New Zealand Start T20 World Cup 2026 with Win Over Afghanistan

టీ20 ప్రపంచకప్ 2026లో న్యూజిలాండ్ జట్టు విజయవంతంగా బోణీ కొట్టింది. చెన్నైలోని ఎంఏ చిదంబరం స్టేడియం వేదికగా ఫిబ్రవరి 8 ఉదయం జరిగిన మ్యాచ్‌లో ఆఫ్ఘనిస్తాన్‌పై 5 వికెట్ల తేడాతో ఘన విజయం సాధించింది.

టాస్ గెలిచిన ఆఫ్ఘనిస్తాన్ తొలుత బ్యాటింగ్ ఎంచుకుని నిర్ణీత 20 ఓవర్లలో 6 వికెట్ల నష్టానికి 182 పరుగులు చేసింది. అనంతరం లక్ష్య ఛేదనకు దిగిన న్యూజిలాండ్ జట్టు 17.5 ఓవర్లలో 5 వికెట్లు కోల్పోయి విజయాన్ని అందుకుంది.

ఆఫ్ఘనిస్తాన్ ఇన్నింగ్స్ విశ్లేషణ

ఆఫ్ఘనిస్తాన్ ఇన్నింగ్స్‌లో గుల్బదిన్ నైబ్ కీలక పాత్ర పోషించాడు. అతను 63 పరుగులతో టాప్ స్కోరర్‌గా నిలిచాడు. రహానుల్లా గుర్బాజ్ 27, ఇబ్రహీం జద్రాన్ 10, సెదిఖుల్లా అటల్ 29, దర్విష్ రసూల్ 20, అజ్మతుల్లా ఒమర్ జాయ్ 14 పరుగులు చేశారు. చివర్లో మొహమ్మద్ నబీ 10 పరుగులతో నాటౌట్‌గా నిలిచాడు.

న్యూజిలాండ్ బౌలర్లలో లోకీ ఫెర్గూసన్ రెండు వికెట్లు తీయగా, రచిన్ రవీంద్ర, మ్యాట్ హెన్రీ, జేకబ్ డఫీ తలో ఒక వికెట్ పడగొట్టారు.

న్యూజిలాండ్ విజయ ఛేదన

లక్ష్య ఛేదనలో న్యూజిలాండ్ బ్యాటర్లు ధైర్యంగా ఆడారు. టిమ్ సీఫర్ట్ 65 పరుగులతో జట్టును విజయపథంలో నడిపించాడు. అతనికి గ్లెన్ ఫిలిప్స్ 42 పరుగులతో మంచి సహకారం అందించాడు. మార్క్ చాప్మన్ 28 పరుగులు చేయగా, డారిల్ మిచెల్ 25 పరుగులతో నాటౌట్‌గా నిలిచాడు. కెప్టెన్ మిచెల్ సాంట్నర్ 17 పరుగులు చేసి చివరి వరకు నిలిచాడు. ఫిన్ అలెన్ ఒక్క పరుగు మాత్రమే చేయగా, రచిన్ రవీంద్ర గోల్డెన్ డకౌట్‌గా పెవిలియన్ చేరాడు.

ఆఫ్ఘనిస్తాన్ బౌలర్లలో ముజీబ్ రహ్మాన్ రెండు వికెట్లు తీయగా, అజ్మతుల్లా ఒమర్ జాయ్, రషీద్ ఖాన్, మొహమ్మద్ నబీ తలో ఒక వికెట్ తీసుకున్నారు.

మరిన్నివార్తలుచదవండి: టీ20 ప్రపంచకప్ 2026 నేపాల్‌తో మ్యాచ్‌కు ఇంగ్లండ్ తుదిజట్టు ఖరారు