T20 World Cup 2026 Eshan Malinga Ruled Out Pramod Madushan Replaces Him

శ్రీలంక టీ20 ప్రపంచకప్ 2026 జట్టులో కీలక మార్పు చోటు చేసుకుంది. ఫిబ్రవరి 1న ఇంగ్లండ్‌తో జరిగిన టీ20 మ్యాచ్‌లో గాయపడిన యువ ఫాస్ట్ బౌలర్ ఈషాన్ మలింగ, మొత్తం టోర్నీకి దూరమయ్యాడు. అతని స్థానంలో ప్రమోద్ మదుశన్‌ను జట్టులోకి ఎంపిక చేశారు.

తొలుత ప్రకటించిన ప్రపంచకప్ జట్టులో చోటు దక్కకపోవడంతో నిరాశ చెందిన ప్రమోద్‌కు, ఈషాన్ గాయంతో అనూహ్య అవకాశం లభించింది. ఇది అతనికి మరోసారి అంతర్జాతీయ వేదికపై తన ప్రతిభను చూపించే పెద్ద అవకాశంగా మారింది.

ఈషాన్ మలింగ, ప్రమోద్ మదుశన్ ఇద్దరూ రైట్ ఆర్మ్ మీడియం పేసర్లు. ఈషాన్ శ్రీలంక టీ20 జట్టులో రెగ్యులర్ సభ్యుడిగా కొనసాగుతుండగా, ప్రమోద్ దాదాపు మూడేళ్ల తర్వాత మళ్లీ టీ20 జట్టులోకి వచ్చాడు. అతను చివరిసారిగా 2023 ఏప్రిల్‌లో శ్రీలంక తరఫున టీ20 మ్యాచ్ ఆడాడు.

అంతర్జాతీయ టీ20లకు దూరంగా ఉన్నప్పటికీ, ప్రమోద్ పొట్టి ఫార్మాట్ క్రికెట్‌తో మాత్రం నిరంతరం టచ్‌లోనే ఉన్నాడు. 24 ఏళ్ల ప్రమోద్ ఇప్పటివరకు 8 అంతర్జాతీయ టీ20 మ్యాచ్‌లు ఆడి, 12 వికెట్లు సాధించాడు. ఈ ప్రపంచకప్‌లో అతను మతీష పతిరణ, దుష్మంత చమీరాతో కలిసి కొత్త బంతితో బౌలింగ్ చేసే బాధ్యతను పంచుకోనున్నాడు.

స్వదేశంతో పాటు భారత్‌లో జరుగుతున్న టీ20 ప్రపంచకప్ 2026 ఫిబ్రవరి 7 నుంచి ప్రారంభమవుతోంది. గ్రూప్ బీలో ఉన్న శ్రీలంక జట్టు తమ తొలి మ్యాచ్‌ను ఫిబ్రవరి 8న ఐర్లాండ్‌తో ఆడనుంది. ఈ గ్రూప్‌లో శ్రీలంకతో పాటు ఐర్లాండ్, ఆస్ట్రేలియా, ఒమన్, జింబాబ్వే జట్లు ఉన్నాయి.

అప్‌డేటెడ్ శ్రీలంక టీ20 ప్రపంచకప్ 2026 జట్టు

దసున్ షనక కెప్టెన్, పథుమ్ నిస్సంక, కమిల్ మిశారా, కుసల్ మెండిస్, కమిందు మెండిస్, కుసల్ జానిత్ పెరేరా, చరిత్ అసలంక, జానిత్ లియానగే, పవన్ రత్నాయకే, వనిందు హసరంగ, దునిత్ వెల్లలాగే, మహీష్ తీక్షణ, దుష్మంత చమీరా, మతీషా పతిరణ, ప్రమోద్ మదుశన్

మరిన్నివార్తలుచదవండి: టీ20 వరల్డ్ కప్‌ 2026కు ముందే ఆస్ట్రేలియాకు భారీ షాక్‌.. జోష్ హేజిల్‌వుడ్ ఔట్‌