New Zealand Beat Bangladesh by 26 Runs in First ODI

బంగ్లాదేశ్ పర్యటనను న్యూజిలాండ్ జట్టు ఘనంగా ప్రారంభించింది. ఐదు మ్యాచ్‌ల వన్డే సిరీస్‌లో భాగంగా శుక్రవారం జరిగిన తొలి వన్డేలో న్యూజిలాండ్ 26 పరుగుల తేడాతో విజయం సాధించింది.

మొదట బ్యాటింగ్ చేసిన న్యూజిలాండ్ జట్టు 50 ఓవర్లలో 8 వికెట్లు కోల్పోయి 247 పరుగులు చేసింది. హెన్రీ నికోల్స్ 68 పరుగులతో జట్టు తరఫున అత్యధిక స్కోరు సాధించాడు. డీన్ ఫాక్స్‌క్రాఫ్ట్ 59 పరుగులతో అర్ధ శతకం చేసి కీలక పాత్ర పోషించాడు.

బంగ్లాదేశ్ బౌలర్లలో రిషాద్ హొసెన్, షోరీఫుల్ ఇస్లాం, తస్కిన్ అహ్మద్ తలో రెండు వికెట్లు తీశారు.

బంగ్లాదేశ్ పోరాటం విఫలం

లక్ష్యాన్ని చేధించేందుకు దిగిన బంగ్లాదేశ్ జట్టు 48.3 ఓవర్లలో 221 పరుగులకు ఆలౌట్ అయింది. ఒక దశలో బాగానే పోరాడినప్పటికీ, కీలక వికెట్లు కోల్పోయిన తర్వాత వారి ఇన్నింగ్స్ కూలిపోయింది.

న్యూజిలాండ్ బౌలర్లలో బ్లెయిర్ టిక్‌నర్ 4 వికెట్లు తీసి మ్యాచ్‌ను మలుపుతిప్పాడు. నాథన్ స్మిత్ 3 వికెట్లు తీసి జట్టుకు మంచి మద్దతు ఇచ్చాడు.

బ్యాటింగ్‌లో అర్ధ శతకం, బౌలింగ్‌లో ఒక వికెట్ తీసి అద్భుత ఆల్‌రౌండ్ ప్రదర్శన కనబరిచిన డీన్ ఫాక్స్‌క్రాఫ్ట్ ప్లేయర్ ఆఫ్ ది మ్యాచ్‌గా ఎంపికయ్యాడు.

మ్యాచ్ సారాంశం

జట్టు	స్కోరు
న్యూజిలాండ్	247 కు 8
బంగ్లాదేశ్	221 ఆల్ అవుట్

న్యూజిలాండ్ 26 పరుగుల తేడాతో విజయం సాధించింది

తదుపరి మ్యాచ్

ఇరు జట్ల మధ్య రెండో వన్డే సోమవారం జరగనుంది.

మరిన్నివార్తలుచదవండి: డగౌట్ లో ఫోన్ వాడినందుకు రోమీ భిందర్ పై జరిమానా