IPL 2026 Auction: Top Fast Bowlers to Watch Full Analysis and Player Breakdown
IPL 2026 Auction Targeted Fast Bowlers: ఐపీఎల్ 2026 సీజన్ కోసం జరిగే వేలం ఈ నెల 16వ తేదీన అబుదాబిలో నిర్వహించబడుతుంది. ఈ ప్రక్రియ మధ్యాహ్నం 2:30 గంటలకు ప్రారంభమవుతుంది. మొత్తం 77 స్లాట్ల కోసం 10 జట్లు పోటీ పడనున్నాయి. టీ20 ఫార్మాట్ సాధారణంగా బ్యాట్స్మన్లకు అనుకూలమైనదే అయినప్పటికీ, ఒక ప్రతిభావంతమైన బౌలర్ ఓడిపోయే మ్యాచ్ను కూడా తన జట్టు వైపు మలుపు తిప్పగలడు.
గత ఐపీఎల్ వేలాల్లో మిచెల్ స్టార్క్, పాట్ కమిన్స్ వంటి బౌలర్లు 20 కోట్లకు పైగా ధరకు అమ్ముడైనా తొలి ఆటగాళ్లుగా నిలిచిన విషయం తెలిసిందే. ఇక రాబోయే ఐపీఎల్ 2026 వేలంలో భారీ మొత్తం దక్కించుకోగలిగే ఐదుగురు ఫాస్ట్ బౌలర్లు ఎవరో ఇప్పుడు చూద్దాం.
1. ఎన్రిక్ నోర్ట్జే
దక్షిణాఫ్రికా ఫాస్ట్ బౌలర్ ఎన్రిక్ నోర్ట్జే కూడా ఈ ఆక్షన్లో భారీ ధరను సాధించే అవకాశం ఉన్న బౌలర్లలో ఒకరు. 32 ఏళ్ల నోర్ట్జే గత సీజన్లో కెకేఆర్ తరఫున ఉన్నప్పటికీ, జట్టు అతన్ని విడుదల చేసింది. గత సీజన్లో అతనికి కేవలం రెండు మ్యాచ్లే ఆడే అవకాశం వచ్చింది, అందులో ఆయన ఒక వికెట్ మాత్రమే తీశాడు.
అయితే, ఢిల్లీ క్యాపిటల్స్ తరఫున అతను ఆడిన 46 మ్యాచ్ల్లో మొత్తం 60 వికెట్లు పడగొట్టాడు. కఠినమైన వేగంతో, మంచి లెంత్తో బౌలింగ్ చేసే అతనిపై జట్లు ఆసక్తి చూపే అవకాశం ఉంది.
2. చేతన్ సకారియా
27 ఏళ్ల చేతన్ సకారియా గత సీజన్లో కోల్కతా నైట్ రైడర్స్ జట్టులో ఉన్నాడు, కానీ అతనికి ఒక్క మ్యాచ్లోనే అవకాశం లభించింది. తగిన అవకాశాలు రాకపోయినా, సకారియా మంచి నైపుణ్యం గల బౌలర్. ఐపీఎల్లో ఇప్పటివరకు 20 మ్యాచ్ల్లో 20 వికెట్లు తీసి తన ప్రతిభను చూపించాడు.
అతని బేస్ ధర 75 లక్షలు మాత్రమే అయినప్పటికీ, ఈసారి అతను కోట్లలో ధర పలికే అవకాశం ఉంది.
3. మతీశ పతిరానా
శ్రీలంక ఫాస్ట్ బౌలర్ మతీశ పతిరానాపై ఈ ఆక్షన్లో అనేక జట్లు దృష్టి పెట్టడం ఖాయం. ఆయన గత నాలుగు సీజన్లుగా చెన్నై సూపర్ కింగ్స్ తరఫున కీలక బౌలర్గా ఉన్నాడు. ఐపీఎల్లో ఇప్పటివరకు ఆడిన 32 మ్యాచ్ల్లో 47 వికెట్లు తీశాడు. పవర్ ప్లే, డెత్ ఓవర్లలో అతని అద్భుతమైన బౌలింగ్ సామర్థ్యం ప్రత్యేక ఆకర్షణ.
పతిరానా బేస్ ధర 2 కోట్లు. టీ20 అంతర్జాతీయ మ్యాచ్ల్లో కూడా అతను 21 మ్యాచ్ల్లో 31 వికెట్లు తీసి తన ప్రతిభను ప్రూవ్ చేశాడు. సీఎస్కే మళ్లీ అతన్ని తిరిగి దక్కించుకునే అవకాశాలు ఎక్కువగా కనిపిస్తున్నాయి.
4. ఆకాశ్ దీప్
భారత ఫాస్ట్ బౌలర్ ఆకాశ్ దీప్ 2022 నుంచి ఐపీఎల్ ఆడుతున్నప్పటికీ, ఇప్పటివరకు ఏ సీజన్లోనూ అతనికి సరైన అవకాశాలు లభించలేదు. నాలుగు సీజన్లలో అతను మొత్తం 14 మ్యాచ్లు మాత్రమే ఆడి, 10 వికెట్లు తీశాడు. మూడు సీజన్లు ఆర్సీబీ తరఫున, ఒక సీజన్ లక్నో సూపర్ జెయింట్స్ తరఫున ఆడాడు.
ఎల్ఎస్జీ అతన్ని ఇటీవల విడుదల చేసింది. ఆకాశ్ దీప్ బేస్ ధర 1 కోటి రూపాయలు. సీఎస్కే, సన్రైజర్స్ హైదరాబాద్ వంటి జట్లు అతన్ని కోసం పెద్ద మొత్తమే ఖర్చు చేసే అవకాశం ఉంది.
5. లుంగీ ఎన్గిడి
29 ఏళ్ల దక్షిణాఫ్రికా ఫాస్ట్ బౌలర్ లుంగీ ఎన్గిడి గత సీజన్లో ఛాంపియన్ జట్టు ఆర్సీబీలో సభ్యుడిగా ఉన్నాడు. అయితే ఈసారి ఆర్సీబీ అతన్ని విడుదల చేసింది. ఎన్గిడి బేస్ ధర 2 కోట్లు అయినప్పటికీ, అతని ప్రస్తుతం బౌలింగ్ ఫామ్ను చూస్తే ఈ మొత్తం గణనీయంగా పెరిగే అవకాశముంది.
భారత్తో జరిగిన ఇటీవల టీ20 సిరీస్లో అతను అద్భుత ప్రదర్శన చేశాడు. మొదటి రెండు మ్యాచ్లలోనూ శుభ్మన్ గిల్ను తొలి ఓవర్లోనే ఔట్ చేసి ఆకట్టుకున్నాడు. ఆ రెండు మ్యాచ్ల్లో మొత్తం 5 వికెట్లు తీశాడు. గత సీజన్లో ఆర్సీబీ తరఫున ఆడిన రెండు మ్యాచ్ల్లో అతను 4 వికెట్లు దక్కించుకున్నాడు.