IPL 2026 Auction: Date, Venue, Where to Watch and Full Details

IPL 2026 మినీ వేలంకు ఇక కౌంట్‌డౌన్ ప్రారంభమైంది. మరికొద్ది గంటల్లోనే అబుదాబిలోని ప్రతిష్టాత్మక ఎతిహాద్ స్టేడియం వేదికగా ఈ మినీ ఆక్షన్ అధికారికంగా మొదలుకానుంది.

ఈసారి జరిగే వేలంలో మొత్తం 77 ఖాళీ స్థానాల కోసం 359 మంది ఆటగాళ్లు తమ అదృష్టాన్ని పరీక్షించుకోనున్నారు. వీరిలో 110 మంది విదేశీ క్రికెటర్లు ఉండగా, వారిలో కేవలం 31 మందికే అవకాశం దక్కే పరిస్థితి కనిపిస్తోంది.

మొత్తం 10 ఫ్రాంచైజీలు కలిసి రూ. 237.55 కోట్ల వరకు ఖర్చు చేసేందుకు సిద్ధంగా ఉన్నాయి. భారత కాలమానం ప్రకారం మంగళవారం (డిసెంబర్ 16) మధ్యాహ్నం 2.30 గంటలకు IPL 2026 మినీ వేలం ప్రారంభం కానుంది.

ఈ వేలాన్ని స్టార్ స్పోర్ట్స్ ఛానెల్స్లో ప్రత్యక్షంగా వీక్షించవచ్చు. అలాగే జియో హాట్‌స్టార్ డిజిటల్ ప్లాట్‌ఫామ్‌లో కూడా లైవ్ స్ట్రీమింగ్ అందుబాటులో ఉంటుంది. అయితే ఈ సేవలను పొందాలంటే సబ్‌స్క్రిప్షన్ అవసరం. కొన్ని ప్రత్యేకమైన మొబైల్ రీఛార్జ్ ప్లాన్స్ ద్వారా జియో హాట్‌స్టార్ సబ్‌స్క్రిప్షన్‌ను ఉచితంగా పొందే అవకాశం కూడా ఉంది.