Where to Watch India vs Pakistan U19 World Cup Match Live for Free?

అండర్-19 ప్రపంచకప్ 2026లో సూపర్ సిక్స్ రౌండ్‌లో కీలకమైన మ్యాచ్‌కు రంగం సిద్ధమైంది. యావత్ క్రికెట్ ప్రపంచం ఎంతో ఆసక్తితో ఎదురుచూస్తున్న ఈ ఫైటింగ్ ఫేస్‌లో భారత్, పాకిస్థాన్ జట్లు ఫిబ్రవరి 1న జింబాబ్వే బులవాయోలోని క్వీన్స్ స్పోర్ట్స్ క్లబ్ మైదానం వేదికగా తాము చివరి సూపర్-సిక్స్ మ్యాచ్‌ను ఆడబోతున్నాయి.

భారత యువ జట్టు అయుష్ మాత్రే సారథ్యంలో వరుసగా మూడు మ్యాచ్‌లు గెలిచి మంచి ఫామ్‌లో ఉంది. పాకిస్థాన్ రెండు మ్యాచ్‌లు గెలిచింది. ఎమర్జింగ్ ఆసియా కప్ ఫైనల్‌లో పాక్ చేతిలో ఎదురైన పరాజయానికి ప్రతీకారం తీర్చుకోవాలని భారత క్రికెటర్లు లక్ష్యంగా పెట్టుకున్నారు. ముఖ్యంగా టీనేజ్ సెన్సేషన్ వైభవ్ సూర్యవంశీ, పాక్ పేసర్లకు గతంలో ఆడిన విధానం ప్రకారం తగిన సమాధానం ఇవ్వడానికి సిద్దమవుతున్నారు. ఈ మ్యాచ్‌లో భారత్ విజయం సాధిస్తే అధికారికంగా సెమీస్ బర్త్‌ను ఖరారు చేసుకుంటుంది.

ఫ్రీగా మ్యాచ్ చూడటం ఎలా?

భారత కాలమానం ప్రకారం మధ్యాహ్నం 1 గంటకు మ్యాచ్ ప్రారంభమవుతుందనగా, 12:30 గంటలకు టాస్ జరగనుంది. ఈ మెగా టోర్నీ అధికారిక బ్రాడ్‌కాస్టర్‌గా స్టార్ స్పోర్ట్స్ నెట్‌వర్క్ మరియు జియో హాట్‌స్టార్ వ్యవహరిస్తున్నాయి. ఈ వేదికల్లో ప్రత్యక్షంగా చూడాలంటే సబ్‌స్క్రిప్షన్ అవసరం. అయితే ప్రత్యేక మొబైల్ రీచార్జ్ ప్లాన్స్ ద్వారా జియో హాట్‌స్టార్ సబ్‌స్క్రిప్షన్ ఫ్రీగా పొందవచ్చు.

కీలక ప్లేయర్లు

భారత జట్టు: వైభవ్ సూర్యవంశీ, అయుష్ మాత్రే, విహాన్ మల్హోత్రా, హార్దిక్ రాజ్, అభిజ్ఞాన్ కుండు, సి. ఆండ్రి సిద్ధార్థ్, సాహిల్ పరాఖ్, కె.పి. కార్తికేయ, సమర్థ్ నగరాజ్, కిరణ్ చోర్మలే, నమన్ తివారీ, ప్రియాంషు మోలియా, మురుగన్ అభిషేక్, ధనుష్ గౌడ.

విహాన్ మల్హోత్రా జింబాబ్వేపై అజేయ శతకంతో చెలరేగగా, వైభవ్ సూర్యవంశీ హాఫ్ సెంచరీలతో బలమైన ఆరంభాలను అందిస్తున్నారు.

పాకిస్థాన్ జట్టు: సాద్ బేగ్ (కెప్టెన్/కీపర్), షాజైబ్ ఖాన్, అజాన్ అవేస్, షామ్ల్ హుస్సేన్, అరాఫత్ మిన్హాస్, అమీర్ హసన్, ఉబైద్ షా, మహ్మద్ జైషాన్, అలీ అస్ఫాండ్, నవీద్ అహ్మద్ ఖాన్, హారూన్ అర్షద్, అహ్మద్ హసన్, ఖుబైబ్ ఖలీల్, ముహమ్మద్ రియాజుల్లా.

పిచ్ రిపోర్ట్

బులవాయో క్వీన్స్ స్పోర్ట్స్ క్లబ్ పిచ్ బ్యాటింగ్‌కు అనుకూలంగా ఉంది. ఉదయం పేసర్లకు కొంత స్వింగ్ అవకాశం ఉండొచ్చు. టాస్ గెలిచిన జట్టు ముందుగా బ్యాటింగ్ చేస్తే, 280+ పరుగులు సాధించడం ద్వారా ప్రత్యర్థిపై ఒత్తిడి పెంచవచ్చు.

మరిన్నివార్తలుచదవండి: టీ20 వరల్డ్‌కప్ 2026 ఓపెనింగ్ సెర్మనీ ఫిబ్రవరి 7న వాంఖడేలో ఘన ప్రారంభం