Why Andre Russell Quit IPL? Full Details on His Retirement
ఐపీఎల్ 2026 మినీ వేలానికి ముందు కోల్కతా నైట్ రైడర్స్ ఆల్రౌండర్ ఆండ్రీ రస్సెల్ను విడుదల చేసిన తర్వాత, అతనే ఈసారి అత్యధిక ధరకు అమ్ముడయ్యే ఆటగాడని అందరూ భావించారు. అయితే వెంటనే రస్సెల్ తన రిటైర్మెంట్ ప్రకటించడంతో అభిమానులకు భారీ షాక్ తగిలింది.
ఈ ఏడాది ఐపీఎల్ వేలానికి తన పేరు పంపకపోవడమే కాకుండా, ఇకపై ప్లేయర్గా ఆడబోనని స్పష్టంగా వెల్లడించాడు. అయితే కేకేఆర్ ఫంక్షనింగ్లో భాగంగా ‘పవర్ హిట్టింగ్ కోచ్’గా మాత్రం కొనసాగనున్నట్టు తెలిపారు.
ఐపీఎల్ నుంచి రిటైర్మెంట్పై మొదటిసారిగా స్పందించిన రస్సెల్, శారీరకంగా మరియు మానసికంగా ఎదురయ్యే సవాళ్ల కారణంగానే ఈ నిర్ణయం తీసుకున్నానని స్పష్టం చేశాడు. కేవలం బ్యాటర్గా లేదా బౌలర్గా ఆడాలన్న ఆలోచన తనకు ఎప్పుడూ రాలేదని చెప్పారు. అలాగే ఇంపాక్ట్ ప్లేయర్గా వచ్చి కేవలం సిక్స్లు మాత్రమే కొట్టే పాత్ర తనకు నచ్చదని వెల్లడించాడు.
“మ్యాచ్లు ఎక్కువ… ట్రావెల్ ఎక్కువ… రికవరీ, ప్రాక్టీస్, జిమ్ ఇవన్నీ బ్యాలెన్స్ చేయడం చాలా కష్టం. రోజూ ఒకే స్థాయిలో ప్రదర్శన ఇవ్వడం సులభం కాదు. మీరు బ్యాటింగ్, బౌలింగ్, ఫీల్డింగ్ అన్నీ చేయాలి. ఐపీఎల్ లాంటి లీగ్లో టాప్ ఫిట్గా ఉండడం పెద్ద ఛాలెంజ్. కేవలం బ్యాటర్గా ఆడటం నాకు సరిపోదు. కనీసం రెండు ఓవర్లు బౌలింగ్ చేస్తేనే నా బ్యాటింగ్ రిథమ్ కూడా సెట్ అవుతుంది,” అని రస్సెల్ క్రిక్బజ్కి చెప్పారు.
రస్సెల్ ఇప్పటివరకు 140 ఐపీఎల్ మ్యాచ్లు ఆడి 2,651 పరుగులు చేయడంతో పాటు 123 వికెట్లు కూడా తీశాడు. అతని స్ట్రయిక్ రేట్ 174.18 ఐపీఎల్లో వెయ్యికి పైగా బంతులు ఆడిన ప్లేయర్లలో అత్యధికం. బౌలింగ్లో అతని బెస్ట్ ఫిగర్స్ 5/15.
కేకేఆర్ తరఫున 12 సీజన్లు ఆడిన రస్సెల్, 2014 మరియు 2024 టైటిళ్లలో కీలక పాత్ర పోషించాడు. కేకేఆర్తో పాటు ఇతర టీ20 లీగ్ల్లో కూడా నిరంతరం పాల్గొంటూ వచ్చాడు. ఇక ఐపీఎల్కు వీడ్కోలు పలికిన రస్సెల్ ప్రపంచవ్యాప్తంగా జరుగుతున్న ఇతర టీ20 టోర్నీల్లో మాత్రం ఆడడం కొనసాగించనున్నాడు. ఐపీఎల్లో మాత్రం కేకేఆర్ అతన్ని కోచ్గా తమ సెటప్లో కొనసాగించాలని చూస్తోంది.4
మరిన్ని వార్తలు చదవండి: హార్దిక్ పాండ్యా మరియు మాహికా శర్మ నిశ్చితార్థం కిచ్చిన వీడియో – తాజా వైరల్ అప్డేట్