట్లు పెంపు