Punjab Kings vs Gujarat Titans: Gujarat Titans Restricted to 162 by Punjab Kings Bowlers

ఐపీఎల్ 2026లో భాగంగా పంజాబ్ కింగ్స్‌తో ఈరోజు (మార్చి 31) జరుగుతున్న మ్యాచ్‌లో గుజరాత్ టైటాన్స్ తక్కువ స్కోర్‌కే పరిమితమైంది. పంజాబ్ హోం గ్రౌండ్ అయిన ముల్లాన్‌పూర్‌లోని మహారాజా యాదవీంద్ర సింగ్ అంతర్జాతీయ క్రికెట్ స్టేడియంలో జరిగిన ఈ మ్యాచ్‌లో టాస్ గెలిచిన పంజాబ్ జట్టు ముందుగా బౌలింగ్ ఎంచుకుంది.

పంజాబ్ బౌలర్లు కట్టుదిట్టంగా బౌలింగ్ చేయడంతో గుజరాత్ జట్టు నిర్ణీత 20 ఓవర్లలో 6 వికెట్ల నష్టానికి 162 పరుగులు మాత్రమే చేసింది. విజయ్‌కుమార్ వైశాక్ అద్భుతంగా బౌలింగ్ చేసి 4 ఓవర్లలో 34 పరుగులు ఇచ్చి 3 వికెట్లు తీశాడు. యుజ్వేంద్ర చహల్ 28 పరుగులకు 2 వికెట్లు పడగొట్టగా, మార్కో జన్సెన్ 20 పరుగులకు ఒక వికెట్ సాధించాడు. బార్ట్‌లెట్ వికెట్లు తీయకపోయినా నియంత్రణతో బౌలింగ్ చేశాడు. అర్షదీప్ సింగ్ మాత్రం కొంత ఖరీదుగా మారి 42 పరుగులు ఇచ్చినా వికెట్ దక్కలేదు.

గుజరాత్ బ్యాటింగ్‌లో శుభ్‌మన్ గిల్ 27 బంతుల్లో 39 పరుగులు చేసి టాప్ స్కోరర్‌గా నిలిచాడు. జోస్ బట్లర్ 33 బంతుల్లో 38 పరుగులు చేసి మంచి సహకారం అందించాడు. గ్లెన్ ఫిలిప్స్ 17 బంతుల్లో 25 పరుగులు చేసి జట్టుకు తోడ్పడ్డాడు. అయితే సాయి సుదర్శన్ (13), వాషింగ్టన్ సుందర్ (18), షారుక్ ఖాన్ (4) త్వరగా అవుట్ కావడంతో జట్టు పెద్ద స్కోర్ చేయలేకపోయింది. చివర్లో రాహుల్ తెవాతియా (11) మరియు రషీద్ ఖాన్ (0) అజేయంగా నిలిచారు.

పంజాబ్ కింగ్స్ మరియు గుజరాత్ టైటాన్స్ మ్యాచ్ ఎప్పుడు ఎక్కడ జరుగుతుంది

పంజాబ్ కింగ్స్ మరియు గుజరాత్ టైటాన్స్ మధ్య ఐపీఎల్ 2026 మ్యాచ్ మార్చి 31 మంగళవారం న్యూ చండీగఢ్ లోని ముల్లాన్‌పూర్ స్టేడియంలో జరగనుంది.

మ్యాచ్ ఎప్పుడు ప్రారంభమవుతుంది

ఈ మ్యాచ్ భారత కాలమానం ప్రకారం రాత్రి ఏడున్నర గంటలకు ప్రారంభమవుతుంది. టాస్ మ్యాచ్ ప్రారంభానికి అరగంట ముందు అంటే రాత్రి ఏడు గంటలకు జరుగుతుంది.

టెలివిజన్ లో ఎక్కడ చూడవచ్చు

పంజాబ్ కింగ్స్ మరియు గుజరాత్ టైటాన్స్ మధ్య జరిగే ఈ మ్యాచ్ ను భారతదేశంలో స్టార్ స్పోర్ట్స్ నెట్‌వర్క్ ప్రత్యక్ష ప్రసారం చేస్తుంది.

ఆన్‌లైన్ లో మ్యాచ్ ను ఎలా చూడాలి

ఈ మ్యాచ్ ప్రత్యక్ష ప్రసారం జియో హాట్‌స్టార్ యాప్ మరియు వెబ్‌సైట్ లో అందుబాటులో ఉంటుంది.

ముల్లాన్‌పూర్‌లో పంజాబ్ కింగ్స్ మరియు గుజరాత్ టైటాన్స్ హెడ్ టు హెడ్ రికార్డు

ముల్లాన్‌పూర్‌లో ఇప్పటివరకు పంజాబ్ కింగ్స్ మరియు గుజరాత్ టైటాన్స్ ఒకే ఒక్క ఐపీఎల్ మ్యాచ్ ఆడాయి. 2024 ఏప్రిల్ 21న జరిగిన ఆ మ్యాచ్ లో శుభ్‌మన్ గిల్ సారథ్యంలోని గుజరాత్ టైటాన్స్, సామ్ కరన్ నాయకత్వంలోని పంజాబ్ కింగ్స్ పై మూడు వికెట్ల తేడాతో గెలిచింది.

వేదిక	మ్యాచ్‌లు	గెలిచిన జట్టు	తేడా
ముల్లాన్‌పూర్	1	గుజరాత్ టైటాన్స్	3 వికెట్లు

మరిన్నివార్తలుచదవండి: బీసీసీఐ కొత్త నిబంధనలు ఐపీఎల్ లో పెద్ద మార్పులు