Why ICC Penalised Harshit Rana After Brevis’ Dismissal Full Details
టీమిండియా యువ పేసర్ హర్షిత్ రానా మరోసారి తన ఆగ్రహ స్వభావం కారణంగా వార్తల్లో నిలిచాడు. దక్షిణాఫ్రికాతో జరుగుతున్న వన్డే సిరీస్లో ఐసీసీ ప్రవర్తనా నియమావళిని (Code of Conduct) ఉల్లంఘించినందుకు అతనికి అంతర్జాతీయ క్రికెట్ మండలి కీలక హెచ్చరిక జారీ చేసింది.
ఎం జరిగింది?
దక్షిణాఫ్రికా ఇన్నింగ్స్లో 22వ ఓవర్లో ఈ వివాదాస్పద ఘటన చోటుచేసుకుంది. డెవాల్డ్ బ్రెవిస్ వికెట్ తీసిన వెంటనే, హర్షిత్ రానా డ్రెస్సింగ్ రూమ్ వైపు వెళ్లిపో అన్నట్లు సైగ చేశాడు. ఈ హావభావం ప్రత్యర్థి ఆటగాడిని రెచ్చగొట్టే విధంగా ఉందని భావించిన మ్యాచ్ అధికారుల సూచనపై, ఐసీసీ అతని క్రమశిక్షణ రికార్డులో ఒక డిమెరిట్ పాయింట్ జత చేసింది.
గత 24 నెలల్లో రానాకు ఇదే తొలి తప్పు కావడంతో శిక్ష తేలికగా ముగిసింది. మ్యాచ్ రిఫరీ, ఎమిరేట్స్ ఐసీసీ ఎలైట్ ప్యానెల్ సభ్యుడు రిచీ రిచర్డ్సన్ ప్రతిపాదించిన శిక్షను రానా అంగీకరించాడు. అందువల్ల ఈ అంశంపై మరింత విచారణ అవసరం లేకపోయింది. ఫీల్డ్ అంపైర్లు జయరామన్ మదనగోపాల్, సామ్ నోగాజ్స్కీ, థర్డ్ అంపైర్ రాడ్ టక్కర్, ఫోర్త్ అంపైర్ రోహన్ పండిట్ రానాపై ఈ అభియోగాలు మోపారు.
భారత్ అద్భుత విజయం
ఈ ఉత్కంఠభరిత సిరీస్ ఓపెనర్లో భారత్ 17 పరుగుల తేడాతో దక్షిణాఫ్రికాను ఓడించింది.
భారత్ బ్యాటింగ్:
విరాట్ కోహ్లీ – అద్భుత 135 (52వ వన్డే సెంచరీ)
రోహిత్ శర్మ – 57
కేఎల్ రాహుల్ – 60
భారత్ 349/8 భారీ స్కోరు నమోదు చేసింది.
దక్షిణాఫ్రికా ఛేదన:
పర్యాటక జట్టు ఆరంభం నుంచే డగ్మగించింది.
హర్షిత్ రానా ఒకే ఓవర్లో రికెల్టన్, డికాక్లను అవుట్ చేసి సంచలనం
అర్ష్దీప్ సింగ్ కెప్టెన్ మార్క్రమ్ను పెవిలియన్కి పంపించాడు
మిడిల్ ఆర్డర్లో మాథ్యూ బ్రీట్జ్కీ, టోనీ డి జోర్జి, బ్రెవిస్ పోరాడినా ఫలితం లేకపోయింది
కుల్దీప్ యాదవ్ నాలుగు కీలక వికెట్లు తీశాడు
చివర్లో జాన్సెన్ మెరుపులు, బాష్ అర్ధశతకం మ్యాచ్ను సూపర్ ఉత్కంఠగా మార్చాయి. చివరి ఓవర్లో 19 పరుగులు అవసరం ఉండగా, ప్రసిద్ధ్ కృష్ణ బాష్ను అవుట్ చేసి భారత్కు విజయాన్ని అందించాడు.
హర్షిత్ రానా – గత వివాదాలు కూడా గుర్తుకు
రానా మైదానంలో దూకుడుగా ప్రవర్తించడం కొత్తేమీ కాదు.గత ఐపీఎల్లో ‘ఫ్లయింగ్ కిస్’ సెలబ్రేషన్తో నిబంధనలు అతిక్రమించినందుకు బీసీసీఐ అతనిపై నిషేధం విధించింది. ఇప్పుడు అంతర్జాతీయ స్థాయిలోనూ అదే అగ్రెషన్ చూపడం మరోసారి చర్చనీయాంశంగా మారింది.
ఐసీసీ నిబంధనల ప్రకారం, 24 నెలల్లో 4 డిమెరిట్ పాయింట్లు చేరితే ఆటగాడు సస్పెండ్ అవుతాడు. కాబట్టి రానా భవిష్యత్తులో తన ప్రవర్తనపై మరింత జాగ్రత్తగా ఉండాల్సిన అవసరం ఉంది.
మరిన్ని వార్తలు చదవండి: ఇలాంటి సీన్స్ మైదానంలో చూడాల్సి వస్తుందని ఎవరు అనుకోరు!