Shubman Gill Reacts to Missing T20 World Cup 2026 Squad
టీ20 ప్రపంచకప్ 2026కు ఎంపికైన భారత జట్టులో స్టార్ బ్యాట్స్మన్ శుభ్మన్ గిల్కు చోటు దక్కకపోవడం తెలిసిందే. ఈ అంశంపై ఇప్పటివరకు మౌనంగా ఉన్న గిల్ తాజాగా స్పందించాడు. సెలక్టర్ల నిర్ణయాన్ని తాను పూర్తిగా గౌరవిస్తానని స్పష్టం చేశాడు.
భారత్ – న్యూజిలాండ్ జట్ల మధ్య జనవరి 11 నుంచి మూడు మ్యాచ్ల వన్డే సిరీస్ ప్రారంభం కానుంది. ఆదివారం జరగనున్న తొలి వన్డే మ్యాచ్కు ఇరు జట్లు సిద్ధమవుతున్నాయి. ఈ నేపథ్యంలో తొలి వన్డేకు ముందు టీమిండియా వన్డే కెప్టెన్ శుభ్మన్ గిల్ మీడియాతో మాట్లాడాడు.
ఈ సందర్భంగా టీ20 ప్రపంచకప్ 2026 జట్టులో తనకు చోటు దక్కకపోవడంపై వచ్చిన ప్రశ్నకు గిల్ స్పందించాడు. సెలక్టర్ల నిర్ణయాన్ని గౌరవిస్తానని, ప్రపంచకప్కు ఎంపికైన జట్టుకు శుభాకాంక్షలు తెలియజేస్తున్నానని చెప్పాడు. మన జీవితంలో ఏది జరగాలో అది మన తలరాత ప్రకారమే జరుగుతుందని వ్యాఖ్యానించాడు.
“నుదిటిన రాసి ఉంటే నాకు దక్కాల్సినవి తప్పకుండా దక్కుతాయి. ప్రస్తుతం నేను ఇక్కడ ఉండటానికి కూడా అదే కారణం. ప్రతి ఆటగాడు దేశం కోసం ఆడి అత్యుత్తమ ప్రదర్శన ఇవ్వాలని కోరుకుంటాడు. నేనూ అదే ఆశయంతో ముందుకు వెళ్తున్నాను. తుది నిర్ణయం ఎప్పటికీ సెలక్టర్ల చేతుల్లోనే ఉంటుంది,” అని గిల్ పేర్కొన్నాడు.
ఇక భారత్ – న్యూజిలాండ్ వన్డే సిరీస్ షెడ్యూల్ ఇలా ఉంది:
తొలి వన్డే – జనవరి 11 (వడోదర)
రెండో వన్డే – జనవరి 14 (రాజ్కోట్)
మూడో వన్డే – జనవరి 18 (ఇండోర్)
ఈ సిరీస్లో గిల్ సారథ్యంలో టీమిండియా ఎలా రాణిస్తుందోనన్న ఆసక్తి క్రికెట్ అభిమానుల్లో నెలకొంది.
మరిన్నివార్తలుచదవండి: WPL 2026: యాష్లీ గార్డనర్ షో.. యూపీపై గుజరాత్ జెయింట్స్ ఘన విజయం