IPL 2026 Mini Auction: Mumbai Indians Smartly Acquire Key Players, Quinton de Kock in Focus

ఐపీఎల్ 2026 మినీ వేలంలో ముంబై ఇండియన్స్ ఎంతో తెలివిగా వ్యవహరించింది. అబుదాబి వేదికగా మంగళవారం జరిగిన ఈ మినీ ఆక్షన్‌లో కేవలం రూ.2.75 కోట్ల పర్స్‌తో బరిలోకి దిగిన ముంబై, తమకు అవసరమైన ఆటగాళ్లను సమర్థంగా దక్కించుకుంది. ముఖ్యంగా తమ మాజీ ఆటగాడు క్వింటన్ డికాక్‌ను అతని బేస్ ప్రైజ్ అయిన రూ.1 కోట్లకే కొనుగోలు చేసి అందరి దృష్టిని ఆకర్షించింది.

ముంబై ఇండియన్స్ ఇప్పటికే ప్రధాన ఆటగాళ్లను రిటైన్ చేసుకోవడంతో పాటు, వేలానికి ముందే ట్రేడింగ్ ద్వారా కీలక ఆటగాళ్లను జట్టులోకి చేర్చుకుంది. శార్దూల్ ఠాకూర్, షెర్ఫేన్ రూథర్‌ఫోర్డ్‌, మయాంక్ మార్కండేలను ట్రేడ్ చేసుకోవడంతో ఈ మినీ వేలంలో ముంబైకి పెద్దగా పని లేకుండా పోయింది. చేతిలో పరిమిత పర్స్ ఉన్నప్పటికీ, చాకచక్యంగా వ్యవహరించి కత్తిలాంటి ఆటగాళ్లను దక్కించుకోవడం ముంబై మేనేజ్‌మెంట్ వ్యూహాత్మక ఆలోచనకు నిదర్శనంగా నిలిచింది.

జట్టుకు బ్యాకప్ ఓపెనర్‌తో పాటు వికెట్‌కీపర్ అవసరం ఉండగా, క్వింటన్ డికాక్ రాకతో ఆ రెండు లోటులు ఒకేసారి తీరిపోయాయి. డికాక్‌తో పాటు డానిష్ మలేవార్, మహమ్మద్ ఇజార్, అథర్వ అంకోలేకర్, మయాంక్ రావత్ వంటి అనామక ఆటగాళ్లను కూడా ముంబై ఇండియన్స్ కొనుగోలు చేసింది. మొత్తం మీద పేపర్‌పై చూస్తే ముంబై జట్టు మరింత పటిష్టంగా కనిపిస్తోంది.

ముంబై ఇండియన్స్ కొనుగోలు చేసిన ఆటగాళ్లు

క్వింటన్ డికాక్ (రూ.1 కోటి), డానిష్ మలేవార్ (రూ.30 లక్షలు), మహమ్మద్ ఇజార్ (రూ.30 లక్షలు), అథర్వ అంకోలేకర్ (రూ.30 లక్షలు), మయాంక్ రావత్ (రూ.30 లక్షలు).

ముంబై ఇండియన్స్ రిటైన్ చేసిన ఆటగాళ్లు

హార్దిక్ పాండ్యా (రూ.18 కోట్లు), రోహిత్ శర్మ (రూ.16.30 కోట్లు), జస్ప్రీత్ బుమ్రా (రూ.18 కోట్లు), సూర్యకుమార్ యాదవ్ (రూ.16.35 కోట్లు), తిలక్ వర్మ (రూ.8 కోట్లు), నమన్ ధీర్ (రూ.5.25 కోట్లు), ట్రెంట్ బౌల్ట్ (రూ.12.50 కోట్లు), ర్యాన్ రికెల్టన్ (రూ.1 కోటి), దీపక్ చాహర్ (రూ.9.25 కోట్లు), విల్ జాక్స్ (రూ.5.25 కోట్లు), అశ్వని కుమార్ (రూ.30 లక్షలు), మిచెల్ సాంట్నర్ (రూ.2 కోట్లు), రాజ్ బవా (రూ.30 లక్షలు), రాబిన్ మింజ్ (రూ.65 లక్షలు).

ట్రేడింగ్ ద్వారా వచ్చిన ఆటగాళ్లు

షెర్ఫేన్ రూథర్‌ఫోర్డ్ (రూ.2.6 కోట్లు), శార్దూల్ ఠాకూర్ (రూ.2 కోట్లు), మయాంక్ మార్కండే.

ముంబై ఇండియన్స్ తుది జట్టు (అంచనా)

రోహిత్ శర్మ, క్వింటన్ డికాక్ లేదా ర్యాన్ రికెల్టన్, సూర్యకుమార్ యాదవ్, తిలక్ వర్మ, హార్దిక్ పాండ్యా (కెప్టెన్), విల్ జాక్స్, నమన్ ధీర్, మిచెల్ సాంట్నర్, దీపక్ చాహర్ లేదా శార్దూల్ ఠాకూర్, ట్రెంట్ బౌల్ట్, మయాంక్ మార్కండే.

మరిన్ని వార్తలు చదవండి: IPL 2026 మినీ ఆక్షన్‌లో చరిత్ర.. రూ.14.2 కోట్లకు అమ్ముడైన 2 అన్‌క్యాప్డ్ స్టార్లు