Virat Kohli 300 Sixes for One Team IPL Record
ఐపీఎల్ 2026లో రాయల్ ఛాలెంజర్స్ బెంగళూరు తరఫున విరాట్ కోహ్లీ అద్భుత ఫామ్లో కొనసాగుతున్నాడు. బెంగళూరులోని ఎం చిన్నస్వామి స్టేడియంలో గుజరాత్ టైటాన్స్తో జరుగుతున్న మ్యాచ్లో కోహ్లీ 22 బంతుల్లో 39 పరుగులతో ఆడుతున్నాడు. ఆర్సీబీ ఇన్నింగ్స్ ఎనిమిదో ఓవర్లో రషీద్ ఖాన్ వేసిన రెండో బంతికి కోహ్లీ సిక్స్ కొట్టాడు. ఈ సిక్స్తో ఐపీఎల్లో ఒకే జట్టు తరఫున 300 సిక్సులు పూర్తి చేసిన తొలి ఆటగాడిగా చరిత్ర సృష్టించాడు.
ఒకే జట్టు తరఫున అత్యధిక సిక్సులు కొట్టిన ఆటగాళ్ల జాబితాలో కోహ్లీ మొదటి స్థానంలో ఉండగా, అతని తర్వాత రోహిత్ శర్మ ఉన్నాడు. ముంబై ఇండియన్స్ తరఫున రోహిత్ శర్మ 231 మ్యాచ్లలో 259 సిక్సులు కొట్టాడు.
ఐపీఎల్లో ఒకే జట్టు తరఫున అత్యధిక సిక్సులు
| ఆటగాడు | జట్టు | మ్యాచ్లు | పరుగులు | సిక్సులు |
|---|---|---|---|---|
| విరాట్ కోహ్లీ | రాయల్ ఛాలెంజర్స్ బెంగళూరు | 274 | 8947 | 300 |
| రోహిత్ శర్మ | ముంబై ఇండియన్స్ | 231 | 6013 | 259 |
| క్రిస్ గేల్ | రాయల్ ఛాలెంజర్స్ బెంగళూరు | 85 | 3163 | 239 |
| ఏబీ డివిలియర్స్ | రాయల్ ఛాలెంజర్స్ బెంగళూరు | 156 | 4491 | 238 |
| ఎంఎస్ ధోనీ | చెన్నై సూపర్ కింగ్స్ | 248 | 4865 | 234 |
| కీరన్ పొలార్డ్ | ముంబై ఇండియన్స్ | 189 | 3412 | 223 |
| ఆండ్రే రస్సెల్ | కోల్కతా నైట్ రైడర్స్ | 133 | 2593 | 220 |
| సంజూ శాంసన్ | రాజస్థాన్ రాయల్స్ | 149 | 4027 | 192 |
ఐపీఎల్ చరిత్రలో అత్యధిక సిక్సులు కొట్టిన రికార్డు క్రిస్ గేల్ పేరిట ఉంది. ఆయన 142 మ్యాచ్లలో మొత్తం 357 సిక్సులు కొట్టాడు. ఈ జాబితాలో రెండో స్థానంలో రోహిత్ శర్మ 309 సిక్సులతో ఉన్నాడు. విరాట్ కోహ్లీ ప్రస్తుతం 300 సిక్సులతో మూడో స్థానంలో కొనసాగుతున్నాడు.
ఐపీఎల్లో అత్యధిక సిక్సులు
| ఆటగాడు | జట్లు | మ్యాచ్లు | పరుగులు | సిక్సులు |
|---|---|---|---|---|
| క్రిస్ గేల్ | వివిధ జట్లు | 142 | 4965 | 357 |
| రోహిత్ శర్మ | డెక్కన్ ఛార్జర్స్, ముంబై ఇండియన్స్ | 276 | 7183 | 309 |
| విరాట్ కోహ్లీ | రాయల్ ఛాలెంజర్స్ బెంగళూరు | 274 | 8947 | 300 |
| ఎంఎస్ ధోనీ | చెన్నై, పుణే | 278 | 5439 | 264 |
| ఏబీ డివిలియర్స్ | ఢిల్లీ, ఆర్సీబీ | 184 | 5162 | 251 |
| డేవిడ్ వార్నర్ | ఢిల్లీ, హైదరాబాద్ | 184 | 6565 | 236 |
| సంజూ శాంసన్ | వివిధ జట్లు | 184 | 4997 | 234 |
| కీరన్ పొలార్డ్ | ముంబై | 189 | 3412 | 223 |
| ఆండ్రే రస్సెల్ | ఢిల్లీ, కోల్కతా | 140 | 2651 | 223 |
| కేఎల్ రాహుల్ | వివిధ జట్లు | 151 | 5427 | 218 |
అదే సమయంలో కోహ్లీ ఐపీఎల్లో 800 ఫోర్లు కూడా పూర్తి చేశాడు. ఈ ఘనత సాధించిన తొలి ఆటగాడిగా నిలిచాడు. ప్రస్తుతం కోహ్లీ 39 పరుగులతో ఆడుతుండగా, ఇంకో 10 పరుగులు చేస్తే ఒకే దేశంలో 10000 టి20 పరుగులు పూర్తి చేసే తొలి ఆటగాడిగా నిలుస్తాడు. ప్రస్తుతం అతని ఖాతాలో భారత్లో 9990 పరుగులు ఉన్నాయి.
మరిన్నివార్తలుచదవండి: వరుసగా మూడు సీజన్లలో శతకం సుధర్శన్ చరిత్ర సృష్టించాడు