Steve Smith Set to Play PSL for Sialkot Stallions via Direct Signing
ఆస్ట్రేలియా దిగ్గజ బ్యాటర్ స్టీవ్ స్మిత్కు సంబంధించిన ఓ వార్త ప్రస్తుతం సోషల్ మీడియాలో వైరల్గా మారింది. రానున్న పాకిస్తాన్ సూపర్ లీగ్ ఎడిషన్ కోసం సియాల్కోట్ స్టాలియన్జ్ ఫ్రాంచైజీ స్టీవ్ స్మిత్ను ఎంపిక చేసుకున్నట్లు ప్రచారం జరుగుతోంది. ఈ ఫ్రాంచైజీ స్టీవ్ను డైరెక్ట్ సైనింగ్ విధానం ద్వారా తీసుకున్నట్లు సమాచారం.
ఈ వార్త పాకిస్తాన్ క్రికెట్ అభిమానుల్లో భారీ చర్చకు దారితీసింది. పాక్ అభిమానుల సోషల్ మీడియా గ్రూపుల్లో ఈ విషయం పెద్ద హడావుడిగా మారింది. పలువురు అభిమానులు ఇప్పటికే స్టీవ్ స్మిత్కు స్వాగతం పలుకుతున్నారు. ఇప్పటివరకు స్టీవ్ స్మిత్ పాకిస్తాన్ సూపర్ లీగ్లో ఆడలేదు. అతని ఎంట్రీతో పీఎస్ఎల్కు అంతర్జాతీయ స్థాయిలో మరింత ఆకర్షణ పెరుగుతుందని విశ్లేషకులు అభిప్రాయపడుతున్నారు.
ప్రస్తుతం స్టీవ్ స్మిత్ అద్భుతమైన ఫామ్లో ఉన్నాడు. తాజాగా ముగిసిన బిగ్ బాష్ లీగ్ 15వ సీజన్లో సిడ్నీ సిక్సర్స్ తరఫున ఆడిన అతడు 6 మ్యాచ్ల్లో 299 పరుగులు చేశాడు. ఈ టోర్నీలో అతడి సగటు 59.80గా ఉండగా, స్ట్రైక్ రేట్ 167.97గా నమోదైంది. ఈ సీజన్లోనే అతడు కేవలం 42 బంతుల్లో శతకం సాధించి అందరి దృష్టిని ఆకర్షించాడు.
స్టీవ్ స్మిత్ మొత్తం టీ20 కెరీర్ను పరిశీలిస్తే ఇప్పటివరకు 272 మ్యాచ్లు ఆడి 6,242 పరుగులు చేశాడు. ఇందులో ఐదు శతకాలు, ముప్పై అర్ధశతకాలు ఉన్నాయి. అనుభవం, ఫామ్ రెండూ కలిసిన ఈ ఆస్ట్రేలియన్ స్టార్ పీఎస్ఎల్లో అడుగుపెడితే లీగ్ స్థాయి మరింత పెరగడం ఖాయం.
ఇదిలా ఉండగా, రానున్న పాకిస్తాన్ సూపర్ లీగ్ ఎడిషన్కు ముందు పలు కొత్త నిబంధనలు అమల్లోకి వచ్చాయి. వాటి ప్రకారం ప్రతి ఫ్రాంచైజీకి ఒక విదేశీ ఆటగాడిని నేరుగా సంతకం చేసుకునే అవకాశం కల్పించారు. అయితే ఈ విధానం ద్వారా గత ఎడిషన్లో పీఎస్ఎల్ ఆడని ఆటగాడినే ఎంపిక చేసుకోవాలి. ఈ అవకాశాన్ని సద్వినియోగం చేసుకున్న సియాల్కోట్ స్టాలియన్జ్ స్టీవ్ స్మిత్ను దక్కించుకున్నట్లు సమాచారం.
సియాల్కోట్ స్టాలియన్జ్ పీఎస్ఎల్లో కొత్తగా ప్రవేశించిన రెండు జట్లలో ఒకటి. 2026 జనవరి 8న జిన్నా కన్వెన్షన్ సెంటర్లో జరిగిన ఫ్రాంచైజీల వేలంలో ఓజెడ్ డెవలపర్స్ యాజమాన్యం హమ్జా మజీద్ మరియు కామిల్ ఖాన్ కలిసి స్టాలియన్జ్ను రూ.1.85 బిలియన్ రికార్డు ధరకు కొనుగోలు చేశారు. ఇది పీఎస్ఎల్ చరిత్రలోనే అత్యంత ఖరీదైన ఫ్రాంచైజీగా నిలిచింది.
మరిన్నివార్తలుచదవండి: గాయం కారణంగా వరల్డ్ కప్కు దూరమైన ప్యాట్ కమ్మిన్స్.. SRH ఫ్యాన్స్కు ఊరట