India vs UAE U19 Asia Cup 2025: India Young Guns Smash 400 Plus for the Third Time in Youth ODIs
ప్రస్తుతం జరుగుతున్న అండర్ 19 ఆసియా కప్ 2025 టోర్నమెంట్లో భారత అండర్ 19 జట్టు తమ పేరిట ఉన్న ప్రపంచ రికార్డును మరింత బలోపేతం చేసింది. యూత్ వన్డే ఇంటర్నేషనల్ క్రికెట్లో టీమిండియా మూడోసారి 400 పరుగుల మైలురాయిని దాటుతూ అరుదైన ఘనతను సాధించింది.
ఇప్పటికే రెండుసార్లు 400 పైచిలుకు స్కోరు చేసిన భారత జట్టు, ఈ మూడోసారి కూడా 400+ పరుగులు చేసి ఆ రికార్డును మరింత శక్తివంతం చేసింది. డిసెంబర్ 12, శుక్రవారం జరిగిన ACC మెన్స్ U19 ఆసియా కప్ 2025 లీగ్ మ్యాచ్లో యూఏఈ అండర్ 19 జట్టుతో జరిగిన పోరులో భారత్ నిర్ణీత 50 ఓవర్లలో 6 వికెట్లు మాత్రమే కోల్పోయి 433 పరుగులు చేసింది.
ఈ స్కోరు అండర్ 19 ఆసియా కప్ చరిత్రలో ఇప్పటివరకు నమోదైన అత్యధిక స్కోరు. అలాగే యూత్ వన్డే ఇంటర్నేషనల్ క్రికెట్లో మూడవ అతిపెద్ద స్కోరుగా నిలిచింది. అంతేకాదు, U19 వన్డేల్లో 400 పైగా పరుగులు చేసిన జట్టుగా భారత్ మూడుసార్లు ఈ మైలురాయిని చేరి అగ్రస్థానంలో తిరుగులేని ఆధిపత్యాన్ని ప్రదర్శించింది. భారత జట్టుతో పాటు ఆస్ట్రేలియా, న్యూజిలాండ్, శ్రీలంక, వెస్టిండీస్ జట్లు ఒక్కోసారి మాత్రమే 400+ స్కోరు చేశాయి.
భారత్ గతంలో 2004లో స్కాట్లాండ్పై 425 పరుగులు, 2022లో ఉగాండాపై 405 పరుగులు చేసి రెండు సార్లు ఈ మైలు రాయిని అందుకుంది. తాజాగా దుబాయ్ వేదికగా సాధించిన 433 పరుగులతో టీమిండియా ఈ జాబితాలో అగ్రస్థానాన్ని మరింత పటిష్టం చేసుకుంది.
అంతర్జాతీయ యువ వన్డే క్రికెట్లో అత్యధిక స్కోరు చేస్తున్న జట్లలో ఆస్ట్రేలియా మొదటి స్థానంలో ఉంది. 2002లో కెన్యాపై 480 పరుగులు చేసి ఆస్ట్రేలియా ఇప్పటికీ అగ్రస్థానం దక్కించుకుంది. 2018లో కెన్యాపై 436 పరుగులు చేసిన న్యూజిలాండ్ రెండో స్థానంలో ఉంది. ఇక భారత్ తాజాగా 433 పరుగులు చేసి మూడో స్థానాన్ని కైవసం చేసింది. ఈ భారీ స్కోర్లు యువజట్ల బ్యాటింగ్ శక్తి ఎంత సామర్థ్యం కలిగిందో స్పష్టంగా తెలియజేస్తాయి.
గతంలో భారత్ 425 పరుగులతో మూడో స్థానంలో ఉన్నప్పటికీ, ఇప్పుడు 433 పరుగులతో ఆ స్థానాన్ని మరింత ఎత్తుకు తీసుకెళ్లింది. ఐదో స్థానంలో 419 పరుగులతో శ్రీలంక ఉంది. ఈ మ్యాచ్లో వైభవ్ సూర్యవంశితో పాటు మరొక బ్యాటర్ వేగంగా ఆడినట్లయితే, భారత జట్టు వన్డే చరిత్రలోనే అత్యధిక స్కోరు చేయగలిగే అవకాశం కూడా ఉండేది.
మరిన్ని వార్తలు చదవండి: సయ్యద్ ముస్తాక్ అలీ ట్రోఫీ 2025: నితీష్ కుమార్ రెడ్డి అద్భుత హ్యాట్రిక్తో సంచలనం