Top 10 Test Run Scorers 2025: Shubman Gill, KL Rahul, Yashasvi Jaiswal

2025లో టెస్ట్ క్రికెట్‌లో భారత యువ బ్యాటర్ శుభ్‌మన్ గిల్ 983 పరుగులతో టాప్‌లో నిలిచాడు. KL రాహుల్, యశస్వి జైస్వాల్, రవీంద్ర జడేజా, ట్రావిస్ హెడ్, జో రూట్ లాంటి ప్లేయర్లు కూడా టాప్ 10లో చోటు సంపాదించారు.

ఇండియా కోసం 2025లో అంతర్జాతీయ క్రికెట్ ప్రదర్శన మిక్స్‌డ్‌గా ఉంది. పరిమిత ఓవర్ల క్రికెట్‌లో భారత్ డామినేషన్ కొనసాగించింది, కానీ టెస్ట్ క్రికెట్‌లో మంచి ప్రదర్శన ఇవ్వలేకపోయింది. అయినప్పటికీ, కొంతమంది భారత క్రికెటర్లు టెస్ట్ రన్స్కోరింగ్‌లో వెలుగొందారు. అంతేకాదు, కొన్ని విదేశీ క్రికెటర్లు కూడా టెస్టుల్లో శ్రేష్టమైన బ్యాటింగ్ ప్రదర్శనతో మంచి స్కోర్లు సాధించారు.

10. డెవాన్ కాన్వే
న్యూజిలాండ్ బ్యాటర్ డెవాన్ కాన్వే 10వ స్థానంలో ఉన్నాడు. తక్కువ మ్యాచ్‌లు ఆడినా, 87.12 యావరేజ్‌తో 697 పరుగులు సాధించాడు. ఒక డబుల్ సెంచరీతో కివీస్ బ్యాటింగ్‌లో స్థిరమైన ప్లేయర్‌గా నిలిచాడు.

9. బెన్ డకెట్ 
ఇంగ్లాండ్ స్టార్ బ్యాటర్ బెన్ డకెట్ 735 పరుగులతో లిస్టులో 9వ స్థానంలో ఉన్నాడు. Bazball స్ట్రాటజీని పాటిస్తూ, టాప్ ఆర్డర్‌లో ఇంగ్లీష్ జట్టుకు బలమైన పునాదులు అందించాడు.

8. యశస్వి జైస్వాల్ 
టీమిండియా యువ ఓపెనర్ యశస్వి జైస్వాల్ 2025లో మెరిశాడు. అతను 175 హయ్యెస్ట్ స్కోర్‌తో కలిపి 745 పరుగులు చేసింది. అగ్రెసివ్ స్ట్రోక్స్‌తో భారత టెస్ట్ బ్యాటింగ్‌లో కొత్త ఊపు ఇచ్చాడు.

7. రవీంద్ర జడేజా
వెటరన్ ఆల్ రౌండర్ రవీంద్ర జడేజా 764 పరుగులతో 7వ స్థానంలో నిలిచాడు. 63.66 బ్యాటింగ్ యావరేజ్‌తో, ఒత్తిడిలో ఉన్న సమయంలో భారత్‌ను ఆదుకున్నాడు.

6. అలెక్స్ కారీ
ఆస్ట్రేలియా వికెట్ కీపర్ బ్యాటర్ అలెక్స్ కారీ 767 పరుగులు సాధించాడు. లోయర్ ఆర్డర్‌తో కలిసి ఆడుతూ, కంగారూ జట్టు స్కోర్ బోర్డును పెంచడంలో ముఖ్యపాత్ర పోషించాడు.

5. హ్యారీ బ్రూక్ 
ఇంగ్లాండ్ టెస్ట్ టీమ్‌లో హ్యారీ బ్రూక్ 771 పరుగులతో అత్యంత విలువైన ప్లేయర్‌గా నిలిచాడు. తన ప్రత్యేకమైన బ్యాటింగ్ స్టైల్‌తో ఇంగ్లాండ్ జట్టుకు మద్దతు ఇచ్చాడు.

4. జో రూట్ 
ఇంగ్లాండ్ వెటరన్ బ్యాటర్ జో రూట్ 805 పరుగులతో 4వ స్థానంలో ఉన్నాడు. 50కి పైగా యావరేజ్, 4 సెంచరీలతో రూట్ ఇంగ్లాండ్ జట్టులో అత్యంత నమ్మదగ్గ బ్యాటర్‌గా నిలిచాడు.

3. కె.ఎల్. రాహుల్
టీమిండియా టాలెంటెడ్ బ్యాటర్ KL రాహుల్ 813 పరుగులతో 3వ స్థానంలో ఉన్నాడు. మూడు టెస్టు సెంచరీలు సాధించి, టాప్ ఆర్డర్, మిడ్‌ల ఆర్డర్ ఎక్కడైనా ఆడే ప్రతిభ ప్రదర్శించాడు.

2. ట్రావిస్ హెడ్
ఆస్ట్రేలియా బ్యాటర్ ట్రావిస్ హెడ్ 817 పరుగులతో 2వ స్థానంలో నిలిచాడు. దాదాపు 80 స్ట్రైక్ రేట్‌తో, వేగంగా మ్యాచ్ ఫేవర్‌కి మార్చగల ఆటగాడు. అన్ని రకాల పిచ్‌లపై భీకరమైన బ్యాటింగ్ ప్రదర్శన చూపించాడు.

1. శుభ్‌మన్ గిల్
9 మ్యాచ్‌లే ఆడినా, శుభ్‌మన్ గిల్ 983 పరుగులతో 2025లో టెస్ట్ క్రికెట్‌లో అత్యధిక రన్స్కోరర్‌గా నిలిచాడు. కెరీర్ బెస్ట్ 269 పరుగులు సాధించి, టీమిండియా టాప్ ఆర్డర్‌లో స్థిరమైన స్థానాన్ని సంపాదించాడు.

ఈ లిస్ట్‌లోని ఆటగాళ్ల ప్రదర్శన వారి స్థిరమైన ఫామ్, టాప్ ఆర్డర్‌లో స్థిరత్వం, మరియు మైదానంలో అత్యుత్తమ కృషిని ప్రతిబింబిస్తోంది.

మరిన్నివార్తలుచదవండి: టీ20 వరల్డ్ కప్ 2026 ఫోకస్.. కివీస్ సిరీస్‌కు టీమిండియా స్టార్లు అవుట్!