IPL 2026 Auction: KKR Ready to Splash ₹10 Crore on a Player Who Played Only 4 Matches!
ఐపీఎల్ 2026 మినీ వేలంలో అత్యధిక పర్సుతో అడుగుపెట్టుతున్న జట్లలో కోల్కతా నైట్ రైడర్స్ (KKR), చెన్నై సూపర్ కింగ్స్ (CSK) అగ్రస్థానాల్లో ఉన్నాయి. కేకేఆర్ వద్ద రూ.64.30 కోట్లు ఉండగా, సీఎస్కే వద్ద రూ.43.40 కోట్లు అందుబాటులో ఉన్నాయి.
ఈసారి కేకేఆర్ ఎక్కువ మందిని విడుదల చేయడంతో, ముఖ్యంగా వికెట్ కీపర్–బ్యాటర్ స్థానంలో ఒక స్టార్ ప్లేయర్ను తప్పనిసరిగా తీసుకోవాల్సిన పరిస్థితి ఏర్పడింది. రహ్మానుల్లా గుర్బాజ్ను కూడా విడుదల చేసినందున, ఆ లోటు మరింత స్పష్టమైంది.
ప్రస్తుతం వేలంలో ఉన్న స్టార్ వికెట్ కీపర్లలో జోష్ ఇంగ్లిస్, క్వింటన్ డి కాక్, రహ్మానుల్లా గుర్బాజ్ మాత్రమే అందుబాటులో ఉన్నారు.
జోష్ ఇంగ్లిస్ - అద్భుత ఫామ్లో ఉన్న స్టార్ కీపర్
ఆస్ట్రేలియా వికెట్ కీపర్–బ్యాటర్ జోష్ ఇంగ్లిస్ ప్రస్తుత ఫామ్ అద్భుతంగా ఉంది. గత ఐపీఎల్ 2025 సీజన్లో పంజాబ్ కింగ్స్ తరఫున 11 మ్యాచ్ల్లో 162.57 స్ట్రైక్రేట్తో 278 పరుగులు చేశాడు. అయినప్పటికీ పంజాబ్ అతన్ని విడుదల చేసింది.
దీనికి కారణం ఇంగ్లిస్ వ్యక్తిగత కారణాల వల్ల ఐపీఎల్ 2026లో మొదటి నాలుగు మ్యాచ్లే ఆడగలనని ముందుగానే చెప్పడం. గతంలో అతన్ని రూ.11.5 కోట్లకు కొనుగోలు చేసిన పంజాబ్ కేవలం నాలుగు మ్యాచ్ల కోసం ఇంత భారీ మొత్తాన్ని వెచ్చించడం సరికాదని భావించి అతన్ని రిలీజ్ చేసింది.
కేకేఆర్ మాస్టర్ ప్లాన్
పంజాబ్ వదిలిన ఈ కీలక ఆటగాడిని దక్కించుకోవడానికి కేకేఆర్ ఇప్పటికే పక్కా వ్యూహం సిద్ధం చేసుకుంది.
ఇంగ్లిస్ ఈ సీజన్లో కొద్దిమ్యాచ్లే ఆడినా, రాబోయే సీజన్లలో జట్టుకు రెగ్యులర్గా అందుబాటులో ఉంటాడన్న నమ్మకం కేకేఆర్ మేనేజ్మెంట్లో ఉంది. అందుకే అతన్ని ప్రాధాన్యంగా టార్గెట్ చేస్తున్నాయి.
ఇంగ్లిస్లాంటి క్వాలిటీ బ్యాటర్ కోసం పలు జట్లు పోటీ పడే అవకాశం ఉండటంతో, కేకేఆర్ అతన్ని దక్కించుకోవడానికి సుమారు రూ.10 కోట్ల వరకూ ఖర్చు పెట్టేందుకు సిద్ధంగా ఉన్నట్లు సమాచారం. ఇంతకుముందు 11 ఐపీఎల్ మ్యాచ్ల్లో 162.58 స్ట్రైక్రేట్తో రాణించిన ఇంగ్లిస్ ప్రస్తుతం 30 ఏళ్ల వయస్సులోనే ఉన్నాడు.
కాబట్టి రాబోయే నాలుగేళ్ల పాటు అతను జట్టుకు భారీగా ఉపయోగపడతాడని భావిస్తున్నారు. అదే సమయంలో, బ్యాకప్గా డి కాక్ లేదా గుర్బాజ్ను కొనుగోలు చేసే అవకాశం కూడా కేకేఆర్ పరిశీలిస్తోంది.
మరిన్ని వార్తలు చదవండి: రస్సెల్ ఇక ప్లేయర్గా ఐపీఎల్కి గుడ్బై: రిటైర్మెంట్ వెనుక కారణాలేంటి?