Shreyas Iyer Dating Rumours: Is the Indian Star in a Secret Relationship with a South Actress?
బాలీవుడ్ ముద్దుగుమ్మలు, ఇండియన్ స్టార్ క్రికెటర్ల మధ్య డేటింగ్ అనేది చాలాకాలంగా కొనసాగుతున్న సామాన్య విషయమే. కొంత మంది ఈ సంబంధాన్ని పెళ్లి వరకు తీసుకెళ్తే, మరికొందరు మాత్రం డేటింగ్ వరకు మాత్రమే పరిమితం అవుతారు. తాజాగా టీమిండియా క్రికెటర్ శ్రేయస్ అయ్యర్ ఒక అందాల భామతో డేటింగ్ చేస్తున్నాడన్న వార్తలు సోషల్ మీడియాలో పెద్ద ఎత్తున వైరల్ అవుతున్నాయి. అయితే ఆ బ్యూటీ బాలీవుడ్ది కాదు… సౌత్ సినీ నటీమణి మృణాల్ ఠాకూర్.
జాతీయ మీడియా కథనాల ప్రకారం, శ్రేయస్ అయ్యర్–మృణాల్ ఠాకూర్ గత కొన్ని నెలలుగా డేటింగ్లో ఉన్నారని, వారి ప్రేమ కొద్దికాలం క్రితమే మొదలైందని తెలుస్తోంది. ఇద్దరూ ఒక యాడ్ షూట్ సందర్భంగా పరిచయం అయ్యి దగ్గరయ్యారనే సమాచారం ఉంది. ప్రస్తుతం వారి సంబంధం ప్రారంభ దశలో ఉందని, ఎలాంటి హంగామా లేకుండా సైలెంట్గా ఒకరినొకరు కలుసుకుంటున్నారట.
ఇటీవలనే మృణాల్ ఠాకూర్, నటుడు ధనుష్తో ప్రేమలో ఉన్నారని వచ్చిన రూమర్స్పై స్పష్టత వచ్చింది ఆ వార్తల్లో ఎలాంటి నిజం లేదని తేలిపోయింది. ఇప్పుడు మరలా మృణాల్–శ్రేయస్ డేటింగ్ వార్తలు హాట్ టాపిక్గా మారాయి. ఇద్దరూ ఇంకా ఈ వార్తలపై స్పందించకపోయినా, గత కొన్ని నెలలుగా వారిద్దరి మధ్య ఏదో ప్రత్యేక బంధం ఏర్పడినట్టుగా టాక్ వినిపిస్తుంది.
గతంలో బాలీవుడ్ నటి శ్రద్ధా కపూర్తో కూడా శ్రేయస్ అయ్యర్ పేరు లింక్ అయ్యింది. వీరిద్దరూ ఇన్స్టాగ్రామ్లో ఒకరినొకరు ఫాలో కావడంతో అప్పట్లో అభిమానులు వీరి మధ్య ఏదో ఉందన్నట్లుగా చర్చించారు. ఇప్పుడు కొత్తగా మృణాల్తో సంబంధం ఉన్నట్లు వైరల్ అవుతున్న కథనాల్లో ఎంత నిజం ఉందో మాత్రం అధికారికంగా తెలియాల్సి ఉంది.
అదే సమయంలో, శ్రేయస్ అయ్యర్ ప్రస్తుతం టీమిండియా వన్డే వైస్ కెప్టెన్గా కొనసాగుతున్నాడు. అయితే సౌతాఫ్రికా సిరీస్లో పాల్గొనలేడు, గాయం కారణంగా టీమ్ నుండి దూరమయ్యాడు. ఆస్ట్రేలియాతో మూడో వన్డేలో క్యాచ్ దైవ్ సమయంలో అతని పక్కటెముకలకు గాయం అయింది. ప్రస్తుతం కోలుకుంటున్నప్పటికీ, ఇంకా పూర్తి ఫిట్నెస్ పొందేందుకు సమయం కావాల్సి ఉందని వైద్యులు సూచిస్తున్నారు.
అయ్యర్ ఫిట్నెస్ విషయంలో బీసీసీఐ, సెలక్షన్ కమిటీ తొందరపడకూడదని భావిస్తోంది. వచ్చే సంవత్సరం జనవరి 2026లో న్యూజిలాండ్తో జరగనున్న వన్డే సిరీస్ నాటికి అతడు తిరిగి జట్టులోకి వచ్చే అవకాశం ఉందని తెలుస్తోంది. టీ20 జట్టులో స్థానం కోల్పోయిన అయ్యర్, ప్రస్తుతం వన్డే క్రికెట్లోనే కనిపిస్తున్నాడు.
మరిన్ని వార్తలు చదవండి: విరాట్ కోహ్లీ 52వ సెంచరీ: రికార్డులు రాసుకున్న కింగ్ కోహ్లీ – రోహిత్, గంభీర్ రియాక్షన్స్ వైరల్!