Shaheen Afridi Selected for Australia T20 Series, Babar Azam Returns to Pakistan Squad

పాకిస్తాన్ స్వదేశంలో ఆస్ట్రేలియాతో జరగనున్న మూడు టీ20ల ద్వైపాక్షిక సిరీస్‌కు స్టార్ పేసర్ షాహిన్ షా అఫ్రిదిని జట్టులోకి ఎంపిక చేశారు. గాయం నుంచి పూర్తిగా కోలుకున్న ఆయనకు మళ్లీ రెగ్యులర్ జట్టులో చోటు కల్పించారు. ఈ ఒక్క మార్పు తప్ప ఇటీవల శ్రీలంకతో ఆడిన జట్టే ఆస్ట్రేలియాతోనూ బరిలోకి దిగనుంది.

ఆస్ట్రేలియాలో జరుగుతున్న బిగ్ బాష్ లీగ్‌లో సిడ్నీ సిక్సర్స్ జట్టుకు ప్రాతినిధ్యం వహించిన మాజీ కెప్టెన్ బాబర్ ఆజమ్ కూడా పాక్ జట్టులోకి తిరిగి వచ్చారు. భారత్ మరియు శ్రీలంకలో జరగనున్న మెగా టోర్నీకి ముందు ఈ సిరీస్ పాకిస్తాన్, ఆస్ట్రేలియా జట్లకు కీలక సన్నాహకంగా నిలవనుంది.

మూడు టీ20 మ్యాచ్‌లకు లాహోర్‌లోని గడాఫీ స్టేడియం ఆతిథ్యం ఇవ్వనుంది. ఈ మ్యాచ్‌లు ఈ నెల 29, 31 మరియు ఫిబ్రవరి 1 తేదీల్లో జరగనున్నాయి. ఆస్ట్రేలియా జట్టు ఈ నెల 28న పాకిస్తాన్‌కు చేరుకోనుంది.

పాకిస్తాన్ జట్టు సభ్యులు

సల్మాన్ అలీ ఆఘా (కెప్టెన్), అబ్రార్ అహ్మద్, బాబర్ ఆజమ్, ఫహీమ్ అశ్రఫ్, ఫఖర్ జమాన్, ఖ్వాజా మొహమ్మద్, మొహమ్మద్ నవాజ్, సల్మాన్ మీర్జా, మొహమ్మద్ వసీమ్, నసీమ్ షా, సాహిబ్‌జాదా ఫర్హాన్, సయీమ్ అయూబ్, షాహిన్ షా అఫ్రిది, షాదాబ్ ఖాన్, ఉస్మాన్ ఖాన్, ఉస్మాన్ తారిఖ్.

మరిన్నివార్తలుచదవండి: రంజీ ట్రోఫీలో సర్ఫరాజ్ ఖాన్ ద్విశతకం ఐపీఎల్ 2026కు ముందు అద్భుత ఫామ్