India Women Tour South Africa 2026 Full Schedule and One Off Test Confirmed

భారత్ మహిళల క్రికెట్ జట్టు ఈ ఏడాది దక్షిణాఫ్రికా పర్యటనను రెండు దఫాలుగా చేయనుంది. డిసెంబర్ లో ప్రోటియాస్ మహిళల జట్టుతో ఒక టెస్ట్ మ్యాచ్ కూడా ఆడనుంది. దక్షిణాఫ్రికా క్రికెట్ బోర్డు మార్చి 20న తమ 2026 27 హోమ్ షెడ్యూల్ ప్రకటిస్తూ ఈ విషయాన్ని ధృవీకరించింది.

మొదటి దశలో ఏప్రిల్ 2026లో హర్మన్‌ప్రీత్ కౌర్ నాయకత్వంలోని భారత్ జట్టు ఐదు టీ ట్వంటీ మ్యాచ్ లు ఆడుతుంది. ఈ సిరీస్ టీ ట్వంటీ వరల్డ్ కప్ 2026కు సిద్ధమయ్యే క్రమంలో చాలా కీలకంగా మారనుంది.

డిసెంబర్ టూర్ వివరాలు

డిసెంబర్ లో భారత్ మహిళల రెండో దశ పర్యటన ప్రారంభమవుతుంది. డిసెంబర్ 6న దక్షిణాఫ్రికా ఎమర్జింగ్ జట్టుతో వార్మప్ మ్యాచ్ ఆడుతుంది. తరువాత మూడు వన్డే మ్యాచ్ ల సిరీస్ లో తలపడుతుంది.

ఈ వన్డే మ్యాచ్ లు పోచెఫ్స్ట్రూమ్ బ్లూమ్ ఫొంటైన్ మరియు కేప్ టౌన్ లో జరుగుతాయి. చివరగా డిసెంబర్ 20 నుండి 23 వరకు గ్కెబెర్హా లో ఒకే ఒక్క టెస్ట్ మ్యాచ్ జరుగుతుంది.

ఇది ఈ రెండు జట్ల మధ్య నాలుగో టెస్ట్ మ్యాచ్ కాగా గ్కెబెర్హా లో మహిళల టెస్ట్ మ్యాచ్ జరగడం ఇది రెండోసారి మాత్రమే.

పూర్తి షెడ్యూల్

తేదీ	మ్యాచ్ వివరాలు	వేదిక
ఏప్రిల్ 17	మొదటి టీ ట్వంటీ	డర్బన్
ఏప్రిల్ 19	రెండో టీ ట్వంటీ	డర్బన్
ఏప్రిల్ 22	మూడో టీ ట్వంటీ	జోహన్నెస్‌బర్గ్
ఏప్రిల్ 25	నాలుగో టీ ట్వంటీ	జోహన్నెస్‌బర్గ్
ఏప్రిల్ 27	ఐదో టీ ట్వంటీ	బెనోని
డిసెంబర్ 6	వార్మప్ మ్యాచ్	బెనోని
డిసెంబర్ 9	మొదటి వన్డే	పోచెఫ్స్ట్రూమ్
డిసెంబర్ 12	రెండో వన్డే	బ్లూమ్ ఫొంటైన్
డిసెంబర్ 15	మూడో వన్డే	కేప్ టౌన్
డిసెంబర్ 20 నుండి 23	టెస్ట్ మ్యాచ్	గ్కెబెర్హా

భవిష్యత్ సిరీస్

డిసెంబర్ 2026 టూర్ ముగిసిన తర్వాత కొత్త సంవత్సరం లో ఆస్ట్రేలియా మహిళల జట్టు భారత్ కు పర్యటనకు రానుంది. మార్చి 18 నుండి ఏప్రిల్ 11 వరకు మల్టీ ఫార్మాట్ సిరీస్ జరగనుంది.

మరిన్నివార్తలుచదవండి: ఐపీఎల్ 2026 కు ముందు కేకేఆర్ కు షాక్ మతీష పతిరాణా అందుబాటుపై అనిశ్చితి