WPL 2026 Auction: Top 10 Most Expensive Players Sold – Full List

ఉమెన్స్ ప్రీమియర్ లీగ్ నాలుగో సీజన్ జనవరి 9 నుంచి ఫిబ్రవరి 5, 2026 వరకు జరగనుంది. ఈ సారి డీవై పాటిల్ స్టేడియం, నవీ ముంబై మరియు వడోదర — రెండు వేదికలను ఆతిథ్యంగా నిర్ణయించారు. ఫిబ్రవరి 5న జరిగే ఫైనల్‌తో ఈ సీజన్ ముగియనుంది.

ఇటీవల జరిగిన డబ్ల్యూపీఎల్ 2026 మెగా వేలంలో దేశీయులతో పాటు విదేశీ ప్లేయర్లకు కూడా భారీగా డిమాండ్ కనిపించింది. ముఖ్యంగా టాప్ ఇంటర్నేషనల్ క్రికెటర్ల కోసం ఫ్రాంచైజీలు కోట్లు ఖర్చు చేయడానికి వెనుకాడలేదు. ఈ వేలంలో మొత్తం తొమ్మిది మంది ప్లేయర్లు కోటి రూపాయలకు పైగా అమ్ముడయ్యారు. ఇప్పుడు అత్యధిక ధరకు విక్రయమైన టాప్-10 ప్లేయర్లు ఎవరో చూద్దాం.

WPL Auction 2026 – అత్యధిక ధరకు అమ్ముడైన TOP 10 ప్లేయర్లు

దీప్తి శర్మ – ₹3.20 కోట్లు (UP Warriors)
మెగా వేలంలో టాప్ బిడ్ దక్కించుకున్న ఆటగాడిగా దీప్తి శర్మ ఫస్ట్ ప్లేస్‌లో ఉంది. యూపీ వారియర్స్ ఆమెను భారీ ధరకు సొంతం చేసుకుంది.

అమేలియా కెర్ – ₹3 కోట్లు (Mumbai Indians)
న్యూజిలాండ్ స్టార్ ఆల్‌రౌండర్ అమేలియా కెర్‌ను ముంబై ఇండియన్స్ మూడు కోట్లకు దక్కించుకుంది.

సోఫీ డివైన్ – ₹2 కోట్లు (Gujarat Giants)
సీనియర్ ఆల్‌రౌండర్ సోఫీ డివైన్‌ను గుజరాత్ జట్టే భారీ పోటీ మధ్య కొనుగోలు చేసింది.

మెగ్ లానింగ్ – ₹1.90 కోట్లు (UP Warriors)
ఇటీవలే అద్భుత ఫార్మ్‌లో ఉన్న మాజీ ఆస్ట్రేలియా కెప్టెన్ మెగ్ లానింగ్‌ను యూపీ వారియర్స్ పెద్ద మొత్తానికి తీసుకుంది.

చినెల్ హెన్రీ – ₹1.30 కోట్లు (Delhi Capitals)
వెస్టిండీస్ ఆల్‌రౌండర్ చినెల్ హెన్రీ పై ఢిల్లీ క్యాపిటల్స్ భారీగా పెట్టుబడి పెట్టింది.

శ్రీ చరణి – ₹1.30 కోట్లు (Delhi Capitals)
మన తెలుగమ్మాయి శ్రీ చరణి అత్యధిక ధర పొందిన భారతీయ యువ ఆటగాళ్లలో ఒకరిగా నిలిచింది.

ఫోబీ లిచ్‌ఫీల్డ్ – ₹1.20 కోట్లు (UP Warriors)
ఆస్ట్రేలియా యంగ్ సెన్సేషన్ లిచ్‌ఫీల్డ్‌ను యూపీ వారియర్స్ భారీ మొత్తం చెల్లించి సొంతం చేసుకుంది.

 ఆశా శోభన – ₹1.10 కోట్లు (UP Warriors)
ఇటీవలి కాలంలో మంచి ప్రదర్శనతో ఆకట్టుకున్న ఆశా శోభన పై కూడా యూపీ వారియర్స్ లెక్కచేసిన పెట్టుబడి పెట్టింది.

లారా వోల్వార్డ్ – ₹1.10 కోట్లు (Delhi Capitals)
దక్షిణాఫ్రికా స్టార్ లారా వోల్వార్డ్‌ను ఢిల్లీ మంచి ధరకు కొనుగోలు చేసింది.

లారెన్ బెల్ – ₹90 లక్షలు (RCB)
ఇంగ్లాండ్ పేసర్ లారెన్ బెల్‌ను ఆర్సీబీ రూ.90 లక్షలకు సొంతం చేసుకుంది.

మరిన్ని వార్తలు చదవండి: WPL 2026 సీజన్ జనవరి 9న ప్రారంభం: నవి ముంబై, వడోదరాలో జరగనున్న కరావాన్ మోడల్