T20 World Cup 2026 Australia Squad Announced, Pat Cummins Ruled Out
రాబోయే టీ20 ప్రపంచ కప్ 2026 కోసం క్రికెట్ ఆస్ట్రేలియా తమ తుది 15 మంది సభ్యుల జట్టును ప్రకటించింది. ఈ మెగా టోర్నమెంట్కు భారత్ మరియు శ్రీలంక సంయుక్తంగా ఆతిథ్యం ఇవ్వనున్నాయి. ఫిబ్రవరి 17 నుంచి టోర్నమెంట్ ప్రారంభం కానుంది. ఇప్పటికే ఆస్ట్రేలియా ఈ పోటీల కోసం ప్రొవిజనల్ జట్టును ప్రకటించిన సంగతి తెలిసిందే.
అయితే, తుది జట్టు ప్రకటించిన తర్వాత ఒక కీలక పరిణామం చోటు చేసుకుంది. ఆస్ట్రేలియా స్టార్ ఫాస్ట్ బౌలర్ ప్యాట్ కమిన్స్ వెన్ను గాయం కారణంగా ఈ ప్రపంచ కప్కు దూరమయ్యారు. ఆయన స్థానంలో ఎడమచేతి ఫాస్ట్ బౌలర్ బెన్ ద్వార్షుయిస్కు అవకాశం లభించింది.
ఇక ప్రొవిజనల్ జట్టులో ఉన్న మ్యాట్ షార్ట్ను తుది జట్టులో నుంచి తప్పించగా, ఆయన స్థానంలో మ్యాట్ రెన్షా ఎంపికయ్యాడు. అనుభవజ్ఞుడు స్టీవ్ స్మిత్కు ఈసారి ప్రపంచ కప్ జట్టులో చోటు దక్కలేదు.
ప్యాట్ కమిన్స్ దూరంపై సెలెక్టర్ టోనీ డోడెమైడ్ వ్యాఖ్యలు
తుది జట్టు ప్రకటించిన అనంతరం క్రికెట్ ఆస్ట్రేలియా సెలెక్టర్ టోనీ డోడెమైడ్ స్పందించారు. ప్యాట్ కమిన్స్ పూర్తిగా కోలుకోవడానికి ఇంకా సమయం అవసరమని తెలిపారు. అలాగే బెన్ ద్వార్షుయిస్ ఈ స్థానానికి సరైన ప్రత్యామ్నాయమని ఆయన అభిప్రాయపడ్డారు.
డోడెమైడ్ మాట్లాడుతూ, బెన్ ద్వార్షుయిస్ ఎడమచేతి ఫాస్ట్ బౌలింగ్తో పాటు అద్భుతమైన ఫీల్డింగ్ మరియు చివరి ఓవర్లలో బ్యాటింగ్ చేయగల సామర్థ్యం కలిగి ఉన్నాడని అన్నారు. అలాగే మంచి వేగంతో స్వింగ్ బౌలింగ్ చేయడం, వేరియేషన్లు వినియోగించడం భారత్ మరియు శ్రీలంక పరిస్థితుల్లో ఎంతో ఉపయోగపడుతాయని తెలిపారు.
మ్యాట్ రెన్షా గురించి మాట్లాడుతూ, ఇటీవల అన్ని ఫార్మాట్లలో ఆయన అద్భుతంగా రాణిస్తున్నాడని, ఆస్ట్రేలియా, క్వీన్స్ల్యాండ్ బుల్స్ మరియు బ్రిస్బేన్ హీట్ జట్ల తరఫున విభిన్న పాత్రల్లో తన ప్రతిభను నిరూపించుకున్నాడని పేర్కొన్నారు.
టీ20 ప్రపంచ కప్ 2026 కోసం ఆస్ట్రేలియా జట్టు
మిచెల్ మార్ష్ కెప్టెన్, జేవియర్ బార్ట్లెట్, కూపర్ కానోలీ, టిమ్ డేవిడ్, బెన్ ద్వార్షుయిస్, కామెరాన్ గ్రీన్, నాథన్ ఎలిస్, జోష్ హేజిల్వుడ్, ట్రావిస్ హెడ్, జోష్ ఇంగ్లిస్, మ్యాట్ కుహ్నెమాన్, గ్లెన్ మ్యాక్స్వెల్, మ్యాట్ రెన్షా, మార్కస్ స్టోయినిస్, ఆడమ్ జాంపా
మరిన్నివార్తలుచదవండి: టీ20 ప్రపంచ కప్ 2026 కోసం యూఏఈ జట్టు ప్రకటింపు: పూర్తి స్క్వాడ్ మరియు షెడ్యూల్