త్వరలో జరగబోయే ఐపీఎల్ 2026 మినీ ఆక్షన్ కోసం అన్ని ఫ్రాంచైజీలు సిద్ధమవుతున్నాయి. ఎవరు తీసుకోవాలి? ఎంత బడ్జెట్ పెట్టాలి? అనే విషయాల్లో తమ వ్యూహాలను ఫైనల్ చేస్తుంటే… సన్‌رైజర్స్ హైదరాబాద్ (SRH) మాత్రం ఈ వేలంలోకి బలమైన స్థితిలో అడుగు పెడుతోంది.

ఈసారి SRH—

• ఆడమ్ జంపా

• రాహుల్ చాహర్

• అభినవ్ మనోహర్‌లను రిలీజ్ చేసింది.
  అదేలా…

• మహ్మద్ షమిని లక్నో సూపర్ జెయింట్స్ (LSG) కు ట్రేడ్ చేసింది. దీంతో SRH వద్ద ప్రస్తుతం ₹25.5 కోట్ల పెద్ద పర్స్ ఉంది. అలాగే గరిష్టంగా 10 మంది వరకు కొత్తగా తీసుకునే అవకాశం ఉంది.

రిటైన్ చేసిన కీలక ఆటగాళ్లు

ట్రావిస్ హెడ్, అభిషేక్ శర్మ, హెన్రిచ్ క్లాసెన్, ఇషాన్ కిషన్, పాట్ కమ్మిన్స్, నితీష్ కుమార్ రెడ్డిలను జట్టు కొనసాగించింది.

అయితే... SRHకి ఇంకా ఇండియన్ మిడిల్ ఆర్డర్ బ్యాటర్‌లు, క్వాలిటీ ఇండియన్ స్పిన్నర్లు అత్యవసరం. అందుకే వేలంలో ఎవరిపై దృష్టి పెట్టబోతోంది అనేది ఆసక్తికరంగా మారింది.

SRH 2026 Auction Targets

1. ఆండ్రీ రస్సెల్ (Andre Russell)

SRHకి టాప్ ఆర్డర్‌లో శక్తివంతమైన బ్యాటర్లు ఉన్నప్పటికీ… 6వ–7వ స్థానాల్లో ఫినిషర్ కొరత ఉంది.

అందుకే KKR రిలీజ్ చేసిన రస్సెల్‌పై SRH దృష్టి పెట్టే అవకాశం చాలా ఉంది.

రస్సెల్ – బ్యాటింగ్ & బౌలింగ్ రెండింటిలోనూ మ్యాచ్‌ను మార్చగల ఆటగాడు.

రస్సెల్ ఐపీఎల్ రికార్డులు

గణాంకం	వివరాలు
రన్స్	2,651
స్ట్రైక్ రేట్	174.17
వికెట్లు	123
బెస్ట్ బౌలింగ్	5/15
మ్యాచ్‌లు	140

2. మాట్ హెన్రీ (Matt Henry)

SRH షమిని వదిలేసిన తర్వాత అనుభవజ్ఞుడైన స్ట్రైక్ బౌలర్ అవసరం. న్యూజిలాండ్ పేసర్ మాట్ హెన్రీ ప్రస్తుతం అద్భుత ఫామ్‌లో ఉన్నాడు. పాట్ కమ్మిన్స్‌కు మంచి బ్యాకప్ కూడా అవుతాడు.

హెన్రీ ఐపీఎల్ రికార్డులు

గణాంకం	వివరాలు
మ్యాచ్‌లు	6
వికెట్లు	2
బెస్ట్ బౌలింగ్	1/28
ఎకానమీ	10.65

3. రవి బిష్ణోయ్ (Ravi Bishnoi)

జంపా, రాహుల్ చాహర్‌ను రిలీజ్ చేసిన SRHకి ఇప్పుడు టాప్ ఇండియన్ స్పిన్నర్ అత్యవసరం. రవి బిష్ణోయ్ మిడిల్ ఓవర్లలో వికెట్లు తీయగల భారతదేశంలోని ఉత్తమ యువ లెగ్ స్పిన్నర్లలో ఒకరు.

బిష్ణోయ్ ఐపీఎల్ రికార్డులు

గణాంకం	వివరాలు
మ్యాచ్‌లు	77
వికెట్లు	72
బెస్ట్ బౌలింగ్	3/24
ఎకానమీ	8.22

4. ఆకాష్ మధ్వాల్ (Akash Madhwal)

షమీ, సిమర్జీత్ సింగ్‌ను వదిలిన తర్వాత SRHకి ఉత్తమ భారతీయ ఫాస్ట్ బౌలర్ అవసరమైంది. ఆకాష్ మధ్వాల్ డెత్ ఓవర్స్‌లో బౌలింగ్ చేయగల సామర్థ్యం ఉన్న బౌలర్. రాజస్థాన్ రాయల్స్ అతన్ని రిలీజ్ చేయడంతో SRH దొరికితే కొనగలదు.

మధ్వాల్ ఐపీఎల్ రికార్డులు

గణాంకం	వివరాలు
మ్యాచ్‌లు	17
వికెట్లు	23
ఎకానమీ	10.05

సన్‌రైజర్స్ హైదరాబాద్ రిటైన్ చేసిన ఫుల్ జాబితా

• పాట్ కమ్మిన్స్ (కెప్టెన్)

• ట్రావిస్ హెడ్

• అభిషేక్ శర్మ

• అనికేత్ వర్మ

• ఆర్. స్మరన్

• ఇషాన్ కిషన్

• హెన్రిచ్ క్లాసెన్

• నితీష్ కుమార్ రెడ్డి

• హర్ష్ దూబే

• కమిందు మెండిస్

• హర్షల్ పటేల్

• బ్రైడన్ కార్సే

• జయదేవ్ ఉనద్కత్

• ఎషాన్ మలింగ

• జీషాన్ అన్సారీ

మరిన్ని వార్తలు చదవండి: ఐపీఎల్ 2026లో పుణెకి భారీ డిమాండ్: ఆర్సీబీ–ఆర్ఆర్ హోం గ్రౌండ్లు మారనున్నాయా?