WTC Bowling Records: Top 5 Highest Wicket-Takers Revealed

డబ్ల్యూటీసీ ప్రారంభమైన తర్వాత టెస్ట్ క్రికెట్‌లో బౌలర్ల ప్రాధాన్యం మరింత పెరిగింది. దీర్ఘమైన స్పెల్‌లు వేయడం, కీలక సందర్భాల్లో మ్యాచ్‌ను మలుపుతిప్పే బంతులు వేయడం, ప్రతికూల పరిస్థితుల్లోనూ వికెట్లు తీయగల శక్తి ఈ లక్షణాలతో కొందరు బౌలర్లు వరల్డ్ టెస్ట్ ఛాంపియన్‌షిప్ చరిత్రలో ప్రత్యేక గుర్తింపు పొందారు. ప్రస్తుతం అత్యధిక వికెట్లు సాధించిన టాప్-5 జాబితాలో మూడు ఆస్ట్రేలియా, రెండు భారత బౌలర్లు ఉండటం, ఈ రెండు జట్ల బౌలింగ్ బలం ఏంటో స్పష్టంగా చూపిస్తోంది.

ఆస్ట్రేలియా బౌలర్ల ఆధిపత్యం

అగ్ర ఐదు స్థానాల్లో మూడు స్థానాలను ఆస్ట్రేలియా బౌలర్లు దక్కించుకోవడం, టెస్ట్ ఫార్మాట్‌లో ఆ జట్టు బౌలింగ్ ఎంత శక్తివంతంగా ఉందో చెబుతోంది.

1. నాథన్ లయన్ (ఆస్ట్రేలియా)
డబ్ల్యూటీసీ చరిత్రలో ఇప్పటివరకు అత్యధికమైన 219 వికెట్లు తీసి లయన్ అగ్రస్థానంలో నిలిచాడు. 2019 నుంచి నిరంతరం అద్భుత ప్రదర్శనలు ఇస్తూ ఈ రికార్డును సాధించాడు. అద్భుతమైన లైన్, లెంగ్త్‌పై కట్టుదిట్టమైన నియంత్రణ, బ్యాట్స్‌మెన్ తప్పు చేయేలా ఒత్తిడి సృష్టించే సామర్థ్యం అతని ప్రధాన బలం. అతని బెస్ట్ బౌలింగ్ ఫిగర్స్ 8/64. నాలుగు వికెట్లు 13 సార్లు, ఐదు వికెట్లు 10 సార్లు తీశాడు.

2. ప్యాట్ కమిన్స్ (ఆస్ట్రేలియా)
ఆస్ట్రేలియా కెప్టెన్ కమిన్స్ 215 వికెట్లతో లయన్‌కు చాలా దగ్గరగా ఉన్నాడు. వేగం, బౌన్స్, స్వింగ్‌ల మిశ్రమంతో ప్రత్యర్థులను ఇబ్బంది పెట్టడంలో అతను దిట్ట. అతని బౌలింగ్ సగటు 22.13, బెస్ట్ ఫిగర్స్ 6/28. ప్రపంచంలో అత్యంత ప్రమాదకరమైన పేసర్లలో అతను నిర్ద్వంద్వంగా ఒకడు.

3. మిచెల్ స్టార్క్ (ఆస్ట్రేలియా)
ప్రమాదకరమైన ఇన్-స్వింగ్ యార్కర్లు, కోణం మారుస్తూ బ్యాట్స్‌మెన్‌లను ఔటు చేసే సామర్థ్యం స్టార్క్‌కు ప్రత్యేకం. ఇప్పటివరకు 201 వికెట్లు తీసి టాప్-3లో నిలిచాడు. 43.33 స్ట్రైక్ రేట్‌తో కొత్త బంతి, పాత బంతి రెండింటితోనూ నిరంతరం వికెట్లు తీయగల బౌలర్‌గా తనని నిరూపించుకున్నాడు.

టీమిండియా బౌలింగ్ మెరుపులు

టాప్-5లో భారత్‌కు చెందిన ఇద్దరు ఆల్-టైమ్ గ్రేట్ బౌలర్లు నిలిచారు.

4. ఆర్. అశ్విన్ (భారత్)
భారత స్పిన్ లెజెండ్ అశ్విన్ డబ్ల్యూటీసీలో 195 వికెట్లు తీశాడు. అతని బెస్ట్ 7/71. 21.49 బౌలింగ్ సగటుతో అతను అత్యంత ప్రభావవంతమైన స్పిన్నర్లలో ఒకడు. స్పిన్‌లో వైవిధ్యం, ఫ్లైట్, వేగం మార్పులు ఇవన్నీ బ్యాట్స్‌మెన్‌లను ఎప్పుడూ సందిగ్ధంలో పడేస్తాయి.

5. జస్ప్రీత్ బుమ్రా (భారత్)
భారత స్టార్ పేసర్ బుమ్రా ఇప్పటివరకు 184 వికెట్లు తీసి టాప్-5లో స్థానం సంపాదించాడు. 18.90 సగటు, 40.53 స్ట్రైక్ రేట్‌తో అతను ప్రపంచంలో అత్యంత ఫాస్ట్ బౌలర్లలో ఒకడని మరొకసారి నిరూపించాడు. ప్రత్యేకమైన యాక్షన్, రివర్స్ స్వింగ్ నైపుణ్యం కారణంగా ప్రపంచంలోని ఏ బ్యాట్స్‌మెన్ అయినా అతని ముందు కష్టాల్లో పడతారు.

మరిన్ని వార్తలు చదవండి: IND vs SA బీసీసీఐ కీలక నిర్ణయం రోహిత్ స్థానంలో తాత్కాలిక కెప్టెన్‌గా అతడే