India vs Sri Lanka Women’s T20I Series: BCCI Announces Full Schedule

భారత మహిళా క్రికెట్ జట్టు ఈ నెలలో స్వదేశంలో శ్రీలంకతో టీ20 సిరీస్ ఆడనుంది. ఇందుకోసం బీసీసీఐ (BCCI) శుక్రవారం అధికారిక షెడ్యూల్‌ను విడుదల చేసింది. డిసెంబర్ 21 నుంచి డిసెంబర్ 30 వరకు భారత్ ఐదు టీ20 మ్యాచ్‌లను ఆడనుందని ప్రకటించింది.

ఈ సిరీస్‌కు విశాఖపట్నం మరియు తిరువనంతపురం వేదికలుగా నిలవనున్నాయని బీసీసీఐ తెలిపింది. అసలుకు ఈ కాలంలో భారత్–బంగ్లాదేశ్ మహిళా జట్ల మధ్య సిరీస్ జరగాల్సి ఉంది. అయితే ప్రస్తుత అంతర్జాతీయ పరిస్థితుల నేపథ్యంలో ఆ టూర్‌ను సెప్టెంబర్ 2026కి వాయిదా వేశారు.

టీ20 ప్రపంచకప్ 2026ను దృష్టిలో ఉంచుకొని, సిద్ధతలో భాగంగా శ్రీలంకతో ఈ సిరీస్‌ను ఖరారు చేసినట్లు బీసీసీఐ వెల్లడించింది. ఐసీసీ వన్డే ప్రపంచకప్ 2025లో చాంపియన్‌గా నిలిచిన భారత జట్టు, ఇప్పుడు ఈ టీ20 సిరీస్‌తో కొత్త ప్రయాణాన్ని ప్రారంభించనుంది.

ఇంగ్లండ్‌లో జూన్ 12 నుండి జూలై 5 వరకు జరగనున్న మహిళల టీ20 ప్రపంచకప్–2026కు ఇరుజట్లకూ ఈ సిరీస్ మంచి వార్మప్‌గా ఉపయోగపడనుంది.

శ్రీలంకతో సిరీస్ ముగిసిన తర్వాత భారత మహిళా క్రికెటర్లు మహిళల ప్రీమియర్ లీగ్ (WPL)తో బిజీ కానున్నారు. ఇప్పటికే బీసీసీఐ ప్రకటించిన ప్రకారం, ఈ టోర్నీ జనవరి 9 నుండి ఫిబ్రవరి 5 వరకు ముంబై, వడోదర వేదికలపై జరగనుంది. తర్వాత భారత జట్టు ఆస్ట్రేలియా పర్యటనకు వెళ్లి, ఫిబ్రవరి 15 నుండి మార్చి 6 వరకు మల్టీ-ఫార్మాట్ సిరీస్ ఆడనుంది.

భారత్ vs శ్రీలంక మహిళల టీ20 సిరీస్ షెడ్యూల్

తేదీ	రోజు	మ్యాచ్	వేదిక
డిసెంబర్ 21	ఆదివారం	మొదటి T20	విశాఖపట్నం
డిసెంబర్ 23	మంగళవారం	రెండో T20	విశాఖపట్నం
డిసెంబర్ 26	శుక్రవారం	మూడో T20	తిరువనంతపురం
డిసెంబర్ 28	ఆదివారం	నాలుగో T20	తిరువనంతపురం
డిసెంబర్ 30	మంగళవారం	ఐదో T20	తిరువనంతపురం

మరిన్ని వార్తలు చదవండి: WPL 2026 మెగా వేలం: అన్‌క్యాప్డ్ భారత క్రికెటర్లపై భారీ డిమాండ్