Ireland Squad Announced for T20 World Cup 2026 Paul Stirling Named Captain

భారత్ మరియు శ్రీలంక వేదికలుగా జరగనున్న టీ20 ప్రపంచకప్ 2026 కోసం ఐర్లాండ్ క్రికెట్ బోర్డు 15 మంది సభ్యులతో కూడిన జట్టును ప్రకటించింది. ఈ జట్టుకు అనుభవజ్ఞుడైన పాల్ స్టిర్లింగ్ కెప్టెన్‌గా వ్యవహరించనున్నాడు. అతనికి వికెట్ కీపర్ బ్యాటర్ లోర్కాన్ టక్కర్ ఉపసారథిగా బాధ్యతలు చేపట్టనున్నాడు.

ఈ జట్టులో ప్రత్యేక ఆకర్షణగా అన్నదమ్ముల జోడీలు చోటు సంపాదించాయి. మార్క్ అడైర్, రాస్ అడైర్ అలాగే హ్యారీ టెక్టర్, టిమ్ టెక్టర్ అన్నదమ్ములు వరల్డ్‌కప్ జట్టులోకి ఎంపికయ్యారు. అంతేకాకుండా ఫాస్ట్ బౌలర్ జోష్ లిటిల్, ఆల్ రౌండర్ కర్టిస్ కాంఫర్ వంటి స్టార్ ఆటగాళ్లను కూడా సెలెక్టర్లు ఎంపిక చేశారు.

ఈ మెగా టోర్నీలో ఐర్లాండ్ జట్టు ఆస్ట్రేలియా, శ్రీలంక, జింబాబ్వే, ఒమన్‌లతో కలిసి గ్రూప్ బిలో పోటీ పడనుంది. ఐరిష్ జట్టు తమ తొలి మ్యాచ్‌ను ఫిబ్రవరి 8న కోలంబో వేదికగా శ్రీలంకతో ఆడనుంది. ఈ టోర్నీ ఫిబ్రవరి 7 నుంచి ప్రారంభం కానుంది.

ఐర్లాండ్ జట్టు ఈ మెగా ఈవెంట్‌కు ఐసీసీ టీ20 ర్యాంకింగ్స్ ఆధారంగా న్యూజిలాండ్, పాకిస్తాన్‌లతో కలిసి అర్హత సాధించింది. బలమైన జట్లతో కూడిన గ్రూప్‌లో ఐర్లాండ్ తమ సత్తా చాటేందుకు సిద్ధమవుతోంది.

టీ20 వరల్డ్‌కప్ 2026 కు ఐర్లాండ్ జట్టు

పాల్ స్టిర్లింగ్ కెప్టెన్, మార్క్ అడైర్, రాస్ అడైర్, బెన్ కాలిట్జ్, కర్టిస్ కాంఫర్, గారెత్ డెలానీ, జార్జ్ డాక్రెల్, మాథ్యూ హంఫ్రీస్, జోష్ లిటిల్, బారీ మెక్‌కార్తీ, హ్యారీ టెక్టర్, టిమ్ టెక్టర్, లోర్కాన్ టక్కర్, బెన్ వైట్, క్రెయిగ్ యంగ్

మరిన్నివార్తలుచదవండి: అండర్ 19 ప్రపంచకప్ 2026: ఆఫ్ఘనిస్తాన్ జట్టు ప్రకటన, మహబూబ్ ఖాన్ కెప్టెన్