James Anderson Appointed Full-Time Lancashire Captain for the 2026 County Season
లాంక్షైర్ అభిమానులకు ఎట్టకేలకు ఆనందించే వార్త వచ్చింది. ఇంగ్లండ్ ఫాస్ట్బౌలింగ్ లెజెండ్ జేమ్స్ ఆండర్సన్ను 2026 కౌంటీ సీజన్ కోసం పూర్తి స్థాయి ఛాంపియన్షిప్ కెప్టెన్గా నియమిస్తున్నట్లు క్లబ్ అధికారికంగా ప్రకటించింది. 43 ఏళ్ల వయసులోనూ అద్భుత పేస్, అద్భుత ఫిట్నెస్తో ఆడుతున్న జిమ్మీకి ఇది మరో గౌరవం.
2025లో కీటన్ జెన్నింగ్స్ పదవి నుంచి తప్పుకున్న తర్వాత జట్టును నడిపిన ఆండర్సన్, ఇప్పుడు శాశ్వతంగా ఆ బాధ్యతను తీసుకున్నాడు. గత సీజన్లో లాంక్షైర్ ఎదుర్కొన్న కఠిన సమయాల తర్వాత, కొత్త నాయకత్వంతో జట్టులో కొత్త ఊపు తీసుకురావాలన్నదే క్లబ్ నిర్ణయం. జిమ్మీ నాయకత్వంలో జట్టు మళ్లీ పైకి ఎదగగలదన్న నమ్మకం స్పష్టంగా కన్పిస్తోంది.
ఇంగ్లండ్కు 704 టెస్ట్ వికెట్లు తీసి 2024లో అంతర్జాతీయ క్రికెట్కు వీడ్కోలు పలికినా, నైట్హుడ్ అందుకున్నా… లాంక్షైర్ పట్ల అతని నిబద్ధత మాత్రం తగ్గలేదు. 2025లో ఆడిన 6 ఫస్ట్-క్లాస్ మ్యాచ్ల్లో 17 వికెట్లు (సగటు 25.94) తీసి తన క్లాస్ను చూపించాడు. టీ20 బ్లాస్ట్లోనూ 20 వికెట్లు (సగటు 16.10) సాధించి, తన ఫామ్ ఇంకా శిఖరస్థాయిలోనే ఉందని నిరూపించాడు.
2026 కౌంటీ సీజన్కు సిద్ధమైన లాంక్షైర్: కొత్త కోచ్, కొత్త కెప్టెన్ ప్రభావం
క్లబ్ కూడా భారీ మార్పులకు శ్రీకారం చుట్టింది. హెడ్ కోచ్ డేల్ బెంకెన్స్టీన్ను తొలగించి, మాజీ ఆటగాడు స్టీవెన్ క్రాఫ్ట్ను కొత్త కోచ్గా నియమించడం కీలక నిర్ణయం. ఇప్పుడు ఆండర్సన్–క్రాఫ్ట్ కలిసి పనిచేయడం లాంక్షైర్ పునర్నిర్మాణంలో ప్రధాన పాత్ర పోషించనుంది. యువ ఆటగాళ్లతో పాటు సీనియర్ల అనుభవం జట్టును మళ్లీ డివిజన్-1కి తీసుకెళ్లడమే ప్రధాన లక్ష్యం.
ఆండర్సన్ మాట్లాడుతూ, “గత సీజన్లో కెప్టెన్గా పని చేయడం గర్వకారణం. ఇప్పుడు పూర్తి బాధ్యత రావడం ప్రత్యేకమైన విషయం. మా జట్టులో ప్రతిభ, అనుభవం బ్యాలెన్స్గా ఉంది. డివిజన్-1 ప్రమోషన్ .ఇదే మా ప్రధాన లక్ష్యం,” అని అన్నారు. జోష్ బోహన్నన్ వైస్ కెప్టెన్గా కొనసాగుతాడు, అలాగే టీ20 బ్లాస్ట్లో కీటన్ జెన్నింగ్స్ కెప్టెన్గా ఉంటాడు.
2026 కౌంటీ సీజన్ ఏప్రిల్ 3న నార్త్హాంప్టన్షైర్తో అవే మ్యాచ్తో మొదలవుతుంది. కొత్త కోచ్, కొత్త కెప్టెన్, కొత్త దిశ. ఇవన్నీ కలిసి లాంక్షైర్ జట్టును మరింత బలంగా నిలబెట్టనున్నాయి. అభిమానులు మాత్రం ఒక్క మాటే అంటున్నారు: “జిమ్మీ కెప్టెన్సీతో లాంక్షైర్ మళ్లీ టాప్ డివిజన్లోకి ఎగబ్రికే రోజు చాలా దూరంలో లేదు!”
మరిన్ని వార్తలు చదవండి: IPL 2026: మొత్తం 10 జట్లు అధికారిక రిటెన్షన్ మరియు రిలీజ్ లిస్ట్ & పర్స్ వివరాలు