Virat Kohli’s Nagin Dance Celebration Goes Viral in IND vs NZ 1st ODI
టీమిండియా సూపర్ స్టార్ విరాట్ కోహ్లి మైదానంలో ఎంత ఉత్సాహంగా ఉంటాడో ప్రత్యేకంగా చెప్పాల్సిన పనిలేదు. ‘కింగ్ కోహ్లి’ కేవలం తన అద్భుతమైన బ్యాటింగ్తోనే కాదు… తన ఎక్స్ప్రెషన్స్, సెలబ్రేషన్స్, ఫన్నీ చేష్టలతో కూడా అభిమానులను అలరిస్తూ ఉంటాడు. తాజాగా మరోసారి తనలోని వినోదభరితమైన కోణాన్ని కోహ్లి బయటపెట్టాడు.
వడోదర వేదికగా న్యూజిలాండ్తో జరుగుతున్న తొలి వన్డే మ్యాచ్లో విరాట్ కోహ్లి చేసిన సెలబ్రేషన్ ఇప్పుడు హాట్ టాపిక్గా మారింది. కివీస్ ఇన్నింగ్స్ 34వ ఓవర్ను కుల్దీప్ యాదవ్ వేయగా, ప్రమాదకర బ్యాటర్ గ్లెన్ ఫిలిప్స్ శ్రేయస్ అయ్యర్కు క్యాచ్ ఇచ్చి పెవిలియన్ చేరాడు. కీలక సమయంలో వికెట్ పడటంతో టీమిండియా ఆటగాళ్లు సంబరాల్లో మునిగిపోయారు.
అయితే అందరి దృష్టిని ఆకర్షించింది మాత్రం విరాట్ కోహ్లి సెలబ్రేషన్. చేతులతో ఫ్లూట్ ఊదుతున్నట్లుగా నటిస్తూ, నగిన్ డ్యాన్స్ స్టెప్పుల తరహాలో కోహ్లి చేసిన ఈ వినూత్న సెలబ్రేషన్ అభిమానులను తెగ ఆకట్టుకుంది. ఇందుకు సంబంధించిన వీడియో ప్రస్తుతం సోషల్ మీడియాలో వైరల్గా మారింది.
— crictalk (@crictalk7) January 11, 2026
ఇక మ్యాచ్ విషయానికి వస్తే… తొలుత బ్యాటింగ్ చేసిన న్యూజిలాండ్ నిర్ణీత 50 ఓవర్లలో 8 వికెట్ల నష్టానికి 300 పరుగులు చేసింది. కివీస్ బ్యాటర్లలో డారిల్ మిచెల్ 71 బంతుల్లో 84 పరుగులతో చెలరేగగా, డెవాన్ కాన్వే 56 పరుగులు, హెన్రీ నికోల్స్ 62 పరుగులతో హాఫ్ సెంచరీలు సాధించారు.
భారత బౌలర్లలో మహ్మద్ సిరాజ్, ప్రసిద్ధ్ కృష్ణ, హర్షిత్ రానా తలా రెండు వికెట్లు తీసి కివీస్కు కట్టడి చేశారు. కుల్దీప్ యాదవ్ ఒక వికెట్ సాధించి జట్టుకు కీలక సహాయం అందించాడు.
మొత్తానికి కోహ్లి ఆటతో పాటు వినోదంతోనూ అభిమానులకు పూర్తి ప్యాకేజ్ అందిస్తున్నాడని మరోసారి నిరూపించాడు.
మరిన్ని వార్తలు చదవండి: యశ్ దయాల్ తర్వాత మరోసారి విరాట్ కోహ్లి భక్తుడు... ఆర్సీబీకి మళ్లీ తలనొప్పి...