PCB Temporarily Manages Multan Sultans for PSL 2026

పాకిస్తాన్ సూపర్ లీగ్ (PSL)లోని ముల్తాన్ సుల్టాన్స్ ఫ్రాంచైజీపై తాత్కాలికంగా పాకిస్తాన్ క్రికెట్ బోర్డ్ (PCB) పూర్తి నియంత్రణ చేపట్టనుంది. ప్రస్తుత యజమాని అలీ తరీన్ ఫ్రాంచైజీ నుంచి తప్పుకుంటున్నట్టు ప్రకటించిన నేపథ్యంలో, PCB ఒక సీజన్ పాటు జట్టు నిర్వహణ బాధ్యతలు చేపడుతోంది.

ఈ నిర్ణయం, PSL కాంట్రాక్ట్ రీన్యూవల్‌పై ఫ్రాంచైజీ యజమాని మరియు PCB మధ్య పెరుగుతున్న విరోధాల నేపథ్యంలో తీసుకున్నారు. PCB చీఫ్ మోహ్సిన్ నక్వీ ఈ వ్యవహారాన్ని ధృవీకరించారు. PCB 2026 సీజన్ ప్రారంభం ముందు, ఆక్షన్ ద్వారా కొత్త యజమాన్యాన్ని కేటాయించే వరకు ముల్తాన్ సుల్టాన్స్‌ను స్వయంగా నిర్వహించనుందని తెలిపారు.

PCB తాత్కాలిక ఆర్థిక లాభాలు

PCBకి ఈ విధమైన తాత్కాలిక వ్యవస్థ ఆర్థికంగా లాభదాయకమని భావిస్తున్నారు. ఒక సీజన్ నిర్వహణ ద్వారా సుమారు 4 మిలియన్ డాలర్ల ఆదా కలగవచ్చని అంచనా. ఇందులో సెంట్రల్ రెవెన్యూ పూల్ ద్వారా 3 మిలియన్ డాలర్లు, స్పాన్సర్‌షిప్ ద్వారా 1 మిలియన్ డాలర్లు లభిస్తాయి. ఆడిట్ నివేదిక ప్రకారం, సీజన్ ఫ్రాంచైజీ ఫీజు సుమారు 8.5 మిలియన్ డాలర్లు మినహాయింపుగా ఉంటాయి.

గతంలో, ముల్తాన్ సుల్టాన్స్ PSLలో ఆరవ జట్టుగా చేరింది. మొదట షాన్ గ్రూప్ $5.2 మిలియన్ డాలర్లతో జట్టును నిర్వహించేది. ఆ సమయంలో ఇది కరాచీ కింగ్స్ కంటే ఎక్కువ ఖర్చుతో ఉన్న జట్టుగా నిలిచింది. కానీ షాన్ గ్రూప్ ఒప్పందాన్ని కొనసాగించలేకపోవడంతో, PCB కాంట్రాక్ట్ రద్దు చేసింది.

డిసెంబర్ 2018లో, అలమ్‌గిర్ తరీన్ మరియు అతని మేనవుడు అలీ తరీన్ $6.3 మిలియన్ డాలర్లతో జట్టును స్వాధీనం చేసుకున్నారు. వారి నాయకత్వంలో, ముల్తాన్ సుల్టాన్స్ PSLలో ఒక స్థిరమైన, శక్తివంతమైన జట్టుగా ఎదిగింది. ఇప్పుడు PCB తాత్కాలిక నియంత్రణ ద్వారా జట్టును కొనసాగించి, 2027 సీజన్ కోసం కొత్త యజమాన్యానికి మార్గం సిద్ధం చేస్తోంది.

మరిన్ని వార్తలు చదవండి: భారత్–దక్షిణాఫ్రికా 4వ టీ20 రద్దు: టికెట్ రిఫండ్‌పై BCCI కీలక వ్యాఖ్యలు