Sara Tendulkar Goa Video Goes Viral Beer Bottle Sparks Online Debate
భారత క్రికెట్ దిగ్గజం సచిన్ టెండూల్కర్ ముద్దుల కూతురు సారా టెండూల్కర్ మరోసారి వార్తల్లో నిలిచింది. ఆమెకు సంబంధించిన ఒక వీడియో సోషల్ మీడియాలో వైరల్గా మారడంతో తీవ్ర చర్చకు దారి తీసింది. ఆ వీడియోలో సారా చేతిలో బీర్ బాటిల్ ఉన్నట్లు కనిపించడంతో నెటిజన్ల మధ్య వాదోపవాదాలు మొదలయ్యాయి. కొందరు సచిన్ అభిమానులు ఈ విషయాన్ని తీవ్రంగా తప్పుబడుతుండగా, మరికొందరు సారాకు మద్దతుగా నిలుస్తున్నారు.
అసలు ఏం జరిగింది అంటే
నూతన సంవత్సర వేడుకల సందర్భంగా సారా టెండూల్కర్ తన స్నేహితులతో కలిసి గోవాకు వెళ్లినట్లు తెలుస్తోంది. దీనిపై అధికారిక సమాచారం లేకపోయినా, గోవా వీధుల్లో స్నేహితులతో కలిసి సరదాగా గడుపుతున్న దృశ్యాలు ఒక వీడియో రూపంలో బయటకు వచ్చాయి.
Sara Tendulkar Spotted With 𝗕𝗲𝗲𝗿 𝗕𝗼𝘁𝘁𝗹𝗲 At Arrosim Beach, Goa 😲 pic.twitter.com/cHSeqI1SzO
— Jara (@JARA_Memer) December 31, 2025
ఆ వీడియోలో సారా తన స్నేహితులతో కలిసి నడుచుకుంటూ వెళ్తుండగా, ఎదురుగా వెళ్తున్న ఓ బైకర్ వీడియో చిత్రీకరించాడు. ఆ సమయంలో సారా చేతిలో ఒక బాటిల్ కనిపించింది. అది బీర్ బాటిల్ అని కొందరు నెటిజన్లు ఆరోపించడంతో వివాదం చెలరేగింది. సచిన్ టెండూల్కర్ కూతురు ఇలాంటి పరిస్థితుల్లో కనిపించడం తగదని కొందరు అసహనం వ్యక్తం చేస్తూ, ఇది సచిన్ ప్రతిష్టకు భంగం కలిగిస్తుందని వ్యాఖ్యానించారు.
బీర్ తాగితే తప్పేనా అనే ప్రశ్న
అయితే, మరో వర్గం మాత్రం సారా టెండూల్కర్కు అండగా నిలుస్తోంది. బీర్ తాగడం తప్పేనా అని ప్రశ్నిస్తూ, సారా ఒక పెద్దవాళ్లయిన వ్యక్తి అని, తన వ్యక్తిగత జీవితాన్ని తన ఇష్టానుసారం గడిపే హక్కు ఉందని అభిప్రాయపడుతున్నారు. సారా ఏం చేసినా సచిన్ టెండూల్కర్ పేరు ఎందుకు లాగాలని, ఇప్పటికీ ఇలాంటి నైతిక నియంత్రణలు అవసరమా అని ప్రశ్నిస్తున్నారు.
క్రికెట్ వైపు ఎందుకు రాలేదు
ఇటీవల ఇచ్చిన ఓ ఇంటర్వ్యూలో సారా టెండూల్కర్ క్రికెట్ను కెరీర్గా ఎందుకు ఎంచుకోలేదో వెల్లడించింది. క్రికెట్పై తనకు అంత ఆసక్తి లేదని, తండ్రి ఆడిన గొప్ప ఇన్నింగ్స్లు గుర్తున్నప్పటికీ, తాను ఆ మార్గాన్ని అనుసరించలేదని చెప్పింది. తన తమ్ముడు అర్జున్ టెండూల్కర్ క్రికెట్ను కెరీర్గా ఎంచుకున్నాడని గుర్తు చేస్తూ, తాను చిన్నప్పుడప్పుడు గల్లీ క్రికెట్ ఆడినప్పటికీ, ప్రొఫెషనల్ క్రికెట్ ఆడాలనే ఆలోచన ఎప్పుడూ రాలేదని స్పష్టం చేసింది.
వ్యాపార రంగంలో సారా టెండూల్కర్
సారా టెండూల్కర్ ప్రస్తుతం తన తండ్రి నిర్వహిస్తున్న స్వచ్ఛంద సంస్థలతో పాటు పలు వ్యాపార కార్యక్రమాల్లో చురుకుగా పాల్గొంటోంది. ముంబై అంధేరిలో ‘పిలేట్స్ అకాడమీ ఎక్స్ సారా టెండూల్కర్’ పేరుతో ఒక వెల్నెస్ సెంటర్ను నిర్వహిస్తోంది. క్లినికల్ న్యూట్రిషన్ మరియు పబ్లిక్ హెల్త్లో విద్యాభ్యాసం చేసిన సారా, ఫిట్నెస్ మరియు ఆరోగ్యంపై ప్రజల్లో అవగాహన పెంచే దిశగా పనిచేస్తోంది.
మరిన్నివార్తలుచదవండి: డబ్ల్యూపీఎల్ 2026కు ముందే ఆర్సీబీ, ఢిల్లీ క్యాపిటల్స్కు భారీ షాక్