Why Was Smriti Mandhana’s Wedding Stopped? Ring Missing in New Video Sparks Buzz
భారత మహిళా క్రికెట్ జట్టు ఉప కెప్టెన్ స్మృతి మంధాన పేరు గత కొద్ది రోజులుగా వరుసగా వార్తల్లో నిలుస్తోంది. ఐసీసీ మహిళల వన్డే వరల్డ్కప్–2025ను భారత్ గెలుచుకోవడం ఒక కారణమైతే… ఆమె పెళ్లి అర్ధాంతరంగా ఆగిపోవడం మరో పెద్ద కారణంగా మారింది.
గతేడాది సంగీత దర్శకుడు పలాష్ ముచ్చల్తో ప్రేమలో ఉన్నట్లు స్మృతి వెల్లడించిన విషయం తెలిసిందే. టీమ్ టూర్లకు వెళ్లినప్పుడు కూడా పలాష్ను తనతో తీసుకెళ్లేది. వరల్డ్కప్ ముగిసిన తర్వాత స్మృతి ఇండోర్ కోడలుగా మారబోతోందని పలాష్ ఒక ఇంటర్వ్యూలో చెప్పాడు.
నిశ్చితార్థం ప్రకటించిన స్మృతి–పలాష్
భారత్ వన్డే వరల్డ్కప్ గెలిచిన వెంటనే స్మృతి, సహచరులతో కలిసి తన వేలిలో ఉన్న ఎంగేజ్మెంట్ రింగ్ను చూపిస్తూ ఒక వీడియోను షేర్ చేసింది. దానికి సమాంతరంగా పలాష్ కూడా స్మృతికి ఉంగరం తొడిగిన వీడియోను సోషల్ మీడియాలో పోస్ట్ చేశాడు.
ఆ తరువాత ఇద్దరి హల్దీ, మెహందీ, సంగీత్ వేడుకలు ఘనంగా జరిగాయి. అయితే పెళ్లి మరికొన్ని గంటల్లో జరగబోతోందని ఉండగానే స్మృతి తండ్రి శ్రీనివాస్ మంధాన ఛాతీ నొప్పితో ఆసుపత్రిలో చేరారు. దీంతో వివాహాన్ని నిరవధికంగా వాయిదా వేస్తున్నట్లు స్మృతి మేనేజర్ ప్రకటించారు.
పెళ్లి ఆగిపోవడంతో పుట్టిన అనుమానాలు
ఈ ఘటనకు తర్వలోనే మరో మలుపు వచ్చింది. పలాష్ కూడా ఆసుపత్రిలో చేరడం, ఒక యువతి అతడు తనతో అసభ్యకరంగా చాట్ చేశాడంటూ స్క్రీన్షాట్లు షేర్ చేయడం… సోషల్ మీడియాలో పెద్ద చర్చకు దారితీసాయి. పలాష్ స్మృతిని మోసం చేశాడంటూ పుకార్లు హద్దుమీరగా, ఇరు కుటుంబాలు మాత్రం నిశ్శబ్దంగా ఉన్నారు.
ఇలాంటి పరిస్థితిలో పలాష్ తల్లి అమితా త్వరలోనే పెళ్లి జరుగుతుందని చెప్పగా, స్మృతి సోదరుడు శ్రవణ్ మాత్రం కొత్త తేదీని ఇప్పటివరకు ఖరారు చేయలేదని స్పష్టం చేశాడు. దీంతో चर्चలు మరింత వేడెక్కాయి.
రింగ్ తీసేసిందా? స్మృతి తాజా పోస్ట్ వైరల్
పెళ్లి వాయిదా విషయంపై వచ్చిన పుకార్ల తర్వాత శుక్రవారం స్మృతి మొదటిసారి సోషల్ మీడియాలో ఒక యాడ్ వీడియో పోస్ట్ చేసింది. ఇందులో ఆమె వరల్డ్కప్ విజయ క్షణాల గురించి మాట్లాడుతూ కనిపించింది. అయితే ఆమె వేలిలో ఎంగేజ్మెంట్ రింగ్ లేకపోవడం నెటిజన్ల దృష్టిని ఆకర్షించింది.
దీంతో “స్మృతి నిశ్చితార్థం రద్దు చేసుకుందా?” అని కొంతమంది కామెంట్ చేయగా… “ఈ యాడ్ ఎంగేజ్మెంట్కు ముందే షూట్ చేశారు” అని కొందరు అభిమానులు సమాధానం ఇస్తున్నారు. అయితే వీడియోలో స్మృతి ముఖం కొంచెం నిరుత్సాహంగా ఉందని ఇంకొందరు అభిప్రాయం వ్యక్తం చేస్తున్నారు.
ఇంకా ఒక ముఖ్యమైన విషయం ఏమిటంటే పెళ్లి వాయిదా పడిన వెంటనే స్మృతి… తన వివాహ వేడుకలు, ఎంగేజ్మెంట్కు సంబంధించిన అన్ని వీడియోలను డిలీట్ చేయడం గమనార్హం. దీంతో సోషల్ మీడియాలో జరుగుతున్న చర్చలకు మరింత బలం చేకూరింది.
మరిన్ని వార్తలు చదవండి: రో-కోలతో గొడవలు వద్దు… రోహిత్–కోహ్లీ భవిష్యత్పై రవిశాస్త్రి సీరియస్ కామెంట్స్