Shreyas Iyer Injury Update: Shreyas Iyer Likely to Miss IPL 2026 Opening Matches

శ్రేయాస్ అయ్యర్ గురించి తాజాగా ఒక నిరాశజనకమైన సమాచారం బయటకు వచ్చింది. ఈ వార్తతో పంజాబ్ కింగ్స్ జట్టులో ఆందోళన పెరిగింది. IPL 2026 ప్రారంభ మ్యాచ్‌లలో అయ్యర్ పాల్గొనకపోవచ్చని తెలుస్తోంది. అతనే పంజాబ్ కింగ్స్ కెప్టెన్.

అక్టోబర్‌లో సిడ్నీలో ఆస్ట్రేలియాతో జరిగిన వన్డే మ్యాచ్‌లో క్యాచ్ పట్టే ప్రయత్నంలో ఆయన తీవ్రంగా గాయపడ్డాడు. ప్రమాదం అనంతరం వెంటనే ఆసుపత్రికి తరలించగా, ICUలో కొంతకాలం చికిత్స పొందాల్సి వచ్చింది. ప్రస్తుతం అయ్యర్ కోలుకునే దిశగా ముందుకు సాగుతున్నాడు. అయితే, పూర్తిగా మైదానంలోకి తిరిగి రావడానికి కనీసం మూడు నెలలు పట్టొచ్చని వైద్యులు సూచిస్తున్నారు.

IPL 2026కు ముందు అయ్యర్ రాక అనుమానమే

‘దైనిక్ జాగరణ్’ నివేదిక ప్రకారం, IPL 2026 మొదలయ్యే సమయానికి అయ్యర్ పూర్తిగా కోలుకునే అవకాశాలు చాలా తక్కువ. దక్షిణాఫ్రికా (నవంబర్–డిసెంబర్ 2025), న్యూజిలాండ్ (జనవరి 2026) ODI సిరీస్‌లకు, అలాగే ఫిబ్రవరి–మార్చిలో జరిగే T20 వరల్డ్ కప్‌కు కూడా ఆయన అందుబాటులో ఉండకపోవచ్చు. IPL 2026 యొక్క తొలి మ్యాచ్‌లలో కూడా అతన్ని జట్టు కోల్పోవాల్సి వచ్చే అవకాశం ఉందని పేర్కొంది.

కోలుకునే ప్రక్రియలో ఉన్న అయ్యర్

ఆస్ట్రేలియాతో జరిగిన మూడో వన్డేలో గాయపడిన తర్వాత సిడ్నీలో ఆసుపత్రిలో చికిత్స పొందిన అయ్యర్, ఇప్పుడు ముంబైకి చేరుకుని రిహాబ్ ప్రోగ్రామ్‌ను అనుసరిస్తున్నారు. ఇటీవల ఆయన అల్ట్రాసౌండ్ పరీక్ష చేయించుకున్నారు. ఆ రిపోర్టులను ప్రముఖ ఆర్థోపెడిక్ వైద్యుడు డాక్టర్ దిన్షా పార్దివాలా పరిశీలించారు. స్కాన్‌లో ఆయన ఆరోగ్యం మెరుగుపడుతున్నట్లు తేలినా, పొత్తికడుపుపై ఒత్తిడి పడే పనులను పూర్తిగా మానుకోవాలని వైద్యులు సూచించారు.

ఐపీఎల్ 2026 వేలానికి ముందు పంజాబ్ కింగ్స్ జట్టు:

శ్రేయస్ అయ్యర్ (కెప్టెన్), నేహాల్ వాధేరా, ప్రియాంష్ ఆర్య, ప్రభ్‌సిమ్రన్ సింగ్, శశాంక్ సింగ్, పైల అవినాష్, హర్నూర్ పన్ను, ముషీర్ ఖాన్, విష్ణు వినోద్, మార్కస్ స్టోయినిస్, అజ్మతుల్లా ఒమర్జాయ్, సూర్యాంశ్ శేఢ్గే, మిచెల్ ఓవెన్, అర్ష్‌దీప్ సింగ్, విజయకుమార్ విషాక్, యశ్ ఠాకూర్, జేవియర్ బార్ట్లెట్, లోకీ ఫెర్గూసన్, యూజ్‌వేంద్ర చహల్, హర్ప్రీత్ బ్రార్.

చదవండి: ఐపీఎల్ రికార్డులు: 2008–2025 మధ్య ఎవరు ఎక్కువ పరుగులు చేశారు?