IPL 2026 Mini Auction: Delhi Capitals Planning to Re-sign Jake Fraser-McGurk for a Lower Price – Full Details
ఐపీఎల్ 2026 మినీ వేలంలో ఢిల్లీ క్యాపిటల్స్ ఓపెనర్ కోసం వెతికే పనిలో బిజీగా ఉన్నట్లు తెలుస్తోంది. ముఖ్యంగా కేఎల్ రాహుల్ నేతృత్వంలో జట్టుకు స్థిరమైన ఓపెనర్ అవసరం ఉన్నందున, ఇప్పటికే రిలీజ్ చేసిన ఆస్ట్రేలియా చిచ్చరపిడుగు జేక్ ఫ్రేజర్–మెక్గుర్క్ పేరును మరోసారి పరిగణనలోకి తీసుకుంటున్నారని సమాచారం.
2025 మెగా ఆక్షన్లో ఢిల్లీ అతడిని ₹9 కోట్ల భారీ ధరకు దక్కించుకున్న సంగతి తెలిసిందే. అయితే 2026 మినీ ఆక్షన్లో మాత్రం అతడిని ₹2 కోట్ల బేస్ ప్రైస్పై తీసుకోవాలన్న ఆలోచన జట్టులో నడుస్తోంది.
గత సీజన్లో ఘోర వైఫల్యం
మెక్గుర్క్కు 2025 సీజన్ పూర్తిగా నిరాశ కలిగించింది. ఆరు మ్యాచ్లలో అతడు చేసిన పరుగులు కేవలం 55 మాత్రమే. ఈ కారణంగా ప్లేయింగ్ 11లో కూడా స్థానం కోల్పోయాడు.
2024 సీజన్లో అదరగొట్టిన ఈ ఆసీస్ ఓపెనర్, 2025లో పూర్తి స్థాయి ఫ్లాప్ కావడంతో ఢిల్లీ అతడిని కొనసాగించడంలో ఆసక్తి చూపలేదు.
అంతర్జాతీయ క్రికెట్కు ఎదిగిన వేగం
2023లో మెక్గుర్క్ దేశవాళీ వన్డేల్లో కేవలం 29 బంతుల్లోనే సెంచరీ చేయడంతో రికార్డుల పుస్తకాల్లోకి ఎంట్రీ సంపాదించాడు. తర్వాత బిగ్బాష్ లీగ్లో ఓపెనర్గా పరుగుల వర్షం కురిపించి ఆస్ట్రేలియా జట్టులో చోటు సంపాదించాడు. కానీ వచ్చిన అవకాశాలను ఉపయోగించుకోలేకపోవడంతో జట్టులో స్థానం కోల్పోయాడు. అంతేకాక ఐపీఎల్లో కూడా అతడిని ఫ్రాంచైజీలు పక్కన పెట్టాయి.
వికెట్కీపర్ కోసం ఢిల్లీ హంట్
రాహుల్కు కీపింగ్ బాధ్యతలు అప్పగించే సూచనలు లేవు. అందుకే ఢిల్లీ మరో వికెట్కీపర్ను చూస్తోంది.
లిస్టులో ఉన్న పేర్లు:
డెవన్ కాన్వే (CSK మాజీ)
టిమ్ సీఫెర్ట్ (న్యూజిలాండ్)
క్వింటన్ డి కాక్ (మాజీ KKR)
అభిషేక్ పోరెల్ మాత్రమే ప్రస్తుతం జట్టులో ఉన్నందున, ఈ ముగ్గురిలో ఒకరు ఢిల్లీ టార్గెట్ అయ్యే అవకాశాలు ఎక్కువగా ఉన్నాయి.
ఢిల్లీ క్యాపిటల్స్ (DC) – ఐపీఎల్ 2026 రిటైన్ & రిలీజ్ లిస్ట్
రిటైన్ ప్లేయర్లు
అక్సర్ పటేల్
కేఎల్ రాహుల్
కరుణ్ నాయర్
అభిషేక్ పోరెల్
ట్రిస్టన్ స్టబ్స్
సమీర్ రిజ్వీ
అశుతోష్ శర్మ
విప్రజ్ నిగమ్
అజయ్ మండల్
త్రిపురాన విజయ్
మాధవ్ తివారీ
మిచెల్ స్టార్క్
టి. నటరాజన్
ముఖేష్ కుమార్
దుష్మంత చమీర
కుల్దీప్ యాదవ్
నితీశ్ రానా
రిలీజ్ ప్లేయర్లు
మోహిత్ శర్మ
ఫాఫ్ డు ప్లెసిస్
సెడికుల్లా అటల్
జేక్ ఫ్రేజర్–మెక్గుర్క్
మన్వంత్ కుమార్
దర్శన్ నల్కండే
డోనోవన్ ఫెరీరా
మరిన్ని వార్తలు చదవండి: టీ20 ప్రపంచ కప్ 2026 పూర్తి షెడ్యూల్: భారత్ మ్యాచ్లు, గ్రూపులు, జట్ల వివరాలు