భారత్ తరఫున అరంగేట్రంలో వైభవ్ సూర్యవంశీ ఎన్ని పరుగులు చేశాడు?

భారత్ మరియు ఇంగ్లాండ్ మధ్య జరుగుతున్న సిరీస్‌లో రెండో టీ20 మ్యాచ్ ప్రపంచ క్రికెట్‌లో భారీ చర్చకు దారి తీసింది. కేవలం 15 ఏళ్ల వయసులోనే వైభవ్ సూర్యవంశీ భారత జట్టులో చోటు దక్కించుకుని అంతర్జాతీయ అరంగేట్రం చేశాడు. యువ ఆటగాడు మైదానంలోకి అడుగుపెట్టగానే స్టేడియం మొత్తం ఉత్సాహంతో మార్మోగింది.

ఐపీఎల్ 2026 ప్రదర్శనతో జట్టులోకి

ఐపీఎల్ 2026లో అద్భుతమైన సీజన్ పూర్తి చేసిన వైభవ్, అదే ఆత్మవిశ్వాసంతో ఇంగ్లాండ్ బౌలర్లపై తొలి నుంచే దూకుడుగా ఆడాడు. అయితే వేగంగా మొదలుపెట్టిన ఇన్నింగ్స్‌ను పెద్ద స్కోరుగా మార్చుకోలేకపోయాడు.

రెండు సిక్సర్లు బాది తొమ్మిది బంతుల్లో 14 పరుగులు చేసిన వైభవ్, విల్ జాక్స్ వేసిన బంతికి స్టంపౌట్ అయ్యాడు. మొత్తం 10 బంతుల్లో 14 పరుగులు చేసి పెవిలియన్‌కు చేరాడు. అభిమానులు భారీ ఇన్నింగ్స్ ఆశించినప్పటికీ ఈసారి నిరాశ తప్పలేదు.

ఆరెంజ్ క్యాప్ విజేతగా చరిత్ర

వైభవ్ 16 ఐపీఎల్ మ్యాచ్‌ల్లో 776 పరుగులు చేసి జట్టులోకి ఎంపికయ్యాడు. అంతేకాదు, ఐపీఎల్ చరిత్రలోనే అతి పిన్న వయసులో ఆరెంజ్ క్యాప్ గెలిచిన ఆటగాడిగా రికార్డు నెలకొల్పాడు. దాదాపు ప్రతి మ్యాచ్‌లోనూ రికార్డులు బద్దలు కొట్టాడు.

టాస్ వద్ద వైభవ్‌ను ప్రశంసించిన శ్రేయస్ అయ్యర్

టాస్ గెలిచి బ్యాటింగ్ ఎంచుకున్న తర్వాత కెప్టెన్ శ్రేయస్ అయ్యర్ మాట్లాడాడు. భారత జట్టులో పోటీ ఎంత తీవ్రమైందో వివరించడంతో పాటు వైభవ్ ప్రతిభను ప్రశంసించాడు.

వైభవ్ ఒత్తిడిని అసలు తీసుకోడు. నెట్స్‌లో అతడు బ్యాటింగ్ చేసే విధానం, బౌలర్లను ఎదుర్కొనే ధైర్యం అతని వ్యక్తిత్వాన్ని స్పష్టంగా చూపిస్తుంది. భారత క్రికెట్‌లో ప్రతీ మ్యాచ్‌తో కొత్త ప్రతిభ వెలుగులోకి వస్తోంది అని అయ్యర్ పేర్కొన్నాడు.

మరిన్నివార్తలుచదవండి: మహిళల టీ20 ప్రపంచకప్ 2026 ఫైనల్‌లో భారత అంపైర్ వృందా రాఠి